1 Samueli 6:6 - Tshwa Bible

⁶ Mu ta nonohisela yini a timbilu ta nwina, kota vaGipite na Faro, va nga nonohisa timbilu tabye ke? A zi mahisangi zalezo laha a nga maha zihlamaliso xikari kabye, kala va va tsika va famba ke? Ekso. 7:13, 22; 8:15

1 Samueli 6:6 Mawu Ofanana

Joba 9:4

Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

Tisimu 95:8

Mu nga nonohisi a timbilu ta nwina, kukotisa le Meriba, Khwatsi hi siku ga Massah le xiwuleni, Ekso. 17:7; Maheb. 3:7; 4:7

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Eksodusi 14:17

Mina nzi ta nonohisa a timbilu ta vaGipite, va ta mu lanza; zonake mina nzi tava ni wudumo ha Faro ni yimpi yakwe yontlhe, ni tikareta takwe, ni vakhileli va mahaxi.

Eksodusi 14:23

Zonake a vaGipite va la va hlongolisa, va enghenawu xikari ka bimbi, va va lanza hi le nzhako; wontihe mahaxi ya Faro, ni tikareta takwe, ni vakhileli vakwe.

Eksodusi 4:21

Zonake Jehova aku ka Mosi: Lezi wena u tlhelako kuya Gipite, alakanya zihlamaliso zontlhe lezi nzi zi vekileko canjeni ga wena, u ta ya zi maha mahlweni ka Faro; kanilezi mina nzi ta nonohisa a mbilu yakwe, a nga vumeli a vanhu ku famba.

Eksodusi 7:13

Kanilezi a mbilu ya Faro yi lo nonoha, cima a nga va ingisangi, khwatsi hi kuwula ka Jehova.

Eksodusi 7:14

Jehova aku ka Mosi: A mbilu ya Faro yi nonohile; wa ala ku tlhatlha a vanhu va famba.

Eksodusi 8:15

Kanilezi laha Faro a nga wona lezaku i hlangutilwe, i lo ti nonohisa a mbilu yakwe. A nga ingisangi, khwatsi hi lezi Jehova a wulileko.

Eksodusi 8:32

Kanilezi Faro i lo engeta a nonohisa a mbilu yakwe, a ala ku tlhatlha vanhu.

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Eksodusi 9:34

Kanilezi laha Faro a nga wona lezaku a vula ni maralala ni kudzinza zi miyele, i lo engeta a onha hi ku ti nonohisa a mbilu yakwe, zinwe ni malanza yakwe.

Va le Roma 2:5

Hi kunonoha ka mbilu ya wena leyi yi nga hunzulukiko u ti vekela zanga a sikwini ga zanga, laha ku ta nga wonekeliswa a kulamula ku lulamileko ka Nungungulu, Jak. 5:3

Maheberu 3:13

Khongotelanani a masiku ni masiku, loku ka ha wuliwa ku ngalo: Nyamutlha; kasi ku nga nonohiswi ni munwe wa nwina hi kukhohlisa ka kuonha.