1 Samueli 5:4 - Tshwa Bible

⁴ A siku gi lanzelako, a vanhu va le Axdode va lo vuka kambe ni mixo va wona Dagoni na a wile hi nghohe yakwe mahlweni ka arke ga Jehova; a hloko ya Dagoni ni mandla yakwe zi wa tsemekile, na zi hi laha xipimbitsini xa nyangwa, na ku sele miri woce.

1 Samueli 5:4 Mawu Ofanana

Isaya 27:9

Hikwalaho a kugoha ka Jakobe ku ta basiswa; Lowu hi wona mbhanzu wa kutsetselelwa ka xionho xakwe; Laha maribye wontihe ya maganzelo ma panzekile kota maribye ya mhemba, A maAxera ni zifananiso za gambo zi nga ha ta yima. Levi 26:30; Isa. 2:20

Isaya 40:20

Loye a vumalako i hlawula a sinya yi nga boliko, I ti lavela a meseri loyi a tlharihileko A ku ta mu vatlela a xifananiso lexi xi to kala xi nga tsekatseka

Jeremia 10:11

Mu ta va byelisa lezi, muku: A vanungungulu lava va nga vangangiko a tilo ni misava va ta nwalala tikweni ni lahasi ka tilo.

Jeremia 10:14

Loku va zi wona a vanhu va yima vaku kaye, va nga pimi nchumu; Ni vafuli va nzalama va wisiwa tingana hi zifananiso zabye zi vatlilweko; Hakuva a zifananiso zabye mawunwa, a zi na muhefemulo.

Jeremia 10:15

Zona a zi nyawuli, mitiro ya wu khohlisi; A xikhatini xa kutsayiswa zi ta lova.

Jeremia 50:2

Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Danieli 11:8

A vanungungulu vabye, ni zifananiso zabye zi chululweko, ni zibya zabye za siliva ni nzalama, i ta zi wutla a zi yisa Gipite. Zonake hi malembe yo kari a nga ta ha Vukela a hosi ya le Nwalungu.

Mika 1:7

A zifananiso zakwe zontlhe zi vatlilweko zi ta fayetelwa, ni minzhiho leyi a yi amukeleko hi wubhayi yi ta hiswa hi nzilo, nzi khungumulela a zifananiso zakwe za vanungungulu; hakuva i zi kumile hi nzhiho wa wubhayi, zi ta tlhela zi maha hakhelo ya xibhayi. Deut. 23:18; Hos. 2:5

1 Samueli 6:5

Hikwalaho mu ta maha zifananiso za zidlayi za nwina ni zifananiso za makondlo lawa ma xakelako a tiko ga nwina, zonake mu ta dzunza Nungungulu wa ka Israeli, kutani i ta hehukisa a canja gakwe hehla ka nwina, ni ka vanungungulu va nwina, ni ka tiko ga nwina.