1 Samueli 4:10 - Tshwa Bible

¹⁰ A vaFilistia va lolwa ni va ka Israeli; a va ka Israeli va lo hluliwa, va panzanyeka, loyi ni loyi a tsutsumela tendeni gakwe. Ku wa hi kuhlaselwa ka ntamu, hakuva ku lo dawa 30,000 wa vavanuna va hlomileko va ka Israeli.

1 Samueli 4:10 Mawu Ofanana

2 Samueli 18:17

Zonake va lo teka Absalome va mu hoxa lomu rinzini ga hombe, lomu khwatini, va vingeretela a nhulu ya hombe ya maribye hehla kakwe. Zonake vontlhe va ka Israeli va lo tsutsuma, loyi ni loyi a ti yela kaya kakwe. Jox. 7:26; 8:29

2 Samueli 18:7

A va ka Israeli va lo hlulwa hi malanza ya Davida; ku lo dawa a vanhu vo tala lego siku, a tsengo wa 20,000 wa vavanuna.

2 Samueli 19:8

Zonake a hosi yi lo suka yi ya tshama laha nyangweni; zonake va lo byela vontlhe vanhu, vaku: Langutani, a hosi yi tshamile laha nyangweni. Zonake vontlhe va lota mahlweni ka hosi. Kanilezi va ka Israeli va wa panzanyekile, loyi ni loyi a ti yela kaya kakwe.

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

1 Tihosi 12:16

Laha vontlhe va ka Israeli vanga wa wonile lezaku a hosi a yi va ingisangi, a vanhu va lo hlamula hosi, vaku: Hi na ni xiavelo muni na Davida ke? Hina a hi na tshomba ni nʼwana Jese! Va ka Israeli, fambani matendeni ya nwina! Wena Davida, cuwuka a yindlu ya wena nwinyi! Zinghaho a va ka Israeli va lo tlhelela matendeni yabye.

1 Tihosi 22:36

Laha kupeleni ka gambo ku lo biwa hungu lomu mixaxeni yontlhe, vaku: Munwe ni munwani a fambe kabye ni le tikweni gabye.

2 Tihosi 14:12

Juda i lo hluliwa mahlweni ka va ka Israeli, munwe ni munwani wabye a tsutsumela tendeni gakwe.

2 Kronekele 13:17

Abija ni vanhu vakwe va lo va hlasela nguvu, hakuva a va ka Israeli lava va ngawa hi kudawa va wa hi 500,000 wa vavanuna, a milangelwa ya tinhenha.

2 Kronekele 25:22

A va ka Juda va lo hluliwa hi va ka Israeli, va panzanyeka, loyi ni loyi a tsutsumela kaya kakwe.

Tisimu 78:9

A vana va Efraime, lava va hlomileko mawura, Va lo tlhelela nzhako hi siku ga kulwa.

Jeremia 7:12

Fambani makunu a wutshanwini ga mina gi nga hi le Xilo, laho gi nga zumbile kona a vito ga mina kusanguleni, mu ya wona lezi nzi gi mahileko zona hi kota ya kubiha ka vanhu va mina va ka Israeli. Jox. 18:1; 1 Sam. 4:3

Levi 26:17

Nzi ta mu cuwukisa hi mahlo ya makayi, mu ta dawa hi valala va nwina, mu fumelwa hi lava va mu vengako; zonake mu ta tsutsuma na ku nga hi na muhlongolisi. Joba 36:12; Mav. 23:1

Deuteronome 28:15

Kanilezi loku u nga ingisi a gezu ga Jehova Nungungulu wa wena, ni ku hlayisa yontlhe milayo yakwe ni zontlhe zileletelo zakwe, lezi nzi ku leletelako zona inyamutlha, wontihe makhombo lawa ma tata hehla ka wena ma ku khubhunyeta. Mik. 2:17; Mal. 2:2

Deuteronome 28:25

Jehova i ta maha lezaku wena u hluliwa hi valala va wena; wena u ta huma ku yalwa ni valala va wena hi ndlela yinwe, kanilezi u ta ya panzanyeka mahlweni kabye hi 7 wa tindlela, zonake u tava xihlekiso ka wontihe matiko ya misava. Jer. 15:4; 24:9

1 Samueli 3:11

Jehova i te ngalo ka Samueli: Nzi ta maha a xilo ka Israeli lexi xi ta nga cwangula tindleveni ta ni wihi a xi zwako. 2 Tih. 21:12; Jer. 19:3

1 Samueli 4:2

A vaFilistia va lo ti longisela kulwa ni va ka Israeli. Laha va nga tlhangana, a va ka Israeli va lo hluliwa hi vaFilistia, ku dawa kusuhani ka 4,000 wa vanhu.