1 Timote 6:1 - Tshwa Bible

¹ Vontlhe lava va nga tikhumbi lahasi ka gota a va dzunze a venyi vabye, kasi a vito ga Nungungulu ni gonzo yakwe zi nga soliwi. Isa. 52:5; Tit. 2:9

1 Timote 6:1 Mawu Ofanana

Genesisi 16:9

A ngelosi ya Jehova yi te ngalo ka yena: Tlhelela ka muzinza wa wena, u ya ti koramisa mahlweni kakwe.

Genesisi 24:12

Yena i te ngalo: Jehova, Nungungulu wa nwinyi wa mina Abrahama, nzi vune nyamutlha, u mu mahela wuxinji a nwinyi wa mina Abrahama.

Genesisi 24:2

Abrahama i te ngalo ka nanza gakwe ga hombe ga yindlu yakwe, loyi a nga wa fumela zontlhe lezi a nga wa hi nazo: Enghenisa a canja ga wena lahasi ka hangaswa ga mina.

Genesisi 24:27

aku ngalo: A ku khesiwe Jehova, Nungungulu wa nwinyi wa mina Abrahama, loyi a nga tsikangiko a ku mahela nwinyi wa mina a wuxinji ni kutsumbeka. Jehova i nzi rangele lomu ndleleni a nzi yisa ndlwini ya maxaka ya nwinyi wa mina.

2 Samueli 12:14

kanilezi, lezi u tsanwisileko Jehova, u vekela xivango ka valala vakwe hi mhaka leyi, a nwanana loye u belekelweko yena hakunene i tafa.

2 Tihosi 5:13

Kanilezi a malanza yakwe ma lo tshinela kusuhani kakwe, maku: Dada, loku muprofeti a wa ku byelile a xilo xo binza, ngha u nga xi mahi ke? Makunu loku a ku byelile ku ngalo hlamba u ta hlazeka, a ku faneli a kuva u zi maha lezo ke?

Nehemia 9:5

Zonake a vaLevi, na Jexua, na Kadmieli, na Bani, na Haxabneia, na Xerebia, na Hodia, na Xebania, na Petahia, vaku: Sukani mu yima, mu bonga Jehova Nungungulu wa nwina kala kupinzuka. A gi bongiwe a vito ga wena gi dzunzekileko, gi tlakukileko, gi hunzeleleko kudumiswa kontlhe.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Isaya 52:5

Makunu nzi ta maha yini, ku wula Jehova, lezi a vanhu va mina va khomilweko ahandle ka nanzu? lava va va fumelako vaba huwa, ku wula Jehova; a vito ga mina ga rukatelwa a siku ginwe ni ginwani. Mitse. 14:15; Rom. 2:24

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Ezekieli 36:20

Loku va chikele matikweni lawa va nga hangalaka ka wona, va lo nyenyezisa a vito ga mina go basa, kala a vanhu va wulawula ha vona, vaku: Lava mbanhu va Jehova, va humile tikweni gakwe. Isa. 52:5; Rom. 2:24

Ezekieli 36:23

Nzi ta basisa a vito ga mina ga hombe, legi gi nyenyezisilweko xikari ka matiko, legi mu gi nyenyezisileko xikari ka wona. A matiko ma ta zi tiva lezaku hi mina Jehova, ku wula Hosi Jehova, laha nzi ta nga basiswa xikari ka nwina a mahlweni kabye.

Malaki 1:6

A mufana i fanele ku dzunza a raru wakwe, ni xitiri xi ta dzunza a nwinyi wa xona. Makunu loku mina nzi hi raru, gi kwihi a wudzunzo ga mina? Ni loku nzi hi nwinyi, ku kwihi a kuchabyiwa ka mina? ku wula Jehova wa tiyimpi ka nwina vapristi, mu kanyisako a vito ga mina. Mu ngalo: Hi kanyisile a vito ga wena hi yini? Ekso. 20:12

Mateu 11:30

Hakuva a pingu wa mina a wu tsanzi, ni nzhwalo wa mina wa hehuka.

Mateu 11:9

Kanilezi mu lo huma mu ya wona yini? A ku ya wona muprofeti ke? Ina, nziku ka nwina, ni ku hunza nguvu a muprofeti. Xip. 14:5; Lu. 1:76

Luka 17:1

Jesu aku ka vapizani vakwe: A zi koteki lezaku a zikhunguvanyiso zi ngati; kanilezi khombo a give ka loye zi tako ha yena! Mat. 18:6, 7; Mar. 9:42

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

Mitiro 10:7

Laha yi nga sukile a ngelosi leyi yi nga wulawula naye, i lo vitana a malanza mambiri, ni sochwa ginwe gi chavako Nungungulu, ga vona lava va tshamako naye;

Mitiro 15:10

Makunu-ke, hikuyini mu ringako Nungungulu, hi ku rwexa a pingu tinhanwini ta vapizani, lowu hina ni vakoko va hina hi nga zi kotangiko ku wu rwala? Mat. 23:4; Gal. 5:1

Va le Roma 2:24

Ku tsalilwe ku ngalo: A vito ga Nungungulu ga rukatelwa xikari ka vamatiko hi kota ya nwina. 2 Sam. 12:14; Isa. 52:5

1 Va le Korinte 10:32

Mu nga mahi xikhunguvanyiso ka vaJuda, hambu ka vaGreki, kutani bandleni ga Nungungulu;

Va le Galatia 5:1

Kristu i lo hi tlhatlhisa lezaku hiva va tlhatlhekileko. Hikwalaho yimani mu ku nde, mu nga khungwi kambe pingwini ga wukhumbi. Joh. 8:32; Miti. 15:10

Deuteronome 28:48

Na wena u ta khozela valala va wena lava Jehova a ta nga va rumela ku ta ku vukela, na u hi ni ndlala ni tora, ni wuna, ni ku vumala zilo zontlhe; na yena i ta khoneka muyoko wa xiketse lomu nhanwini ya wena, U kala u lobyiswa hi yena.

1 Timote 5:14

Hikwalaho nzi ranza lezaku a tinoni leʼta tiswa ti tekwa, ti beleka vana, va hlayisa tiyindlu tabye, va nga nyiki nala a xikhati xo hi rukatela. 1 Kor. 7:9; Tit. 2:8

Titusi 2:5

vava va tlharihileko, va basileko, va ti tshamela makaya, va hi va nene, va ingisa a vanuna vabye, kasi a mhaka ya Nungungulu yi nga soliwi. Kol. 3:18

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18