1 Timote 4:8 - Tshwa Bible

⁸ Hakuva a ku ti toloveta a ntiro wa miri ka vuna kutsongwani, kanilezi a kuhanya ka kukholwa ka vuna zilweni zontlhe; ku na ni xitsumbiso xa wutomi kuhanyeni loku ni ka loku ku tako. Tis. 37:4; 84:11; Mat. 6:33

1 Timote 4:8 Mawu Ofanana

Joba 22:2

A munhu a ngava ni xivuno ka Nungungulu? Loyi a tlharihileko i na ni xivuno ka wutsumbu gakwe,

Joba 36:11

Loku va mu ingisa, va mu khozela, Vona va ta mbhetisa masiku yabye zikatekisweni. Ni malembe yabye lomu kutsakeni. Deut. 30:19

Tisimu 145:19

Lava va mu chavako va nyikwa lezi va zi ranzako, I tazwa kurila kabye, a va ponisa.

Tisimu 37:11

Kanilezi lava va rulako va taga tshomba ya tiko, Va ta xalaliswa hi kurula ka hombe. Mat. 5:5

Tisimu 37:29

A valulamileko va taga tshomba ya tiko, Va aka ka gona kala kupinzuka.

Tisimu 37:9

Hakuva a vamahi va kubiha va ta lobyiswa; Kanilezi lavo va rinzelako ka Jehova va taga tshomba ya tiko.

Tisimu 84:11

Hakuva Jehova Nungungulu i gambo ni xitlhangu; Jehova i ta nyika wuxinji ni wudzunzo, A nga ta va tsona a xilo xo saseka lava va fambako kululameni. Tis. 3:4; 23:1; Isa. 60:19

Mavingu 19:23

A ku chava Jehova ku yisa wutomini; i loyi a nga nako i tshama a tsakile: ima a nga ta enzelwa hi kubiha.

Mavingu 22:4

A nchachazelo wa kutikoramisa ni ku chava Jehova, i wukosi ni wudzunzo ni wutomi.

Mutshawuteli 8:12

Loku muonhi a maha kubiha zana ga makhati, hambu loku masiku yakwe ma hlaya laha misaveni, nza zi tiva lezaku lava va chavako Nungungulu va ta humelela, hakuva va mu chava mahlweni kakwe. Deut. 6:24; Tis. 33:18

Isaya 3:10

Wulani lezaku lava va lulamileko va katekile, hakuva va taga a mbhanzo wa zimaho zabye.

Isaya 33:16

Hi yena a ta nga aka wutshanwini gi tlakukileko, A wuchavelo gakwe gi tava khokhola ga maribye, I ta nyikwa zakuga zakwe, ni mati yakwe ma nga tapswha.

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Mateu 12:32

Kani hi wihi a wulawulako kubiha hi Nʼwana wa munhu i ta tsetselelwa; kanilezi kani hi wihi a wulawulako a vukela Moya wa ku Basa, cima a nga ta tsetselelwa a ka xikhati lexi, hambu ka xikhati xi tako. Joh. 7:12, 52; 1 Tim. 1:13

Mateu 19:29

Zonake ni wihi loyi a siyileko tiyindlu, kutani vanakulobye, kutani vamakabye, kutani raru, kutani nyine, kutani vanana, kutani zipetso hi kota ya vito ga mina, i ta kuma a za kutala ku hunza, i taga a tshomba ya wutomi ga pinzukelwa.

Mateu 6:33

Kanilezi a kuranga lavani mufumo wakwe, ni kululama kakwe, zonake ku ta engetelwa ka nwina zontlhe lezi zilo. Tis. 37:25; Mar. 10:30; Lu. 12:31

Marku 10:30

loyi a ta nga kala a nga amukeliswi hi ka zana a ka lexi xikhati, a tiyindlu, ni vanakulobye, ni vamakabye, ni vanyine, ni vana, ni masimu, na hi kona zixanisweni; ni ka tiko gi tako a wutomi ga pinzukelwa. 2 Kro. 25:9; Lu. 18:30

Luka 5:38

Kanilezi a vinya giswa gi yimelwe hi ku chelwa lomu mikwameni yiswa.

Va le Roma 8:28

Hina ha zi tiva lezaku zontlhe zi tlhangana zi tira zinwe a kusaseka a ka vona lava va ranzako Nungungulu, lava va vitanilweko hi khungo gakwe. Gen. 50:20; Mav. 12:21; 2 Tim. 1:9

1 Va le Korinte 3:22

hambu a hi Paule, kutani Apolose, kutani Kefasi, kutani misava, kutani wutomi, kutani kufa, kutani lezi zi nga kona, kutani lezi zi ta ngata; zontlhe za nwina;

1 Va le Korinte 8:8

Kanilezi a zakuga a hi xilo hi nga tsakisako Nungungulu ha xona; loku hi ngagi, a hi lahlekelwi hi nchumu; hambu loku higa, a hi na chukwana wa nchumu.

1 Timote 4:7

Kanilezi ala a mafenya ni mitsheketo ya vavasati va kale. Ti tolovete a kuhanya ka kukholwa.

1 Timote 6:3

Loku ku hi ni munhu a gonzisako a gonzo yinwani, a nga namareli timhakeni ti nene, tona timhaka ta Hosi ya hina Jesu Kristu, ni gonzo leyi yi lulamileko,

1 Timote 6:5

ni kukanetisana ka vanhu lava va bihisilweko kupimeni kabye, lava va lahlekelweko hi zinene, na va alakanya lezaku a xikholwa i ndlela ya bhinzu. Rom. 16:17; 2 Tim. 3:8; Tit. 1:11

1 Timote 6:6

Kunene a kukhozela Nungungulu hi kutsaka i bhinzu ga hombe. Mav. 15:16

2 Timote 3:5

va na nga ni xiyimo xa ku khozela Nungungulu, kasi va kaneta a ntamu wa kona. Fularela a vanhu va kunghahi. 1 Tim. 5:8

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

Maheberu 13:9

Mu nga pengiswi hi tixaka ti tsalangeneko ta tigonzo leti ti nga tibyiwiko; hakuva zi sasekile loku a mbilu yi tiyiswa hi tipswalo, na ku nga hi zakuga, lezi zi nga vuniko nchumu lava va zi tsumbako. Rom. 14:17; Efe. 4:14

1 Johani 2:25

A xitsumbiso lexi a nga hi tsumbisa xona hi lexi, a wutomi ga pinzukelwa. Joh. 17:3

Kuvululelwa 3:12

Loyi a hlulako nzi ta mu maha mhanze tempeleni ya Nungungulu wa mina, zonake a nga ta huma kona kambe. Nzi ta tsala hehla kakwe a vito ga Nungungulu wa mina, ni vito ga muti wa Nungungulu wa mina, ga Jerusalema giswa, legi gi relelako hi le tilweni ka Nungungulu wa mina, ni vito legi giswa ga mina wutsumbu. Xip. 22:4; 1 Tih. 7:21; Maheb. 12:22

Kuvululelwa 3:21

Loyi a hlulako nzi ta mu nyika a kuva a tshama zinwe na mina xitshanwini xa mina xa wuhosi, kota lezi mina nzi nga hlula, nzi tshamile na Dadani wa mina xitshanwini xakwe xa wuhosi. Mat. 19:28; 1 Kor. 6:2

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7