2 Pedro 1:3 - Tshwa Bible

³ A ntamu wakwe wa wuNungungulu wu hi nyikile zontlhe zi nga za wutomi ni za xichawo xa wuNungungulu, hi ku mu tiva loyi a hi vitanileko hi kungangamela ni ntamu wakwe. Joh. 17:3; 2 Tim. 1:9; 1 Ped. 2:9

2 Pedro 1:3 Mawu Ofanana

Tisimu 110:3

A vanhu va wena vata hi litsako, Laha wena u hlomako a yimpi ya wena, A vaswa va tshinela ka wena na va ambele wubaswa, Khwatsi hi nzhokati yi humako ni mixo.

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Mavingu 12:4

A wasati nene xidlodlo hlokweni ya nuna wakwe; anilezi loyi a mahako tingana i kotisa kubola marambyini yakwe.

Mavingu 31:10

A wasati nene, himani a zi kotako ku mu kuma ke? akuva a tsengo wakwe wu hunza maribye ya lisima.

Mavingu 31:29

Aku: Vanhwana vanyingi va nga va nene; anilezi wena wa va hunza vontlhe.

Mateu 28:18

Zonake Jesu i lo tshinela ka vona, aku kabye: Wu nyikilwe ka mina a ntamu wontihe a tilweni ni laha misaveni; Dan. 7:13; Lu. 10:22; Miti. 2:36; Efe. 1:21; Maheb. 1:2

Va le Roma 8:32

Yena loyi a nga kala ku ala ni Nʼwana wakwe, kanilezi a mu nyikela hi kota ya hina hontlhe, xana a nga ta hi nyika zilo zontlhe zinwe naye ke?

Va le Roma 9:24

Nzi wula hina lava a nga hi vitana, na ku nga hi ka vaJuda voce, kanilezi ni ka vamatiko kambe.

1 Va le Korinte 1:9

Nungungulu i tsumbekile, loyi a mu vitanileko a ku ta hlengela ni Nʼwana wakwe Jesu Kristu a Hosi ya hina. Isa. 49:7; Joh. 15:4; Maheb. 10:23; 1 Joh. 4:13

2 Va le Korinte 12:9

Kanilezi Hosi yi te ngalo ka mina; A tipswalo ta mina ti ku enele, hakuva a ntamu wa mina wu mbheleliswa gomeni. Hikwalaho nzi ranza a ku ti dzunza gomeni ga mina, lezaku a ntamu wa Kristu wu fela ku tshama ka mina. Mutsa. 7:18; Isa. 40:29; 41:10; 1 Kor. 10:13; 1 Ped. 4:14

Va le Efesusi 4:1

Hikwalaho mina loyi nzi nga peresu Hosini, nza mu khongotela a kuva ni mafambela lawa ma faneleko a kuvitanwa loku mu nga vitanwa ha kona; Kol. 1:10

Va le Efesusi 4:4

Wu kona miri munwe ni Moya munwe, kota lezi mu nga vitanelwa a kutsumba kunwe laha mu nga vitanwa. Rom. 12:5

Va le Filipi 3:8

Ina, nza alakanya zilo zontlhe kulahlekelwa hi kota ya kusaseka ka ku tiva Kristu Jesu a Hosi ya mina; hakuva nzi lahlekelwe hi zilo zontlhe hi kota ya yena, nzi zi alakanya lezaku i chaka, kasi nzi fela ku bhinzula Kristu, Joh. 17:3; 1 Kor. 2:2

Va le Filipi 4:8

Vamakabye, hi kugumesa nzi ngalo: Ni zihi lezi zi nga zi nene, ni zihi lezi zi dzunzekako, ni zihi lezi zi lulamileko, ni zihi lezi zi basileko, ni zihi lezi zi ranzekako, ni zihi lezi zi khesiwako; loku gi hi kona wunene, ni zilo lezi zi faneleko ku bongiwa, alakanyani zontlhe lezo.

Va le Kolosi 1:16

Hakuva a zilo zontlhe zi vangilwe ha yena, le tilweni ni laha misaveni, a zilo zi woniwako ni lezi zi nga woniwiko, kutani zitshamu za wuhosi, kutani mifumo, kutani vafumeli va mimoya, kutani mintamu; zontlhe zi vangilwe hi yena, zi vangelwa yena. Joh. 1:3; Rim. 11:36; 1 Ped. 3:22

1 Va le Tesalonika 2:12

Kasi ma famba hi kufaneleko Nungungulu, loyi a mu vitaneleko mufunweni wakwe ni kungangameleni kakwe. Kol. 1:10; 1 Ped. 1:15

1 Va le Tesalonika 4:7

Hakuva Nungungulu a nga hi vitanelangi zivini, kanilezi i hi vitanele kubasisweni. Levi 11:44

2 Va le Tesalonika 2:14

Hizalezo a mu vitaneleko zona hi ivangeli ya hina, kasi ma hlengela a kungangamela ka Hosi ya hina Jesu Kristu.

1 Timote 4:8

Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

1 Pedro 1:15

Kanilezi kota lezi a basileko loyi a nga mu vitana, ngha nwinawu mu basa matshamelweni wontihe ya kuhanya ka nwina; 2 Kor. 7:1

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

1 Pedro 2:21

Hakuva hizalezo mu nga vitanelwa zona; hakuva na Kristu i lo xaniseka hi kota ya nwina, a mu siyela a xikombiso, kasi mu fela ku lanzela a nkonzo wakwe. Mat. 16:24; Joh. 13:11

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18

1 Pedro 3:9

Mu nga tlheliseli a kubiha hi kubiha, hambu ku tlhelisela a nzhukano hi nzhukano; kanilezi katekisani vanhu, hakuva mu vitanelwe lezo, lezaku mu taga a tshomba ya kukateka. Mat. 5:39

1 Pedro 5:10

A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

2 Pedro 1:10

Hikwalaho, vamakabye, pinyameleni nguvu hi ku tiyisa a kuvitanwa ni kuhlawulwa ka nwina; hakuva loku mu maha lezo, cima mu nga ta khunguvanyeka; 1 Joh. 3:19

2 Pedro 1:2

A tipswalo ni kurula a zi anziswe ka nwina, hi ku tiva Nungungulu na Jesu a Hosi ya hina. Dan. 4:1; Juda 2

2 Pedro 1:5

Hi kota ya lezi ngha mu pinyamela a kuva ni wunene kukholweni ka nwina; ni wuneneni ga nwina muva ni kutiva;

2 Pedro 1:6

ni kutiveni ka nwina muva ni kutikhoma; ni kutikhomeni ka nwina muva ni kutimisela; ni kutimiseleni ka nwina muva ni xichawo xa wuNungungulu;

2 Pedro 1:8

Hakuva loku lezi zilo zi hi kona ka nwina zi tala, zi ta mu maha mu nga lolohi, hambu ku vumala mihanzu a kutiveni ka Hosi ya hina Jesu Kristu. Joh. 15:2; Tit. 3:14

2 Pedro 2:20

Hakuva loku va ponile a kunyenyezeni ka tiko, hi ku tiva a Hosi ni Muhanyisi Jesu Kristu, zonake va engeta va phaswa ha kona va hlulwa, a tshamela gabye go gumesa gi bihile ku hunza legi go ranga. Mat. 12:45; Maheb. 10:26

2 Pedro 3:18

Kanilezi kutani tipswalweni ni kutiveni ka Hosi ni Muhanyisi wa hina Jesu Kristu. Ka yena a kuve wudzunzo makunu ni kala kupinzuka. Amen. Efe. 4:15; 1 Ped. 2:2; Kuv. 1:6

Rute 3:11

Makunu, nwananga, u nga chavi! Nzi ta ku mahela zontlhe lezi u zi wulako, hakuva a muti wontihe wa vanhu va ka hina wa zi tiva lezaku wena u wasati a faneleko.