1 Samueli 29:4 - Tshwa Bible

⁴ Kanilezi a tihosi ta vaFilistia ti lo mu zangarela, tiku kakwe: Tlhelisa munhu loyi aya kakwe laha u mu akisileko kona. Cima a nga na kuya yimpini na hina, hakuva a nga dzuka a hunzuluka a maha nala wa hina le yimpini. Hakuva i ta kumisa kuyini malungelo ka hosi yakwe, loku ku nga hi tihloko ta vanhu ke?

1 Samueli 29:4 Mawu Ofanana

1 Kronekele 12:19

Ku wa hi ni vanwani vanhu va ka Manasa lava va ngaya ka Davida xikhatini lexi a nga hloma yimpi zinwe ni vaFilistia a ku yalwa na Saule. Kanilezi cima a va vunetelangi a vaFilistia, hakuva laha a tinduna ta vaFilistia ti nga maha xikungo, va lo tlhelisa Davida, vaku: I ta ya hunza aya ka hosi yakwe Saule a tokometa tihloko ta hina.

1 Kronekele 12:20

Laha a ngaya le Ziklagi, ku loya ka yena va ka Manasa, va nga lava, Adna, na Jozabada, na Jediale, na Mikaeli, na Jozabada, na Elihu, na Zilletai, a tinduna ta matala ya ka Manasa.

Eksodusi 1:10

a hi va khomeni hi mano, va nga anza nguvu; ku ku loku ku huma yimpi, va hlengela ni valala va hina, valwa na hina, zonake va suka lomu tikweni.

Luka 16:8

Ni hosi ya yona yi lo dzunza a nekwa yo biha, hilezi yi mahile hi wutlhari. Hakuva a vana va misava leyi va tlharihile ka xizukulwana xabye a ku hunza a vana va kuwonekela. Joh. 12:36; Efe. 5:8; 1 Tes. 5:5

1 Samueli 14:21

Makunu a maHeberu, lawa ma nga wa hi ni vaFilistia lomu wugovelweni gabye, va lo hunzuluka va ya yima tlhelweni ga va ka Israeli lava va nga hi na Saule na Jonatani.

1 Samueli 27:6

Zonake Akixi i lo nyikela Ziklagi lego siku; hikwalaho Ziklagi i lo lumba tihosi ta ka Juda kala legi siku.

1 Samueli 29:9

Akixi i lo hlamula aku: Mina nza zi tiva lezaku wena u lulamile mahlweni ka mina khwatsi hi ngelosi ya Nungungulu. Ntsena lezaku a tihosi ta vaFilistia ti ngalo: A nga zi koti ku kanziha na hina le yimpini.

1 Samueli 30:1

Laha Davida ni vanhu vakwe na va chikele le Ziklagi hi siku ga wunharu, va lo kuma lezaku a vaAmaleki va wa hlasele le Dzongeni ni le Ziklagi. Va wa putsuketile Ziklagi va gi hisa hi nzilo.