1 Timote 6:16 - Tshwa Bible

¹⁶ a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

1 Timote 6:16 Mawu Ofanana

Joba 37:23

Hi ku kumbuka Nyamintamu, hi nga kala hi nga mu kumi: I na ni ntamu wa hombe ni nongameto, i tele hi kululama, Cima a nga hlokisi.

Tisimu 104:2

U ambele kuwonekela kukotisa nguwo, U andlala matilo kukotisa a tenda. Gen. 1:1; Isa. 40:22

Tisimu 90:2

Hi mahlweni a zitsunga na zi nga se ku huma, Na u nga se ku vanga misava ni tiko, Kusukela kupinzukeni kala kupinzuka wena u hi Nungungulu.

Eksodusi 3:14

Nungungulu aku ka Mosi: HI MINA LOYI NZI NGA KONA. Yena aku: U ta va byela lezo a vanana va ka Israeli, uku: LOYI A NGA KONA i nzi rumile ka nwina. Kuv. 1:4, 8

Eksodusi 33:20

I lo engeta kambe aku: Cima u nga ta wona a nghohe ya mina; hakuva a ku na munhu loyi a nzi wonako a hanya. Vala. 13:22

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Habakuka 3:4

A kuhatima kakwe ku fanana ni ka gambo, A miseve ya kuwonekela yata hi canjeni gakwe; Hi kona wu fihlilweko a ntamu wakwe.

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 14:9

Jesu aku kakwe: Kale na nzi tshamile na nwina, kasi a ku nzi tivi ke, Filipu? Loyi a wonileko mina, i wonile ni Dadani: u wulawula hikuyini uku, hi wonise Dadani? Xip. 12:45; Kol. 1:15; Maheb. 1:3

Johani 6:46

A hi ku munhu i wonile Dadani, sine loyi a tileko hi ka Nungungulu, hi yena a mu wonileko Dadani. Mat. 11:27; Xip. 1:18

Johani 8:58

Jesu aku ngalo kabye: Hizinene nziku ka nwina: Nzi wa hi kona Abrahama na a nga se ku pswaliwa. Ekso. 3:14; Isa. 43:13; Kuv. 1:8

Va le Efesusi 3:21

ka yena a give wudzunzo bandleni ni ka Kristu Jesu ka zizukulwana zontlhe, kala kupinzuka ni kupinzuka. Amen! Rom. 11:36; 1 Tim. 1:17

Deuteronome 32:40

Hakuva nza tlakusa canja ga mina tilweni, Nziku: Nzi loyi a hanyako kala kupinzuka!

Va le Filipi 4:20

Makunu a give wudzunzo ka Nungungulu wa hina thlelo Dadani, kala kupinzuka ni kupinzuka. Amen!

Va le Kolosi 1:15

Hi yena a nga xifananiso xa Nungungulu loyi a nga woniwiko, a matewula ya zivangwa zontlhe. Joh. 14:19; 2 Kor. 4:4; Maheb. 1:3; Kuv. 3:14

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

Maheberu 13:8

Jesu Kristu hi yaloyi wa tolo ni nyamutlha ni ku kala kupinzuka. Joh. 8:58; Kuv. 1:4

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

1 Johani 1:5

A mhaka leyi hi yi zwileko ka yena hi leyi, ha mu tivisa yona, lezaku Nungungulu kuwonekela, a ku na munyama ka yena, ne ni kutsongwanyani.

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

1 Johani 4:12

A ku na munhu a wonileko Nungungulu ni siku ni ginwe. Loku hi ranzana, Nungungulu i tshamile ka hina, ni liranzo lakwe li mbhelelisilwe ka hina.

Juda 1:25

a ka Nungungulu leyi wa munwe a nga Muhanyisi wa hina ha Jesu Kristu, a Hosi ya hina, a kuve wudzunzo, ni wukulu, ni kufuma, ni ntamu, na zi nga seva kona zikhati, ni makunu, ni ku kala kupinzuka. Amen.

Kuvululelwa 1:6

a hi maha hiva mufumo, ni vapristi va Nungungulu Dadani wakwe, a ka yena a kuve wudzunzo ni kufuma kala kupinzuka ni kupinzuka. Amen. 1 Tim. 6:16; 1 Ped. 2:5

Kuvululelwa 1:8

Hi mina Alfa na Omega, ku wula Hosi Nungungulu, Loyi a nga kona, Loyi a nga hi kona, Loyi a ta ngata, a Nyamintamu. Isa. 41:4; 44:6

Kuvululelwa 21:3

Zonake nzi lozwa a gezu ga hombe gi huma xitshanwini xa wuhosi, giku: Langutani, a tabernakeli ga Nungungulu gi kona xikari ka vanhu; i ta tshama navo, vona va tava vanhu vakwe, ina Nungungulu wutsumbu i tava navo, ava Nungungulu wabye. Ezek. 43:7; 2 Kor. 6:16

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Kuvululelwa 4:11

Hosi ya hina ni Nungungulu wa hina, wena u fanele ku amukela kukhesiwa ni kudumiswa ni ntamu; hakuva hi wena u nga vanga zilo zontlhe, hi kota ya kuranza ka wena zi kona, zi vangilwe. Gen. 1:1; Miti. 17:24; Xip. 5:12

Kuvululelwa 7:12

ziku: Amen! A kukhesa, ni wudzunzo, ni wutlhari, ni kubonga, ni wudumo, ni wuhosi, ni ntamu, a zive ka Nungungulu wa hina kala kupinzuka ni kupinzuka. Amen.