1 Timote 4:1 - Tshwa Bible

¹ Kanilezi a Moya wa wula wu tiyisa lezaku a vanwani va ta tsika kukholwa a zikhatini za ha tako, va ingisa a mimoya leyi yi kanganyisako ni gonzo ya madimoni, Dan. 11:35; Joh. 16:13; 1 Ped. 1:20; 2 Ped. 2:1; Kuv. 9:20

1 Timote 4:1 Mawu Ofanana

Genesisi 3:13

Na Jehova Nungungulu aku ngalo ka wasati: U mahele yini lezi ke? Wasati aku ngalo: Hi nyoka yi nga nzi khohlisa, nziga.

1 Tihosi 13:18

Na yena i te ngalo kakwe: Minawu nzi muprofeti kota wena. A ngelosi ya Jehova yi lo wula ka mina yiku: Mu tlhelise a wuya lomu ndlwini ya wena a taga zakuga anwa mati. Kanilezi i wo hemba mawunwa.

Isaya 2:2

A masikwini yo gumesa a xitsunga xa yindlu ya ka Jehova xi ta yimiswa le xixungweni xa zitsunga, yi tlakusiwa hehla ka zitsunga zinwani; wontihe matiko ma taya kona. Jer. 3:17; Mika 4:1

Jeremia 23:26

Xana lezi zi tava kona kala rini lomu timbilwini ta vaprofeti va profetako a mawunwa ke? lava va profetako a wukhohlisi ga timbilu tabye wutsumbu?

Jeremia 48:47

Hambu lezo, nzi ta tlhelisela Moabi a vakhonwilweko vakwe masikwini ya kugumesa, ku wula Jehova. Loko hi kona a kulamulwa ka Moabi.

Jeremia 49:39

Kanilezi a masikwini yo gumesa nzi ta tlhelisela Elami a vakhonwilweko vakwe, ku wula Jehova.

Ezekieli 1:3

a gezu ga Jehova gi lota ka mupristi Ezekieli, nʼwana Buzi, lomu tikweni ga maKaldea, laha congweni wa Kebare; ni canja ga Jehova gi wa hi hehla ka yena.

Ezekieli 38:16

U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Mika 4:1

Masikwini yo gumesa a xitsunga xa yindlu ya ka Jehova xi ta yimisiwa hehla ka zitsunga, xi ta tlakuswa hehla ka miganga, a matiko ma ta tsombana ka xona.

Mitsengo 24:14

Makunu mina nza famba ka hina. Kanilezi ngone nzi ta ku kombisa lezi zi ta nga mahiwa hi lava vanhu lomu tikweni ga wena ka masiku ma ha tako.

Mateu 18:7

Khombo a give ka tiko hi kota ya zikhunguvanyiso! Kunene a zikhunguvanyiso zi fanele kuva kona, kanilezi i khombo ka munhu loyi zi tako ha yena. Lu. 17:1; 1 Kor. 11:19

Luka 17:1

Jesu aku ka vapizani vakwe: A zi koteki lezaku a zikhunguvanyiso zi ngati; kanilezi khombo a give ka loye zi tako ha yena! Mat. 18:6, 7; Mar. 9:42

Johani 16:13

Kanilezi loku a chikele, loye a nga Moya wa zinene, i ta mu rangela zineneni zontlhe; hakuva a nga ta wulawula a za wutsumbu gakwe; kanilezi ni zihi lezi a ta nga zizwa i ta wulawula ha zona; ni zilo lezi zi ta ngata i ta mu tivisa zona. Xip. 14:17; 1 Joh. 2:27

Mitiro 13:2

Na va kari va tira a ntiro wa Hosi, na va yila, a Moya wa ku Basa wu te ngalo: Nzi hambanyiseleni Barnabasi na Saule a ntirweni lowu nzi va viteleko wona. Efe. 3:7, 8; 1 Tim. 2:7

Mitiro 17:18

Ni titlhari to kari ta gonzo ya vaEpikure ni ya vaStoike ti kanetisana naye. Vanwani vaku ngalo: I lava ku wula yini a mubyabyatsi loyi ke? A vanwani vaku: I khwatsi mukaneli wa vanungungulu va le matikweni. Va lo wula lezo hilezi a nga kanela hi Jesu ni kuvuka ka vafileko.

Mitiro 20:23

Sine lezaku a mitini yontlhe a Moya wa ku Basa wa nzi tivisa lezaku a ziboho ni zixaniso zi nzi lavelele.

Mitiro 21:11

Na a chikele ka hina i lo teka a bhandi ga Paule, a ti boha mikonzo ni mandla, aku ngalo; Moya wa ku Basa wu ngalo; Loyi a nga nwinyi wa bhandi legi, a vaJuda va ta mu bohisa lezi le Jerusalema, va mu nyikela mandleni ya vamatiko. Xip. 20:23; 21:33

Mitiro 28:25

Laha va nga kala va nga zwanani, va lo suka loku Paule a va byelile a mhaka leyi yi nge ngalo: I wulawulile khwatsi a Moya wa ku Basa hi muprofeti Isaya ka vararu va nwina, aku:

1 Va le Korinte 10:20

Ahihi, kanilezi nziku, lezi a vamatiko va zi phahlelako, va phahlela madimoni, a va phahleli Nungungulu; a nzi zi ranzi lezaku mu hlengela ni madimoni. Deut. 32:17

1 Va le Korinte 11:19

Hakuva ku fela kuva kona mitlawa xikari ka nwina, kasi ku ta woneka lava va nga va nene xikari ka nwina. Lu. 17:1; 1 Joh. 2:19

1 Va le Korinte 12:11

Kanilezi zontlhe lezi zi tiriwa hi walowo Moya munwe, lowu wu avelako ka munwe ni munwani hi laha wu ranzako ha kona. Rom. 12:6-8; 2 Kor. 10:13; Maheb. 2:4

1 Va le Korinte 2:10

Hakuva Nungungulu i zi wonekelisile ka hina hi Moya wakwe; hakuva a Moya wu kamba zilo zontlhe, ina ni zilo zi etileko za Nungungulu. Mat. 16:17; 1 Joh. 2:27

2 Va le Korinte 11:3

Kanilezi nza chava lezaku, kota lezi a nyoka yi nga khohlisa Eva hi wumbyori ga yona, lezo a maalakanyo ya nwina ma ta onheka ma susiwa wuneneni legi gi nga ka Kristu. Gen. 3:4; Joh. 8:44; 1 Tim. 1:3; 4:1; Maheb. 13:9; 2 Ped. 3:17

Deuteronome 32:29

Loku va wa tlharihile ngha va zi pimile, Va alakanya kugumelwa ka vona.

Deuteronome 4:30

Laha u ta ngava zikaratweni, ni loku lezi zilo zontlhe zi chikela ka wena, hi zikhati za ha tako u ta tlhelela ka Jehova Nungungulu wa wena, zonake u ta ingisa a gezu gakwe.

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,

2 Timote 3:13

Kanilezi a vanhu vo biha ni vakanganyisi va ta nonohisa vaya mahlweni kubiheni, va kanganyisa vanwani, va tlhela va kanganyiswa.

2 Timote 4:4

zonake va nga ta ha ingisa zinene, va ta hambukela mitsheketweni. 1 Tim. 1:4

Jakobe 3:15

A wutlhari ga kunghaho a giti hi le hehla, kanilezi ga misava, ga mahanyela, ga madimoni. Fil. 3:19; Juda 19

1 Pedro 1:20

Yena i wa yimiselwe a ntiro lowu hi mahlweni a misava na yi nga se ku vangiwa, kanilezi i lo wonekeliswa zikhatini zo gumesa hi kota ya nwina. Mat. 22:21; Gal. 4:4

2 Pedro 2:1

Kanilezi ku wa humelela ni vaprofeti va mawunwa xikari ka vanhu, kota lezi ku ta nga huma xikari ka nwina a vagonzisi va mawunwa, lava va ta nga enghenisa hi tlhelo a gonzo yi lovisako, va kaneta hambu ni Hosi leyi yi nga va xava, va ti nehela a kulobyiswa loku ku hatlisako. Deut. 13:1; Mat. 24:11; Fil. 3:19

2 Pedro 3:3

A kuranga tivani lezaku a masikwini ya kugumesa ku tata a vatseketseli va wulawula kutseketsela, na va famba kumbilukeleni kabye, 1 Tim. 4:1

1 Johani 2:18

Vana vanga, makunu xikhati xo gumesa; kota lezi mu nga zizwa lezaku wata Mukaneti wa Kristu, hambu ni lezi va kona vanyingi vakaneti va Kristu; hi kota ya lezo ha zi tiva lezaku xikhati xo gumesa. Mat. 24:5; 2 Tes. 2:3; Maheb. 1:2

1 Johani 4:6

Hina hi vana va Nungungulu. Loyi a tivako Nungungulu wa hi ingisa; loyi a nga hiko wa Nungungulu a nga hi ingisi. Hi kota ya lezo ha wu tiva a moya wa zinene ni moya wa mawunwa. Isa. 8:20; Joh. 8:47; 14:17

Juda 1:18

laha va nga ku ngalo ka nwina: Hi xikhati xa kugumesa ku tava kona a vatseketseli, lava va fambako hi kumbilukela kabye ka kubiha. 1 Tim. 4:1

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

Kuvululelwa 13:14

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. 2 Tih. 20:7; 2 Tes. 2:9; Xip. 19:20

Kuvululelwa 16:14

Hakuva mimoya ya madimoni yi mahako zirewukiso, leyi yi yako tihosini ta misava yontlhe yi ya ti tsombanyisela a kulwa ka siku lego ga hombe ga Nungungulu wa Ntamu-wontlhe. 2 Tes. 2:9; Jak. 3:15; Xip. 17:14

Kuvululelwa 18:2

Yi lo kanyuluka hi gezu ga hombe, yiku: I wile, i wile Babuloni loyi wa hombe, i hunzukile ava wutshamu ga madimoni, ni paxo ga mimoya yontlhe ya kubiha, ni ga zinyanyani zontlhe za kubiha lezi zi vengekako. Isa. 13:19, 21; 14:23; Jer. 50:39

Kuvululelwa 18:23

A kuwonekela ka kandiya cima ku nga ha ta woninga ka Wena; ni magezu ya muteki ni mutekiwa cima ma nga ha ta zwiwa ka wena: hakuva a vamahungani va wena va wa hi tihosi ta misava, hakuva a matiko wontihe ma khohlisilwe hi kuloya ka wena. Isa. 23:8; Jer. 7:34; 25:10

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 2:11

Loyi a nga ni tindleve, ngha a ingisa lezi a Moya wu byelako mabandla. Loyi a hlulako a nga ta bayiswa hi kufa ka wumbiri. Xip. 20:14; 21:8

Kuvululelwa 2:17

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12

Kuvululelwa 2:29

Loyi a nga ni tindleve, ngha a ingisa lezi a Moya wu byelako mabandla.

Kuvululelwa 2:7

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11

Kuvululelwa 20:8

1 ta huma a ku ya khohlisa a matiko ya mune wa matlhelo ya misava, Gog na Magog, a va tsombanyisela kulwa; lava a ntsengo wabye wu nge khwatsi i seke ga bimbi. Ezek. 38:2; 34:1; Xip. 16:14

Kuvululelwa 3:13

i oyi a nga ni tindleve, ngha a ingisa lezi a Moya wu byelako mabandla.

Kuvululelwa 3:22

Loyi a nga ni tindleve, ngha a ingisa lezi a Moya wu byelako mabandla.

Kuvululelwa 3:6

Loyi a nga ni tindleve, ngha a ingisa lezi a Moya wu byelako mabandla.

Kuvululelwa 9:20

Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23