1 Timote 1:15 - Tshwa Bible

¹⁵ A mhaka leyi yi tiyile, yi fanele ku amukelwa kontlhe, lezaku Kristu Jesu i lota misaveni ku ta hanyisa vaonhi, lava mina nzi nga nhonzwa yabye. Mat. 9:13; Lu. 19:10; Rom. 5:8; 1 Joh. 3:5

1 Timote 1:15 Mawu Ofanana

Joba 42:6

Hikwalaho nza ti sola, nzi hunzuluka, Na nzi hi tshurini ni le khumeni. Jona 3:6; 1 Kor. 11:31

Ezekieli 16:63

kasi u fela ku khumbula, uva ni tingana, u nga ha vululi a nomu wa wena hi kota ya tingana ta wena, laha nzi ta ngava nzi ku tsetselele zontlhe lezi u zi mahileko, ku wula Hosi Jehova.

Mateu 1:21

I ta beleka nisanyana, u ta mu chula vito gakwe aku hi Jesu (hi lezaku Muhanyisi); hakuva hi yena loyi a ta nga hanyisa a vanhu vakwe zionhweni zabye. Lu. 1:31; Miti. 4:12; 5:31

Mateu 18:10

Ti woneleni lezaku mu nga kanyisi ni munwe wa lava va tsongwani; hakuva nza mu byela, lezaku a tingelosi tabye le tilweni ta wona xikhati xontlhe a nghohe ya Dadani wa mina loyi a nga le tilweni. Maheb. 1:14; Lu. 1:19

Mateu 18:11

Hakuva a Nʼwana wa munhu i tele lezi zi lahlekileko.

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Mateu 9:13

Fambani mu ya gonza lezaku zi wula yini leʼzo ngalo: Nzi ranza wuxinji, a nzi ranzi miphahlo. Hakuva a nzi telangi a ku ta vitana a valulamileko, kanilezi a vaonhi. Hos. 6:6; Xip. 12:7; 1 Tim. 1:15

Marku 2:17

Laha Jesu na a zi zwile i te ngalo kabye: Lava va hanyako a va lavi nʼanga, kanilezi lava va babyako. Mina a nzi telangi ku ta vitana a valulamileko, kanilezi a vaonhi. Mat. 9:12, 13; Lu. 5:31, 32

Luka 15:2

Kanilezi a vaFarisi ni vatsali va lo tsanwa, vaku: Yena wa amukela vaonhi, aga navo. Miti. 11:3; Gal. 2:12

Luka 19:10

Hakuva a Nʼwana wa munhu i tele ku ta lava ni ku hanyisa lezi zi lahlekileko. Mat. 18:11

Luka 5:32

A nzi telangi ku ta vitana a valulamileko kuhunzulukeni, kanilezi a vaonhi. Mat. 9:13; 1 Tim. 1:15

Johani 1:12

Kanilezi vontlhe lava va nga mu amukela, i va nyikile ntamu wa ku maha vana va Nungungulu, vona lava va kholwako hi vito gakwe;

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Johani 12:47

Loku munhu azwa a timhaka ta mina, a nga ti hlayisi, mina a nzi mu lamuli; hakuva a nzi telangi ku ta lamula tiko, kanilezi ku ta hanyisa tiko. Xip. 3:17; 5:45; 8:15, 26

Johani 3:36

Loyi a kholwako ka Nʼwana i na ni wutomi ga pinzukelwa; kanilezi loyi a nga ingisiko Nʼwana a nga ta wona wutomi, hakuva a khulo ga Nungungulu gi tshamile hehla kakwe. Mal. 2:4; Xip. 1:12; Rom. 1:17

Mitiro 11:1

Kanilezi a vapostoli ni vamakabye lava va nga hi le Judia va lozwa lezaku a vamatiko kambe va amukele a mhaka ya Nungungulu. Gen. 49:10

Mitiro 11:18

Laha na va zwile leti timhaka va lo miyela, va dumisa Nungungulu, vaku: Kasi Nungungulu i nyikile ni ka vamatiko a kuhunzuluka loku ku yisako wutomini.

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Va le Roma 11:14

lezaku kutani nzi ta vuxa xiluse xikari ka vona lava va nga maxaka ya mina, nzi hanyisa vanwani va vona. 1 Kor. 7:16

Va le Roma 5:6

Hakuva na ha hi ni gome, Kristu i lo fela hi xikhati xi faneleko lava va nga chaviko Nungungulu.

1 Va le Korinte 15:9

Hakuva mina nzi loyi wa tsongwani xikari ka vapostoli, a nzi faneli ku vitanwa aku nzi mupostoli, hakuva nzi lo xanisa a bandla ga Nungungulu. Miti. 8:3

Va le Efesusi 3:8

Mina loyi nzi nga tsongwanyanyani xikari ka vobasa vontlhe, nzi lo nyikiwa a tipswalo leti ta ku kanela ka vamatiko a ivangeli ya titshomba ta Kristu leti ti nga kambiwiko; 1 Kor. 15:9; Kol. 1:27

1 Timote 1:13

hambu lezi a kale nzi nga hi ni nzhukano, nzi hi muxanisi ni mulamati. Kanilezi nzi lo mahelwa wuxinji, hakuva nzi lo zi maha hi kungativi na nzi nga se ku kholwa. Lu. 23:34; Joh. 9:39; Miti. 8:3; 9:1; 1 Kor. 15:9; Fil. 3:6

1 Timote 1:19

u khomisisa a kukholwa ni livalo li nene, leli vanwani va li tsikileko, va lahlekelwa hi kukholwa kabye.

1 Timote 3:1

Gi tsumbekile a gezu legi gi nge ngalo: Loku a munhu a navela a xikhundla xa wurisi, wa navela a ntiro wo saseka. Miti. 20:28

1 Timote 4:9

A mhaka leyi yi tiyile, yi fanele ku amukelwa kontlhe. Tis. 36:6; Miti. 14:17; 17:25, 28

1 Timote 6:13

Mina nza ku laya mahlweni ka Nungungulu, loyi a nyikako kuhanya ka zontlhe, ni mahlweni ka Kristu Jesu, loyi a nga kustumunya mahlweni ka Pontiu Pilatu hi kuvumela kunene, Joh. 5:21; Kuv. 1:5

2 Timote 2:11

Gi tsumbekile a gezu legi gi nge ngalo: Hakuva loku hi file zinwe naye, kambe hi ta hanya zinwe naye; Rom. 6:5, 8; 1 Tim. 1:15

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

1 Johani 3:5

Nwina ma zi tiva lezaku yena i lo wonekeliswa kasi ku susa zionho za hina; a ka yena a ku na xionho. Isa. 53:5, 6; 2 Kor. 5:21

1 Johani 3:8

Loyi a onhako ngwa Satani, hakuva Satani i onhile hi le kusanguleni. Kanilezi a Nʼwana wa Nungungulu i lo wonekeliswa lezaku a fela ku mbhetisa a mitiro ya Satani. Joh. 8:44; Maheb. 2:14

1 Johani 5:11

A wukustumunyu ga kona hi legi, gaku Nungungulu i hi nyikile a wutomi ga pinzukelwa, a wutomi legi gi kona ka Nʼwana wakwe.

Kuvululelwa 21:5

Loyi a tshamileko xitshanwini xa wuhosi aku: Langutani nzi maha zilo zontlhe ziva ziswa. Zonake aku: Tsala, hakuva leti timhaka ti tsumbekile ti nene. Isa. 43:19; 2 Kor. 5:17; Xip. 19:9

Kuvululelwa 22:6

Yi te ngalo ka mina: A timhaka leti ti tsumbekile ti nene; Hosi a Nungungulu wa mimoya ya vaprofeti, i rumele a ngelosi yakwe a ku komba malanza yakwe lezi zi yimelweko hi ku maheka lokuloku.

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24