2 Kronekele 21:14 - Tshwa Bible

¹⁴ Jehova i ta bhoxa a mbanga ya hombe lomu vanhwini va wena; i taba a vana va wena ni vasati va wena, ni zontlhe lezi zi nga za wena.

2 Kronekele 21:14 Mawu Ofanana

1 Tihosi 2:32

Jehova i ta tlhelisela hlokweni yakwe a nkhata wakwe yena nwinyi, hakuva i dele a vavanuna vambiri va lulamileko ku hunza yena, a va daya hi tlhari na dadani wa mina Davida a nga zi tivi-—ku nga Abneri wa Neri, a nduna ya yimpi ya ka Israeli, na Amasa wa Jetera, a nduna ya yimpi ya ka Juda.

2 Kronekele 21:13

kanilezi u famba hi tindlela ta tihosi ta va ka Israeli, u kucetela va ka Juda ni vanhu va le Jerusalema a ku maha wubhayi, va lanzela zimaho za yindlu ya ka Ahabi, ni lezi u deleko a vanakuloni va yindlu ya raru wa wena, lava va nga wa hi va nene ku hunza wena,

2 Kronekele 21:15

Wena wutsumbu u ta biwa hi khombo ga hombe ga wubabyi ga marumbu, gi ta nga enzelekelana kala marumbu ya wena ma huma hi kota ya ntamu wa zilonza.

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19

Hosea 5:11

Efraime i tsimbeketilwe, i tshovekile kulamuleni; hakuva i wa lanzela a zileletelo lezi zi mu tsakisako.

Levi 26:21

Loku mu hambana na mina, mu nga nzi ingisi, nzi ta engeta nzi rumela makhombo hi ku wuyeta ntlhanu wa makhati ni mambiri, ku kheta hi zionho za nwina.

Mika 6:16

Hakuva u hlayisa a zilayelo za Omri, ni matirela wontlhe ya yindlu ya ka Ahabi, u famba hi tindlela tabye. Hikwalaho nzi ta ku hahlula, a vaaki va wena va hlekulwa; zonake u ta rwala a nzhukano ya vanhu va mina. 1 Tih. 16:25, 26, 30-33