1 Timote 1:19 - Tshwa Bible

¹⁹ u khomisisa a kukholwa ni livalo li nene, leli vanwani va li tsikileko, va lahlekelwa hi kukholwa kabye.

1 Timote 1:19 Mawu Ofanana

Mateu 6:27

Himani xikari ka nwina a zi kotako ku engetela xiyimo xakwe hi nkono munwe hi kukarateka ka mbilu yakwe ke?

1 Va le Korinte 11:19

Hakuva ku fela kuva kona mitlawa xikari ka nwina, kasi ku ta woneka lava va nga va nene xikari ka nwina. Lu. 17:1; 1 Joh. 2:19

Va le Galatia 5:4

Nwina lava mu ranzako ku hlayelwa lava va lulamileko hi nayo, mu hambene na Kristu, mu wile, a ma ha hi kona tipswalweni. Rom. 9:31; Maheb. 12:15

1 Timote 1:5

Kanilezi a xigelo xa kulaya ka hina, hi ku vuxa a liranzo li humako mbilwini yi hlazekileko ni livalweni li nene ni kukholweni ku nga xengeteliko. Rom. 13:8; Gal. 5:14; 2 Tim. 2:22

1 Timote 3:9

kanilezi va hi vo hlayisa a fihlakalo wa kukholwa hi livalo li nene.

1 Timote 6:12

Lwana a kulwa ko saseka ka kukholwa, u khomisisa a wutomi ga pinzukelwa, legi u vitanelweko gona, laha u nga vumela a kuvumela ko saseka mahlweni ka vakustumunyu vanyingi. Fil. 3:12; 2 Tim. 4:7; Maheb. 13:23

1 Timote 6:21

Vanwani hi ku gi vumela va tsanzekile kukholweni. A tipswalo a tive na wena!

1 Timote 6:9

Kanilezi lava va ranzako a ku ngha va fuma, va wela kuringweni ni maphanyeni, ni kumbilukeleni kunyingi ka wupumbu ku bayisako, lezi zi nyupetako vanhu kulobyisweni ni kulahlekeni. Mat. 13:22

2 Timote 2:18

lava va hambukileko zineneni, va nge ngalo: A kuvuka ka vafileko ku hunzile; va daya a kukholwa ka vanwani. 1 Kor. 15:12

2 Timote 4:4

zonake va nga ta ha ingisa zinene, va ta hambukela mitsheketweni. 1 Tim. 1:4

Titusi 1:9

loyi a namarelako ka mhaka yi tsumbekako ya gonzo, kasi a fela ku zi kota ku luleka hi gonzo leyi yi hanyisako, ni ku kada lava va kanetako. 1 Tim. 1:10

Maheberu 3:14

Hakuva hina hi mahile lava va avelweko Kristu, loku hi khomisisa a kutsumba ka hina ko sangula ku tiya kala magumo,

1 Johani 2:19

Va humele xikari ka hina, kanilezi va wa nga hi va hina; hakuva loku va wa hi va hina, ngha va simamisile zinwe na hina; kanilezi va lo huma kasi ku fela ku woneka lezaku vontlhe a hi va hina. Joh. 6:37; Miti. 20:30; 1 Kor. 11:19

Kuvululelwa 3:10

Kota lezi u hlayisileko a mhaka ya kutimisela ka mina, minawu nzi ta ku hlayisa zikhatini xa kuringwa, lexi xi ta nga chikela tikweni gontlhe, kasi ku ringa lava va akileko misaveni. Isa. 24:17; Lu. 2:1; 2 Ped. 2:9

Kuvululelwa 3:3

Hikwalaho alakanya lezaku u yi amukelisile kuyini niku u yi zwisile kuyini a mhaka, u yi hlayisa, u hunzuluka. Hikwalaho loku u nga vuki u hanyanya, nzi tata kota khamba, u nga ta xi tiva a xikhati lexi nzi ta nga ku tela ha xona. Mat. 24:42; 1 Tim. 6:20; 2 Tim. 1:13

Kuvululelwa 3:8

Nza yi tiva mitiro ya wena. Nzi vekile a nyangwa yi vululekileko mahlweni ka wena leyi a nga hiko kona a zi kotako ku yi vala. U na ni ntamu wu tsongwani, kanilezi u hlayisile a mhaka ya mina, a ku kanetangi a vito ga mina. 2 Kor. 2:12