1 Samueli 26:23 - Tshwa Bible

²³ Jehova i ta tlhelisela ka munwe ni munwani hi wunene gakwe ni kutsumba kakwe, hakuva inyamutlha Jehova i wa ku vekile mandleni ya mina, kanilezi mina a nzi ranzangi a ku tlakusa a canja ga mina hehla ka a totilweko wa Jehova.

1 Samueli 26:23 Mawu Ofanana

2 Samueli 22:21

Jehova i nzi chachazele khwatsi hi kululama ka mina, Kambe i nzi tlhelisele khwatsi hi kubasa ka mandla ya mina. Joba 22:30; Tis. 17:1

2 Samueli 22:25

Hikwalaho Jehova i nzi chachazele khwatsi hi kululama ka mina, Khwatsi hi kubasa ka mina mahlweni ka yena.

1 Tihosi 8:32

zi ingise wena na u hi kwaseyo tilweni; u tsema timhaka ta malanza ya wena; u kombisa wa kubiha hi ku tlhelisela hlokweni yakwe a kubiha kakwe; ni ku kombisa kululama ka loyi a mahileko kululama.

Nehemia 13:14

Nungungulu wa mina, nzi alakanye hi kota ya zontlhe lezo, u nga fuvisi a mitiro leyi yi nene nzi yi maheleko a yindlu ya Nungungulu wa mina, ni kulonzowotwa ka yona.

Joba 34:11

Hakuva i tlhelisela munhu maringano ni ntiro wakwe, A mu nyika maringano ni mahanyela yakwe. Mat. 16:27; 1 Kor. 3:8; 2 Kor. 5:10

Tisimu 62:12

Ni wuxinji kambe gi lumba wena, Hosi; Hakuva u tlhelisela munhu ni munhu maringano ni mitiro yakwe. Rom. 2:6; 1 Kor. 3:8; Kuv. 22:12

1 Samueli 24:11

Tlhatakumbiri, dada, hi nga wona a nguwo ya wena mandleni ya mina, nzi yi tsemileko laha ka nguwo ya wena; cima a nzi ku dayangi. Cuwukake u zi tiva lezaku ku hava wulala ni kubiha canjeni ga mina, ni lezaku mina a nzi ku gohelangi nchumu. Kanilezi wena wa hlota wutomi ga mina.

1 Samueli 24:12

Jehova a ave mulamuli xikari ka mina na wena, a nzi photela ka wena; kanilezi a canja ga mina gi nga ta ku vukela.

1 Samueli 24:18

Inyamutlha u kombisile lezaku wa nzi mahela zinene. Inyamutlha Jehova i wa nzi nyikele mandleni ya wena, kanilezi a ku nzi dayangi.

1 Samueli 24:19

Loku a munhu a kumana ni nala wakwe, wa mu tsika a ti fambela ke? Hikwalaho Jehova a ku chachazele hi wunene, hi kota ya lezi u nzi maheleko nyamutlha.

1 Samueli 26:11

Jehova a a nzi beletele a ku tlakusa a canja ga mina hehla ka a totilweko wa Jehova! Kanilezi teka a tlhari lego gi nga le hlokweni yakwe, ni nghotso ya mati hi famba!

1 Samueli 26:22

Davida i lo hlamula, aku: Hi legi tlhari ga hosi; a kute ginwani jaha ga wena gi ta gi teka.

1 Samueli 26:9

Davida i te ngalo ka Abixai: U nga mu dayi, hakuva himani a ta nga tlakusa a canja gakwe hehla ka a totilweko wa Jehova a nga kumi nanzu ke?