1 Timote 3:13 - Tshwa Bible

¹³ Hakuva vona lava va tirako khwatsi kota madikoni va ti kumela a ximilo xi nene, va hi ni kutiya ka hombe kukholweni loku ku nga ka Kristu Jesu.

1 Timote 3:13 Mawu Ofanana

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Mateu 25:21

A hosi yakwe yi te ngalo ka yena: U mahile khwatsi, nanza go saseka gi tsumbekileko; u wa tsumbekile ka zilo zi tsongwani, nzi ta ku yimisa hehla ka zinyingi; enghena kutsakeni ka hosi ya wena. Lu. 12:44; 2 Tim. 2:12

Luka 19:17

Aku ngalo ka gona: U mahile khwatsi, nanza go saseka; lezi u nga tsumbeka ka lezi zi tsongwani, u ta fumela khume ga miti.

Mitiro 21:35

Laha Paule a nga chikele mayingweni, i lo rwaliwa hi masochwa hi kota ya kuleva ka vanhu,

Mitiro 6:15

Vontlhe lava va nga tshamile hubyeni va lo mu cuwukisisa, va wona a nghohe yakwe yi fana ni nghohe ya ngelosi. Mat. 28:3

Mitiro 6:5

A khungo legi gi lo xalalisa a xidlemo xontlhe; zonake va lo hlawula Stefani, a munhu a teleko hi kukholwa ni Moya wa ku Basa, na Filipu, na Prokoro, na Nikanori, na Timoni, na Permenasi, na Nikolasi, a kholwa ga le Antiokia. Xip. 8:5; 11:24; 21:8

Mitiro 6:8

Makunu Stefani loyi a nga tele hi tipswalo ni ntamu, i lo maha zirewukiso ni ziwoniso xikari ka vanhu.

1 Va le Korinte 16:15

Makunu nza ha mu khongotela vamakabye: Ma yi tiva a yindlu ya Stefanasi, lezaku hi yona a mbhanzu wo ranga wa le Akaia, ni lezaku va ti yimisele a kuva va tirela a vobasa.

Va le Filipi 1:14

A linyingi la vamakabye le Hosini va tiyilehlana hi kota ya ziboho za mina, va tiyisa nguvu a ku kanela a mhaka ya Nungungulu na va nga chavi nchumu.

1 Va le Tesalonika 2:2

Kanilezi hambu lezi hi nga rangile hi xaniseka ni ku khonʼwa hi tingana le Filipi (kota lezi mu zi tivako), hi lo tiya-hlana ka Nungungulu wa hina, hi kanela ka nwina a ivangeli hi kulwa ka hombe. Miti. 16:22; 17:2

1 Timote 3:14

Nzi ku tsalela lezi, hambu loku nzi tsumbile lezaku nzi tata ka wena lokuloku;

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3