1 Tihosi 1:3 - Tshwa Bible

³ Va lo lava a nhwana wo saseka lomu tikweni gontlhe ga ka Israeli, va si kuma Abixaga, a muXuname, va mu neha ka hosi.

1 Tihosi 1:3 Mawu Ofanana

1 Tihosi 1:2

A malanza yakwe ma te ngalo ka yena: Ngha hosi ya hina yi labyelwa a nhwana muswa, a ta yima mahlweni ka hosi a yi hlayisa, ni ku etlela xifuveni xa yona, kasi a hosi ya hina yi fela kuzwa kukufumela.

1 Tihosi 1:4

A nhwana loye i wa sasekile nguvu. I lo hlayisa a hosi a yi tirela, kanilezi a hosi a yi mu tivangi.

2 Tihosi 4:25

Zinghaho i lo suka aya ka munhu wa Nungungulu le xitsungeni xa Karmeli. Makunu laha a munhu wa Nungungulu a nga mu wonile na ha hi kule, i te ngalo ka Gehazi, a nanza gakwe: Hi gaya a wasati wa muXuname!

2 Tihosi 4:8

Makunu hi ginwani siku Elixa i lo hunza hi le Xuname. Laho ku wa hi kona a wasati wo fuma, loyi a nga mu kurumeta a ku yaga zakuga zakwe. Siku ni siku, loku a hunza laho i waya aga kakwe.

Estere 2:2

Zonake a malanza ya hosi, lawa ma nga wa mu yimeletela, ma te ngalo: Ngha hosi yi labyelwa vanhwana vo saseka.

Estere 2:4

A nhwana loyi a ta nga tsakisa a hosi, hi yena a ta ngava muzinza xikhundleni xa Vaxti. A mhaka yi lo xalalisa a hosi, ku mahiwa lezo.

Joxua 19:18

A mbhingano wabye wu wa hi le Jezreeli, ni Kesiloti, ni le Xunemu;

1 Samueli 28:4

A vaFilistia va lo tsombana va ya gova le Xunemu. Saule i lo hlomisa va ka Israeli, va ya gova le Gilboa.