2 Kronekele 23:14 - Tshwa Bible

¹⁴ Mupristi Jehoiada i lo vitana a tinduna ta mazana, a varangeli va yimpi, tita mahlweni, aku ka tona: Mu humeseni xikari ka vanhu, kasi ni wihi loyi a ta nga mu lanza a fela ku dawa hi tlhari! Hakuva mupristi i waku: Mu nga mu dayeli ndlwini ya Jehova!

2 Kronekele 23:14 Mawu Ofanana

2 Tihosi 10:25

Laha na va mbhetile ku nyikela muphahlelo wa kuhiswa, Jehu i te ngalo ka tinhenha ni ka tinduna: Enghenani mu va daya vontlhe! Ku nga poni ni munwe! A tinduna ni tinhenha ti lo va daya ti va hoxa lahandle, va suka vaya mutini wa yindlu ya Baali.

2 Tihosi 11:15

Mupristi Jehoiada i lo leletela a tinduna ta yimpi, aku ka tona: Mu humeseni lomu tixaxeni; loyi a mu lanzako mu dayeni hi tlhari, hakuva mupristi i waku va nga dzuka va mu dayela lomu ndlwini ya Jehova.

2 Tihosi 11:8

Mu ta renzelekela a hosi, munwe ni munwani wa nwina na khomile matlhari yakwe; ni wihi loyi a enghenako lomu tixaxeni, i ta dawa. Mu tava ni hosi loku yi enghena ni loku yi huma.

2 Kronekele 23:13

I lo wona a hosi na yi yimile wutshanwini ga yona hi laha nyangweni, a tinduna ni vabi va mipunzu na va hi laha hosini; vontlhe vanhu va tiko va wa hi kutsakeni, na vaba mipunzu. A vayimbeleli kambe va wa hi ni timbila, va yimbelela tisimu ta kubonga. Zonake Atalia i lo hanzula a tinguwo takwe, aku: Kuhluwuka! Kuhluwuka!

2 Kronekele 23:15

Zonake va lo mu khoma, va mu yisa ndlwini ya hosi hi nyangwa ya mahaxi, va mu dayela lomo.

Eksodusi 21:14

Loku a munhu a vukela munwani munhu hi wurena, a mu daya ha womu, u ta mu khoma u mu daya yenawu, hambu loku a tsutsumele alatini.

Ezekieli 9:7

Aku ka vona: Nyenyezisani a yindlu, tatani a tihubye hi zirumbi… Humani! Va lo huma va ya hlasela lomu mutini.