1 Timote 5:10 - Tshwa Bible

¹⁰ loyi a bikilweko lezaku i mahile mitiro yo saseka, loku a ngha a wundlile vana, loku a ngha a rurele vapfhumba, loku a ngha a hlazile mikonzo ya vobasa, loku a ngha a vunetele zisiwana, ni loku a ngha a pinyamile mitirweni yontlhe yo saseka. Gen. 18:4; Lu. 7:38; Miti. 16:15

1 Timote 5:10 Mawu Ofanana

Genesisi 18:4

Nzi ta neha a mati ma tsongwani, mu hlamba mikonzo ya nwina, mu humula lahasi ka sinya.

Genesisi 19:2

I te ngalo: Langutani, tihosi tanga, ma nga hambukani mu enghena ndlwini ya nanza ga nwina, mu tshama kona wusiku legi, mu hlaza milenge ya nwina; mu ta vuka ni mixo mu khoma ndlela ya nwina mu famba. Tona ti te ngalo: Ahihi, hi ta tshama laha handle.

Genesisi 24:32

A wanuna i lo enghena lomu ndlwini: va lo tlhatlha makameli yakwe, va nyika makameli a byanyi ni foliji, ni mati ya ku hlamba milenge yakwe, ni milenge ya vanhu lavo a nga wa hi navo.

Genesisi 43:24

A nekwa yi lo va enghenisa lomu ndlwini ya Josefa, i lo va nyika mati va hlamba milenge yabye, a nyika foliji ka timbongola tabye.

Tisimu 119:4

U hi nyikile zileletelo za wena, Lezaku hi zi hlayisa hi kupinyama.

Isaya 1:17

Gonzani ku maha zinene; hlotani nongameto, mu tsimbetela a mutsimbeketi; yimelani lava va nga hiko na vapswali, mu lwela tinoni. Deut. 24:17; 1 Ped. 3:11

Levi 25:35

Loku a makabye wa wena a dzuka ave muvumali, ni loku a mbhelelwa hi ntamu wa ku tira, u ta mu hlayisa; hambu loku a hi muluveli, hambu loku a hi mufambi, u ta mu amukela a tshama ka wena.

Mateu 25:17

Hizalezo ni loyi a amukeleko timbiri i lo bhinzula tinwani ta timbiri.

Mateu 5:16

Hizalezo ngha na kuwonekela ka nwina ku woninga mahlweni ka vanhu, kasi va wona mitiro ya nwina yo saseka, va dumisa a Raru wa nwina wa le tilweni. Joh. 15:8; 1 Kor. 14:25; 1 Ped. 2:12

Luka 7:38

a yima hi lenzhako mikonzweni yakwe, na a rila; i lo sangula ku tsakamisa a mikonzo ya Jesu hi mihloti yakwe, a yi hlanguta hi misisi ya hloko yakwe; i lo pswopswa mikonzo yakwe, a yi tota hi mafura.

Luka 7:44

Na a hunzulukela ka wasati, i te ngalo ka Simoni: Wa mu wona loyi wasati ke? Nzi enghenile ndlwini ya wena, a ku nzi nyikangi a mati nzi hlamba mikonzo; kanilezi yena i tsakamisile mikonzo ya mina hi mihloti, a yi kulula hi misisi yakwe.

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

Mitiro 22:12

Ananiasi loyi a nga chava Nungungulu ni ku pinyamela nayo, loyi a khesiwako hi vaJuda vontlhe lava va akileko leyo, Xip. 9:17; 10:22; 1 Tim. 3:7

Mitiro 6:3

Hikwalaho vamakabye, hlawulani xikari ka nwina a ntlhanu wa vavanuna ni vambiri, lava va tsumbekileko, va teleko hi Moya ni kutlhariha, lava hi ta nga va yimisa ka ntiro lowo. Deut. 1:13; 1 Tim. 3:7

Mitiro 9:36

Le mutini wa Jopa ku wa hi ni mupizani wa xisati a vitwako Tabita, lezo hi ku ngalo Dorkasi, loyi a nga tele hi mitiro yo saseka, ni ku nyika zinyikiwo ka zisiwana. Tit. 3:8; 1 Tim. 2:10

Mitiro 9:39

Pedro i lo suka a famba navo. Laha a nga chikele va lo mu yisa ndlwini ya le xitezi; zonake a tinoni tontlhe ti lota kakwe na ti rila, ti mu komba a mabhaji ni tinguwo lezi a nga zi rungile Dorkasi laha a nga ha hi navo.

Va le Roma 12:13

Vunetelani a vobasa kuvumaleni kabye; mu amukela vapfhumba hi kutsaka. Maheb. 6:10; 13:2

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

Va le Kolosi 1:10

lezaku mu famba hi laha ku faneleko Hosi, mu yi xalalisa ka zontlhe, ni ku pswala mihanzu mitirweni yontlhe yo saseka, mu kula kutiveni ka Nungungulu. Joh. 15:16; 1 Tes. 2:12; 4:1

1 Timote 2:10

kanilezi a va hombe hi mitiro yo saseka, kota lezi zi faneleko a vavasati lava va ti wulako lezaku va chava Nungungulu.

1 Timote 3:2

A murisi i yimelwe hi kuva a nga soleki, a hi nuna wa sati munwe, a wotikhoma, a tlharihileko, a hi njinga, loyi a rurelako vapfhumba, loyi a zi tivako ku gonzisa;

1 Timote 3:7

Kambe i fanele hi kuva ni wudumo gi nene xikari ka valahandle; a nga dzuka a soleka, a wela ntlhanwini wa Satani.

1 Timote 5:16

Loku ku hi ni mukholwa, a wanuna kutani wasati, loyi a nga ni tinoni, a ti vunetele, kasi a bandla gi nga binziswi; gi fela ku vunetela lava va nga tinoni hakunene. Rute 2:18

1 Timote 5:25

Hizalezo ni mitiro yo saseka yi le kubaseni, kanilezi ni leyi yi nga woniwiko, a yi na ku fihliwa. 1 Ped. 3:8-18

1 Timote 6:18

Va laye lezaku va maha zo saseka, va fuma hi mitiro yi nene, va ranza ku avela vanwani a zilo zabye, va hana;

2 Timote 1:5

hakuva nzi alakanya a kukholwa ka wena loku ku nga xengeteliko, loku a nga hi nako kuranga a kokwani wa wena Loisi, ni nyine wa wena Eunike; nza kholwa lezaku ku kona ni ka wena kambe. Miti. 16:1

2 Timote 2:21

Hikwalaho loku munhu a tsawukana ni mitiro ya kunghaho, i tava xibya xi dzunziwako, lexi xi basisilweko, xi faneleko ku tiriswa hi nwinyi wa xona, na xi longiselelwe a mitiro yontlhe yo saseka.

2 Timote 3:15

ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17

2 Timote 3:17

kasi a munhu wa Nungungulu a fela ku mbhelela, na a longiselelwe a mitiro yontlhe yo saseka. 1 Tim. 6:11; Tit. 1:9

Titusi 2:14

loyi a nga ti nyikela hi kota ya hina, kasi a fela ku hi tirula kubiheni kontlhe, a ti basisela a vanhu lava va ta ngava vakwe, va pinyamileko mitirweni yo saseka. Ekso. 15:16; Deut. 7:6; 14:2; Maheb. 9:14

Titusi 2:7

Uva xiwonelo xa mitiro yontlhe yo saseka; a kugonziseni ka wena u kombisa a kubasa ni kudzunzeka, Efe. 6:24; 1 Ped. 3:1, 5; 5:3

Titusi 3:1

Va alakanyise lezaku va ti koramisa ka tihosi, hi ka vafumeli, va ingisa ni ku longa ku maha mitiro yontlhe yo saseka, Maheb. 13:21

Titusi 3:14

A vanhu va hina ngha va gonza ku tira mitiro yo saseka, kasi va fela ku vuna laha ku vumalekako, lezaku va ngavi lava va nga hava mihanzu. Fil. 1:11; Kol. 1:10; 2 Ped. 1:8

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

Maheberu 10:24

Ngha hi khatalelana kasi ha susumetana liranzweni ni mitirweni yo saseka;

Maheberu 13:2

Mu nga rivali ku amukela vafambi, hakuva hi ku maha lezo a vanwani va rurele tingelosi na va nga ti tivi. Gen. 19:2; Mat. 25:35

Maheberu 13:21

a mu maha mu mbhelela mitirweni yontlhe yo saseka, kasi mu maha kuranza kakwe; na a tira ka nwina ha Jesu Kristu lezi zi tsakisako mahlweni ka yena. A wudzunzo a give ka yena kala kupinzuka ni kupinzuka. Amen! Gal. 1:5; 1 Ped. 5:10

1 Pedro 2:12

mu hi ni mahanyela ma nene xikari ka vamatiko, lezaku lezi va mu hlevako ha zona, aku khwatsi mu vamahi va kubiha, va fela ku dumisa Nungungulu ha zona hi siku legi a ta nga va enzela, hi kota ya mitiro ya nwina yo saseka leyi va yi wonileko. Mat. 5:16; Fil. 2:15

1 Pedro 4:9

Rurelanani kuenzeni ka nwina, mu nga kalali.

3 Johani 1:12

Demetriusi i mahelwa wukustumunyu go saseka hi vanhu vontlhe, na zona zinene za mu kustumunyela. Na hinawu ha mu mahela wukustumunyu; wena wa zi tiva lezaku a wukustumunyu ga hina gi nene. Joh. 21:24; 1 Tim. 3:7