1 Timote 3:15 - Tshwa Bible

¹⁵ kasi loku nzi hlwela u fela ku zi tiva lezaku a vanhu va fela ku tshamisa kuyini ndlwini ya Nungungulu, leyi yi nga bandla ga Nungungulu a hanyako, yi nga mhanze ni xiseketelo xa zinene.

1 Timote 3:15 Mawu Ofanana

1 Tihosi 2:2

Mina nza famba ndleleni ya yontlhe misava. Hikwalaho tiyisa a mbilu ya wena, uva ni ntamu, u kombisa lezaku u wanuna. Jox. 23:14

1 Tihosi 2:4

kasi Jehova a fela ku tatisa a gezu gakwe legi a gi wulileko ka mina, aku: Loku a vanana va wena va ti hlayisa tindleleni tabye, va famba hi zinene mahlweni ka mina hi timbilu tabye tontlhe, ni mihefemulo yabye yontlhe, cima ku nga ta vumaleka a munhu wa yindlu ya wena lomu xitshanweni xa wukosi xa ka Israeli kala kupinzuka.

2 Tihosi 19:4

Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

1 Kronekele 22:13

Zonake wena u ta vuvuma, loku u lonzowota ni ku hlayisa a milayo ni zileletelo za Jehova lezi a nga leletela va ka Israeli hi nomu wa Mosi. Tiya hlana, u ngave na hlenekera! U nga chavi, u mbhela ntamu! Deut. 31:7; Jox. 1:7

Tisimu 42:2

A muhefemulo wa mina wuzwa tora ha Nungungulu, ha yena Nungungulu a hanyako; Hi rini nzi ta ngata nzi ta woneka mahlweni ka Nungungulu ke?

Tisimu 84:2

A muhefemulo wa mina wa xuva, ina, wa navela a ziluvelo za Jehova; A mbilu ya mina ni miri wa mina za rilela hi kutsaka ka Nungungulu a hanyako.

Jeremia 1:18

Hakuva, nyamutlha nzi ku mahile a kuva a muti wa khokhola, ni mhanze ya xiketse, ni khurisi ga suku a mahlweni ka tiko gontlhe, a mahlweni ka tihosi ta ka Juda ni tihosana ta kona, ni mahlweni ka vapristi ni vanhu va tiko.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 23:36

A nzhwalo wa Jehova mu nga ta ha wu kumbuka kambe; hakuva a mhaka ya munwe ni munwani yi tava nzhwalo wakwe; kota lezi mu soholotileko a timhaka ta Nungungulu a hanyako, ta Jehova wa tiyimpi a Nungungulu wa hina.

Danieli 6:26

Nzaba nyiwo lezaku a matlhelweni wontihe ya mufumo wa mina, a vanhu a va rurumele va chava a Nungungulu wa Danieli. Hakuva i Nungungulu a hanyako a teku tsoma, ni mufumo wakwe a wu na magumo, ni kufuma kakwe ku ta simamisa kala kupinzuka.

Hosea 1:10

Hambulezo a tsengo wa vanana va ka Israeli wu ta fanana ni tsengo wa seke ga bimbi gi nga zi kotiko ku hlayiwa hambu ku pimiwa. Ku ta chikela xikhati xaku lezi va nga byelilwe ku ngalo: A mu vanhu va mina, ku ta wuliwa ka vona lezaku: Mu vana va Nungungulu a hanyako. Gen. 32:12; Rom. 9:25; 1 Ped. 2:10

Mateu 16:16

Simoni Pedro i lo hlamula aku ngalo: Wena u Kristu, Nʼwana wa Nungungulu a hanyako. Xip. 14:33; Maheb. 1:5; 1 Joh. 4:15

Mateu 18:18

Hizinene nziku ka nwina: Zontlhe lezi mu ta nga zi boha laha misaveni, zi ta bohiwa ni le tilweni; ni zontlhe lezi mu ta nga zi tlhatlha laha misaveni, zi ta tlhatlhiwa ni le tilweni. Joh. 20:23; 1 Kor. 5:4, 5

Johani 1:17

Hakuva a nayo wu lo nyikiwa hi Mosi; kanilezi a wuxinji ni zinene zi humele hi Jesu Kristu. Ekso. 20:1; Xip. 14:6; Rom. 5:21

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 18:37

Zonake Pilatu aku ngalo kakwe: Kasi wena u hosi ke? Jesu i lo hlamula, aku: Wa wula wena uku nzi hosi. Nzi belekelwe lezo, nzi tele lezo tikweni, lezaku nzi fela ku kustumunya hi zinene. Vontlhe lava va nga va zinene, va ingisa a gezu ga mina. Xip. 8:47; 1 Joh. 3:19; 4:6

Johani 6:69

Hi kholilwe, ha zi tiva lezaku wena u Loyi wa Kubasa wa Nungungulu. Mat. 16:16; Mar. 8:29; Lu. 9:20

Mitiro 1:2

ku kala siku lego a nga tlakuselwa tilweni, anzhako ka kuva a layile hi Moya wa ku Basa a vapostoli lava a nga va hlawulile. 1 Tim. 3:16; Maheb. 1:3

Mitiro 14:15

vaku: Madota, Hiyini mu mahako lezi zilo? Hinawu hi vanhu va tshamela ginwe na nwina, hi mu nehela a ivangeli, lezaku kasi ma fela ku tsika lezi zi nga nyawuliko, muta ka Nungungulu loyi a hanyako, loyi a nga maha tilo ni misava ni bimbi, ni zontlhe lezi zi nga ka zona; Jak. 5:17; 1 Sam. 12:21; 1 Tes. 1:9

Va le Roma 3:2

Ina, va bhinzula hi matlhelo wontihe. Hi kusangula hilezi va nga yimiswa a kuva vahlayisi va timhaka ta Nungungulu. Deut. 4:7

Va le Roma 9:26

Ku ta maheka lezaku a wutshanwini legi ku nga wulilwe kabye ku ngalo: A mu vanhu va mina, Kwalaho va ta vitanwa ku ngalo: Vana va Nungungulu a hanyako. Hos. 1:10

1 Va le Korinte 10:32

Mu nga mahi xikhunguvanyiso ka vaJuda, hambu ka vaGreki, kutani bandleni ga Nungungulu;

1 Va le Korinte 3:16

Xana a mu zi tivi lezaku mu tempeli ya Nungungulu, ni lezaku a Moya wa Nungungulu wu tshama ka nwina ke?

2 Va le Korinte 3:3

Hakuva za su dlunya lezaku nwina mu papilo ga Kristu, legi gi tsalilweko hi hina, na mu nga tsaliwangi hi tinta, kanilezi hi Moya wa Nungungulu loyi a hanyako; a mu tsaliwangi timbiteni ta maribye, kanilezi timbileni ta nyama, ti nga timbilu ta vanhu. Ekso. 24:12; Tis. 40:8; Ezek. 11:19; 1 Kor. 3:5

2 Va le Korinte 6:16

Ku kwihi a kuvumelana ka tempeli ya Nungungulu ni zifananiso za vanungungulu va mawunwa ke? Hina hi tempeli ya Nungungulu a hanyako, kota lezi Nungungulu a ngaku ngalo: Nzi ta tshama ka vona, nzi fambafamba xikari ka vona; nzi ta maha Nungungulu wabye, vona va ta maha vanhu va mina. Levi 26:12; Jer. 31:33; Ezek. 36:28

2 Va le Korinte 6:7

na hi wulawula zinene, na hi ntamu wa Nungungulu, ni matlhari ya kululama a canjeni ga xinene ni ga xibhabha, 1 Kor. 2:4; 2 Tim. 4:7

Va le Galatia 2:9

laha na va wonile a tipswalo leti nzi nyikilweko tona, Jakobe na Kefasi na Johani lava va tibyiwako lezaku timhanze, va lo nyika mina na Barnabasi a mandla ya xinene ya wunakulobye, lezaku hina hiya ka vamatiko, na vona vaya ka lava va zitshiva. Mat. 16:18; Rom. 1:5; 12:3; Kuv. 21:14

Va le Galatia 3:1

Maphuphulu nzi nwina vaGalatia, mu kanganyisilwe hi mani, nwina lava Jesu Kristu a nga kombiswa ka nwina kubaseni kota loyi a belelweko? 1 Kor. 1:23; Xip. 5:7

Va le Efesusi 4:21

loku mu mu zwile, mu gonziswa ka yena, kota lezi a zinene zi nga ka Jesu.

Deuteronome 31:23

Jehova i lo wumbela Joxua nʼwana Nuni, aku: Tiya hlana, u nga mbheli ntamu, hakuva hi wena u ta nga chiketa a vanana va ka Israeli ka tiko legi nzi hlambanyileko ku va nyika gona; na mina nzi tava zinwe na wena.

Deuteronome 5:26

Hakuva mbamani va ngazwa kukotisa hina a gezu ga Nungungulu loyi a hanyako na gi wulawula hi lomu nzilweni, va hanya ke? Vala. 13:22

Va le Kolosi 1:5

hi keta ya kutsumba loku ku vekelweko nwina le matilweni. Kale na mu zwile hi kutsumba loku a mhakeni ya zinene ya ivangeli, Mat. 5:12; 2 Tim. 4:8; 1 Ped. 1:4

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

1 Timote 3:14

Nzi ku tsalela lezi, hambu loku nzi tsumbile lezaku nzi tata ka wena lokuloku;

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

1 Timote 3:2

A murisi i yimelwe hi kuva a nga soleki, a hi nuna wa sati munwe, a wotikhoma, a tlharihileko, a hi njinga, loyi a rurelako vapfhumba, loyi a zi tivako ku gonzisa;

1 Timote 3:5

hakuva loku a munhu a nga zi tivi ku fumela a ngango wakwe, i ta hlayisisa kuyini a bandla ga Nungungulu?

1 Timote 4:10

Hi xona xigelo xa kutira ka hina ni kulwa, hakuva hi tsumbile a Nungungulu a hanyako, loyi a nga Muhanyisi wa vanhu vontlhe, nguvunguvu lava va kholwako.

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

2 Timote 2:19

Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19

2 Timote 2:20

Lomu ndlwini ya hombe a ku na zibya za nzalama ni siliva zoce, kanilezi zi kona kambe zo vatliwa ni za wumba; zinwani zi na ni mitiro yi dzunziwako, ni zinwani zi na ni mitiro yi nga dzunziwiko.

Maheberu 10:21

kota lezi hi nga ni mupristi wa hombe hehla ka yindlu ya Nungungulu, 1 Tim. 3:15

Maheberu 12:22

Kanilezi nwina mu tile xitsungeni xa Zioni, ni le mutini wa Nungungulu a hanyako, a Jerusalema ga le tilweni, ni ka tingelosi ti nga hlayiwiko, Fil. 3:20; Kuv. 3:12

Maheberu 3:12

Tlharihani vamakabye, ku nga taku yi hi kona ka munwe wa nwina a mbilu yi bihileko yi nga kholwiko, ya ku fularela Nungungulu loyi a hanyako.

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Joxua 3:10

Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.

1 Pedro 2:5

mu akiwa na nwina kota maribye ma hanyako, muva yindlu ya ka moya, kasi muva vapristi va kubasa, a ku nyikela a miphahlelo ya ka moya, yi amukelekako ka Nungungulu hi kota ya Jesu Kristu. Isa. 61:6; Rom. 12:1; Efe. 2:21, 22

1 Pedro 4:17

Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31

Kuvululelwa 7:2

Zonake nzi lo wona yinwani ngelosi na yi huma hi le Mutsuwuka-gambo, yi hi ni xifungo xa Nungungulu a hanyako. Yi loba hungu hi gezu ga hombe ka tingelosi leti ta mune ti nyikilweko a ntamu wa ku onha a misava ni bimbi,

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 17:36

Hikwalaho a nanza ga wena gi dele a nghala ni urso, zonake loyi muFilistia wa khuna i ta kotisa xinwe xa zona, hakuva yena wa tlangamela tiyimpi ta Nungungulu a hanyako.