1 Samueli 2:35 - Tshwa Bible

³⁵ Mina nzi ta ti yimisela a mupristi a tsumbekileko, loyi a ta nga maha zontlhe za kuranza ka mbilu ya mina ni muhefemulo wa mina; nzi ta mu akela a yindlu yi tiyileko, zonake i ta famba mahlweni ka a totilweko wa mina kala kupinzuka.

1 Samueli 2:35 Mawu Ofanana

2 Samueli 7:11

Kusukela siku lego nzi nga yimisa valamuli hehla ka vanhu va mina, va ka Israeli. Nzi ku nyikile kuhumula ka vontlhe valala va wena. Tlhatakumbiri Jehova i ku tivisa lezaku yena i ta ku mahela yindlu.

2 Samueli 7:27

Hakuva wena Jehova wa tiyimpi, Nungungulu wa ka Israeli, u tivisile a nanza ga wena, uku: Nzi ta ku akela a yindlu. Hikwalaho a nanza ga wena gi tiyile mbilu gi khongela a mukombelo lowu.

1 Tihosi 1:45

Mupristi Zadoke, na muprofeti Natani va mu totile a kuva hosi le Gihoni; va tlhela va wuya hi kutsaka. Hi kota ya lezo a muti wa cwangula kambe. Hi gona a guwa lego mu gi zwileko.

1 Tihosi 1:8

Kanilezi mupristi Zadoke, na Benaia wa Jehoiada, na muprofeti Natani, na Ximei, na Rei, ni tinhenha ta Davida, vontlhe lavo a va lanzelangi Adonija.

1 Tihosi 11:38

Loku u ingisa zontlhe lezi nzi ta nga ku leletela zona, u famba hi tindlela ta mina, u maha kululama mahlweni ka mina, ni ku hlayisa milayo ya mina ni zileletelo za mina, khwatsi hi lezi a nanza ga mina Davida a nga wa maha, mina nzi tava zinwe na wena; nzi ta ku akela a yindlu yi tiyileko khwatsi hi lezi nzi akeleko Davida, ni kuva nzi ku nyika Israeli.

1 Tihosi 2:35

Zonake a hosi yi lo yimisa Benaia wa Jehoiada xikhundleni xa Joabe, a kuva hloko ya yimpi; a yimisa kambe Zadoke a kuva mupristi xikhundleni xa Abiatari.

1 Kronekele 29:22

Va loga, vanwa, mahlweni ka Jehova lego siku na va tsakile nguvu; zonake Solomoni nʼwana Davida i lo wumbelwa a kuva hosi ga wumbiri; va mu tota hi mafura mahlweni ka Jehova a kuva hosi, na Zadoke a kuva mupristi.

Tisimu 18:50

Wa nyika a hosi yakwe a kuhlula ka hombe, A kombisa tipswalo ka Davida, a totilweko wakwe, Ni ka lixaka lakwe kala kupinzuka. 2 Sam. 7:8

Tisimu 2:2

A tihosi ta misava ti vuka, Ni tihosana ti tsema xikungo, Ti vukela Jehova ni a totilweko wakwe, Isa. 61:1; Kuv. 19:19

Eksodusi 1:21

Hikwalaho, hi kota ya lezi a masungukati ma nga chava Nungungulu, Nungungulu i lo katekisa a tiyindlu tabye.

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Mitsengo 25:13

Xi tava ka yena ni ka zizukulwana zakwe lexi xivumelwano xa wupristi legi ga kala kupinzuka, hakuva i pinyamele Nungungulu wakwe, a mahela a vanana va ka Israeli a nzhiho.

Maheberu 2:17

Hikwalaho zi lo mu fanela a kuva a fanana ni vamakabye vakwe hi matlhelo wontihe, lezaku a fela kuva mupristi wa hombe, a nga ni wuxinji ni kutsumbeka ntirweni wa Nungungulu, kasi a maha nzhiho hi kota ya zionho za vanhu. Fil. 2:7; Xip. 4:15; 5:1, 2

1 Samueli 10:10

Laha va nga wa chikele le Gibea, a ntlawa wa vaprofeti wu lo tlhangana naye, zonake a Moya wa Nungungulu wu lo enghena kakwe hi ntamu, yena i lo profeta xikari kabye.

1 Samueli 10:9

Laha Saule a nga wa sukile a fularela Samueli, Nungungulu i lo mu hunzulusa a mu nyika yinwani mbilu, ni zontlhe zikombiso lezo zi lo maheka ka yena lego siku.

1 Samueli 12:3

Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33

1 Samueli 16:13

Zonake Samueli i lo teka a xikudzana xa mafura a mu tota laha xikari ka vanakulobye. A Moya wa Jehova wu lota ka Davida kusukela lego siku ku komama mahlweni. Zinghaho Samueli i lo suka a famba le Rama. Davida a yimbelela mahlweni ka Saule.

1 Samueli 2:36

Kanilezi lava va ta nga sala lomu ndlwini ya wena, a munwe ni munwani i ta ta korama mahlweni kakwe, kasi va fela ku kuma malanyana ni kowo wa xibaba. Va tata, va taku: Nzi nghenise ka wunwani ntiro wa wupristi, kasi nzi fela ku kuma xibabanyana nziga.

1 Samueli 25:28

Tsetselela a nanza ga wena ka nanzu lowu, hakuva Jehova i ta tiyisa futsi a yindlu ya hosi ya mina, hakuva a hosi ya mina yilwa a yimpi ya ka Jehova, cima ni kubiha ku nga ta kumiwa ka wena ka wontihe masiku ya wena.

1 Samueli 3:1

Mufana Samueli i lo khozela Jehova mahlweni ka Eli. Kanilezi a mhaka ya Jehova yi wa kala masikwini lawo, ni ziwoniso zi wa nga tali.

1 Samueli 7:9

Samueli i lo teka a xiyivana xa ha anwako, a xi nyikela xontlhe xi maha munyikelo wa kuhiswa ka Jehova. Zonake Samueli i lo khongelela va ka Israeli ka Jehova, na Jehova i lo mu hlamula.

1 Samueli 8:3

Kanilezi a vana vakwe a va fambangi hi tindlela takwe; va lo khunguvanyeka hi ku navela mali, va vumela ku rengelelwa, va hambukisa nongameto. Va ka Israeli va kombela hosi.

1 Samueli 9:12

Va lo hlamula, vaku: I kona, hi gaya. Hatlisani zalezi, hakuva i tile nyamutlha laha mutini, a vanhu va mahako muphahlo le wutshanwini gi tlakukileko.

1 Samueli 9:13

Loku mu hatla ku chikela laha mutini, mu ta ya mu kuma na a nga se ku kanziha wutshanwini hi tlakukileko ku yaga, hakuva a vanhu a va na kuga na a nga se ku chikela yena, hi lezi hi yena a katekisako miphahlelo; anzhako ka lezo lava va rambilweko vaga. Hikwalaho kanzihani lokuloku, kasi mu fela ku mu kuma.