1 Timote 2:15 - Tshwa Bible

¹⁵ Hambu zi hi lezo, yena i ta hanyiswa hi ku beleka vanana, loku a simamisa kukholweni ni liranzweni ni kubasisweni, zinwe ni kutikhoma.

1 Timote 2:15 Mawu Ofanana

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Luka 2:7

I lo beleka a nisanyana wakwe wa matewula; i lo mu petsela dzobyeni, a mu lata xigowolweni xa tihomu, hakuva a va nga hi na wutshamu lomo ndlwini ya vapfhumba.

1 Va le Korinte 12:23

A ziro lezi za miri hi nge a zi na wudzunzo, hi zona hi zi fenengetako hi wudzunzo ga hombe; ni ziro za hina lezi hi nga ni tingana ha zona, hi chela kota nguvu ha zona,

1 Timote 1:14

A tipswalo ta Hosi ya hina ti lo tata a mbilu ya mina, zinwe ni kukholwa ni liranzo leli li nga ka Kristu Jesu. Lu. 7:47

1 Timote 1:5

Kanilezi a xigelo xa kulaya ka hina, hi ku vuxa a liranzo li humako mbilwini yi hlazekileko ni livalweni li nene ni kukholweni ku nga xengeteliko. Rom. 13:8; Gal. 5:14; 2 Tim. 2:22

1 Timote 2:9

Kambe nzi ranza lezaku a vavasati va ambala a tinguwo ti faneleko hi xichawo ni kutikhoma; ngha va nga ti bombisi hi misisi yi lukilweko, ni nzalama ni wuhlalu, kutani tinguwo ta tsengo wa hombe,

Titusi 2:12

ti hi gonzisa ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu; Lu. 1:75

1 Pedro 4:7

Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12