1 Samueli 4:3 - Tshwa Bible

³ Laha vanhu va nga wa tlhelele wugovelweni, a masingalakati ya ka Israeli ma te ngalo: Hi kuyini Jehova a hi tsikileko nyamutlha hi hluliwa hi vaFilistia? A hi yeni le Xilo hi ya teka a arke ga xivumelwano xa Jehova hi ta gi veka xikari ka hina, kasi ga hi hlanguta mandleni ya valala va hina.

1 Samueli 4:3 Mawu Ofanana

2 Samueli 15:25

Zonake a hosi yi te ngalo ka Zadoki: Tlhelisa a arke ga Nungungulu le Jerusalema. Loku mina nzi kuma thomo mahlweni ka Jehova, i ta nzi tlhelisa a ya nzi kombisa gona ni yindlu yakwe.

1 Kronekele 17:1

Makunu laha Davida a nga wa tshamile lomu ndlwini yakwe, i te ngalo ka muprofeti Natani: Languta, mina nzi tshama lomu ndlwini ya tisedare, kanilezi a arke ga xivumelwano xa Jehova gi tshama lomu tendeni.

Tisimu 74:1

Nungungulu, hiyini u hi tsikileko magumo? Hikuyini u zangarelako a ntlhambi wa wena ke?

Tisimu 74:11

Hikuyini u alisako a woko ga wena ga xinene ke? Gi humese xifuveni xa wena, u va heta.

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Isaya 58:3

Vaku; Zi hi vuna yini a ku yila, loku wena u nga hi woni? Ni ku hlokisa a mihefemulo ya hina, loku u nga wuli nchumu ha zona? Langutani, a siku legi mu yilako zakuga mu tira mitiro ya nwina, Mu tirisa hi ntamu a zitiri za nwina.

Isaya 59:1

Langutani, a woko ga Jehova a gi komangi go kala gi tsanzeka ku hanyisa, Ni ndleve yakwe a yi valekangi ko kala yi tsanzeka kuzwa. Mitse. 11:23; Isa. 50:2

Isaya 59:2

Kanilezi hi zigoho za nwina zi mu hambanyisileko ni Nungungulu wa nwina, Ni zionho za nwina za mu fihlela a nghohe yakwe, laha kaku a nga zi koti ku muzwa.

Jeremia 3:16

Laha nwina na mu enzeleka mu tala tikweni ka lawo masiku, ku wula Jehova, cima ku nga ta ha wuliwa kambe hi arke ga xivumelwano xa Jehova; va nga ta ha gi alakanya hambu kuzwa kuhulukela, kambe va nga ta maha ginwani.

Jeremia 7:4

Mu nga tsumbi timhaka ta mawunwa, taku: Tempeli ya Jehova, tempeli ya Jehova, a tempeli ya Jehova hi yaleyi!

Mitsengo 10:33

Va lo andlamuka hi le xitsungeni xa Jehova, va famba a pfhuka wa masiku manharu, ni nghaxa ya xivumelwano xa Jehova yi wa famba mahlweni kabye a pfhuka wa masiku manharu, a ku lava a wutshamu ga kuhumula.

Mitsengo 10:35

A kusukeni ka nghaxa, Mosi aku ngalo: Vuka, Jehova! A valala va wena a va hangalaswe, Lava va ku vengako a va panzanywe mahlweni ka wena. 2 Kro. 6:41; Tis. 68:2

Mitsengo 31:6

Zinghaho Mosi i lo rumela yimpini zinwe na Finiasi a nʼwana wa mupristi Eliazare zinwe ni zibya zo basa, ni mimpunzu yo vuma.

Deuteronome 29:24

A vamatiko vontlhe va taku: Jehova i mahele yini lezi zilo ka legi tiko? Xana ka kuyini a kuvura ka zanga leyi ya hombe ya kunghahi ke?

Deuteronome 31:26

Tekani a bhuku legi ga nayo mu gi veka lomu xikari hi tlhelo ga nghaxa ya xivumelwano xa Jehova Nungungulu wa nwina, kasi gi fela ku maha kustumunyu mahlweni ka nwina. 2 Tih. 22:8

2 Timote 3:5

va na nga ni xiyimo xa ku khozela Nungungulu, kasi va kaneta a ntamu wa kona. Fularela a vanhu va kunghahi. 1 Tim. 5:8

Maheberu 9:4

legi gi nga hi ni alati ga nzalama go hisela kona mpepo, ni Nghaxa ya Xivumelwano, leyi yi nameketelweko nzalama matlhelo wontihe. Lomo nzeni ka yona ku wa hi ni mbita ya nzalama leyi yi nga hi ni manna, ni nhonga ya Aroni leyi yi nga hluka, ni timbila ta xivumelwano. Ekso. 16:33; Mitse. 17:10; Deut. 10:2, 5

Joxua 4:7

Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.

Joxua 6:6

Zonake Joxua nʼwana Nuni i lo vitana vapristi, aku ka vona: Rwalani a nghaxa ya xivumelwano, ni kambe a 7 wa vapristi a va rwale 7 wa mipunzu mahlweni ka nghaxa ya Jehova.

Joxua 7:7

Na Joxua i te ngalo: Hiyehiye! Hosi Nungungulu, nweno u tlhatukisile lava vanhu Congweni wa Jordani, ku ta hi nyikela mandleni ya maAmori, va hi lovisa? Zi wa nga hi chukwana loku hi wa tshamile le tlhatuko wa Jordani!

Joxua 7:8

Xana nzi ta wula yini, Hosi, laha na Israeli na a fularile ka valala vakwe ke?

1 Pedro 3:21

a ku fanana ni mati lawa ma mu hanyisako makunu hi kubapatizwa, na ku nga hi ku susa a chaka ga miri, kanilezi hi ku kombela a livalo li nene ka Nungungulu, hi kuvuka ka Jesu Kristu; Rom. 10:10; Efe. 5:26

Juda 1:5

Makunu nza ranza ku mu alakanyisa, hambu lezi mu sinako mu tiva a mhaka ya kona, lezaku laha a Hosi na yi hanyisile a vanhu va yona, yi va humesa tikweni ga Gipite, yi tlhelile yi lovisa lava va nga kholwiko. Mitse. 14:29; 1 Kor. 10:9

1 Samueli 1:24

A nzhako na a mu lumulile, i lo mu teka a famba naye, ni tikuzi tinharu, ni efa ya mapa, ni botori ga vinya, a mu heleketa ndlwini ya Jehova le Xilo. Kanilezi a mufana i wa ha hi tsongwani.

1 Samueli 14:18

Saule i te ngalo ka Ahija: Neha a arke ga Nungungulu! Hakuva xikhati lexo a arke ga Nungungulu gi wa hi ni va ka Israeli.

1 Samueli 4:2

A vaFilistia va lo ti longisela kulwa ni va ka Israeli. Laha va nga tlhangana, a va ka Israeli va lo hluliwa hi vaFilistia, ku dawa kusuhani ka 4,000 wa vanhu.