1 Timote 1:5 - Tshwa Bible

⁵ Kanilezi a xigelo xa kulaya ka hina, hi ku vuxa a liranzo li humako mbilwini yi hlazekileko ni livalweni li nene ni kukholweni ku nga xengeteliko. Rom. 13:8; Gal. 5:14; 2 Tim. 2:22

1 Timote 1:5 Mawu Ofanana

Tisimu 24:4

Hi loye a nga ni mandla ma basileko, ni mbilu yi hlazekileko; Loye a nga nyiketeliko muhefemulo wakwe mawunweni, Loye a nga hlambanyiko hi kukhohlisa. Mat. 5:8

Tisimu 51:10

Nungungulu, nzi vangele a mbilu yi hlazekileko; Vuxa luswa a moya wa kutiya xikari ka mina.

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Zefania 3:7

Nzi te ngalo: Hizinene loku u wa ta nzi chava, u amukela a ziluleko, zinghaho a Wutshamu ga wena gi wa nga ta susiwa kukotisa zontlhe lezi nzi leleteleko xungetano na wena. Kanilezi na ga hi mixo va vukile kasi ku wonha zimaho zabye zontlhe.

Mateu 12:35

A munhu nene wa humesa a zilo zi nene tshombeni yakwe ya yinene; ni munhu wa kubiha wa humesa zilo za kubiha tshombeni yakwe ya kubiha.

Mateu 5:8

Va katekile lava va kubasa timbilu, hakuva va ta wona Nungungulu. 1 Kor. 13:12; Maheb. 12:14; 1 Joh. 3:2, 3

Mitiro 15:9

A nga hambanyisangi nchumu xikari ka hina na vona, laha a nga basise timbilu tabye hi kukholwa. Rom. 10:11; 1 Kor. 1:2

Mitiro 23:1

Paule i lo cuwukisisa a hubye, aku ngalo: Nzi hanyile mahlweni ka Nungungulu na nzi hi ni livalo li nene kala siku ga nyamutlha. 1 Kor. 4:4; 2 Kor. 1:12; 2 Tim. 1:3

Mitiro 24:16

Hilezo-ke na minawu nza pangama a kuva ni livalo li nga solekiko xikhati xontlhe mahlweni ka Nungungulu ni vanhu.

Va le Roma 10:4

Hakuva Kristu hi magumeso ya nayo, lezaku ni wihi a kholwako a kuma kululama. Mat. 5:17; Gal. 3:24

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

Va le Roma 14:15

Loku a makabye wa wena a karateka hi kota ya lezi u gako, wena a wa ha fambi hi liranzo. U nga mu dayi hi kuga ka wena loyi Kristu a mu feleko.

Va le Roma 9:1

Nzi wula zinene mahlweni ka Kristu, a nzi hembi wunwa, ni livalo la mina la nzi mahela wukustumunyu ka Moya wa ku Basa,

1 Va le Korinte 13:1

Hambu loku nzi nga wulawula hi tirimi ta vanhu ni ta tingelosi, kanilezi na nzi nga hi na liranzo, nzi kotisa mpunzu wu vumako, kutani nyangende a ngelengetako. Rom. 14; 1 Tim. 1:5

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

Deuteronome 10:12

Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;

1 Timote 1:18

Nza ku laya, Timote nwananga, kota lezi ku nga profetiwa kale ha wena, lezaku ulwa ha kona a kulwa ko saseka, Xip. 4:14

1 Timote 1:19

u khomisisa a kukholwa ni livalo li nene, leli vanwani va li tsikileko, va lahlekelwa hi kukholwa kabye.

1 Timote 3:9

kanilezi va hi vo hlayisa a fihlakalo wa kukholwa hi livalo li nene.

2 Timote 1:3

Mina nza mu bonga Nungungulu, loyi nzi mu tirelako hi livalo li basileko, kukotisa vakokwani, lezaku a mumu ni wusiku a nzi tsiki ku ku alakanya mikombelweni ya mina,

2 Timote 1:5

hakuva nzi alakanya a kukholwa ka wena loku ku nga xengeteliko, loku a nga hi nako kuranga a kokwani wa wena Loisi, ni nyine wa wena Eunike; nza kholwa lezaku ku kona ni ka wena kambe. Miti. 16:1

2 Timote 2:22

Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.

Titusi 1:15

Zontlhe zi basile ka lava va basileko; kanilezi a ku na xilo xi basileko ka lava va zivi ni va nga kholwiko; a kupima kabye ni livalo labye zi nyenyezile. Lu. 11:39

Maheberu 10:22

ngha hi tshinela hi timbilu ti nene na hi hi ni kutiya ka hombe kukholweni, a timbilu ta hina na ti nwatsekelwa ti basiswa ka livalo lo biha, a mimiri ya hina na yi hlazilwe hi mati ma nene. Ezek. 36:25; Efe. 3:12; Jak. 1:6

Maheberu 13:18

Hi khongeleleni, hakuva ha tsumba lezaku hi na ni livalo li nene, na hi xuva kuva ni mahanyela ma nene matlhelweni wontihe. Miti. 23:1; Kol. 4:3

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Pedro 3:16

na mu hi ni livalo li nene, kasi va fela ku telwa hi tingana hi lezi va mu hlevako ha zona, lava va rukatelako a mahanyela ya nwina ya ma nene ka Kristu. Tit. 2:8; Maheb. 13:18

1 Pedro 3:21

a ku fanana ni mati lawa ma mu hanyisako makunu hi kubapatizwa, na ku nga hi ku susa a chaka ga miri, kanilezi hi ku kombela a livalo li nene ka Nungungulu, hi kuvuka ka Jesu Kristu; Rom. 10:10; Efe. 5:26

1 Pedro 4:8

Nguvunguvu pinyameleni kuranzana, hakuva a liranzo li khubhunyeta zionho zinyingi. Kol. 3:14; Jak. 5:20

2 Pedro 1:7

ni kuchaveni ka nwina Nungungulu ngha mu ranza vamakabye, ni kuranzeni ka nwina vamakabye muva ni liranzo. Gal. 6:10

1 Johani 3:10

Hi xwalexo xi kombisako lava va nga vana va Nungungulu ni lava va nga vana va Satani: kani hi wihi loyi a nga mahiko lezi zi lulamileko a hi wa Nungungulu, ge ni loyi a nga ranziko makabye wakwe.

1 Johani 3:23

A kuleletela kakwe hi loku, lezaku hi kholwa vitweni ga Nʼwana wakwe Jesu Kristu, hi ranzana kota lezi yena a nga hi leletela. Joh. 6:29; 15:12; 17:3; 1 Ped. 4:8

1 Johani 3:3

Ni wihi loyi a nga ni kutsumba loku ha yena, wa ti basisa, kota lezi yena a basileko.