1 Samueli 2:25 - Tshwa Bible

²⁵ Loku a munhu a gohela munhukulobye, Nungungulu i ta mu lamula. Kanilezi loku a gohela Jehova, himani a ta nga mu khongelela ke? Ahembaloko, a va ingisangi a gezu ga raru wabye, hakuva Jehova i wa xuvile ku va lovisa.

1 Samueli 2:25 Mawu Ofanana

Genesisi 38:10

Makunu lezi a nga wa zi maha zi wa bihile mahlweni ka Jehova, hikwalaho Jehova i lo mu dayawu kambe.

Genesisi 38:7

Kanilezi Era a matewula ya Juda i wa bihile mahlweni ka Jehova, Jehova i lo mu daya.

1 Tihosi 8:31

Loku munhu a onhela muakelwane wakwe, zonake va mu hlambanyisa mahlweni ka alati ga wena ndlwini leyi,

1 Tihosi 8:32

zi ingise wena na u hi kwaseyo tilweni; u tsema timhaka ta malanza ya wena; u kombisa wa kubiha hi ku tlhelisela hlokweni yakwe a kubiha kakwe; ni ku kombisa kululama ka loyi a mahileko kululama.

2 Kronekele 10:15

Zinghaho a hosi a yi ingisangi za vanhu, hakuva zi wa hi za le ka Nungungulu, kasi ku fela ku tatiseka a gezu ga Jehova legi a gi wulileko xungetano na Jeroboamu nʼwana Nebate hi nomu wa Ahija a muXiloni.

2 Kronekele 25:16

Khwatsi hi lezi a nga wa wulawula naye, a hosi yi te ngalo kakwe: Hi ku yimisile a kuva ginwe ga masungukati ya hosi ke? Suka u famba! U laʼku dawelwa yini ke? Zonake muprofeti i lo Suka, aku: Nza wona lezaku Nungungulu i xuvile ku ku lovisa hi kota ya zilo lezi u zi mahileko; a ku ingisangi a gezu ga mina.

Joba 9:33

A ku na mulamuli xikari ka hina, Loyi a nga lamulako hi canja gakwe.

Tisimu 51:16

Hakuva a ku xalaliswi hi miphahlo, nzi wa ta ku nyika yona; A ku ranzi a minyikelo ya kuhiswa.

Tisimu 51:4

Nzi onhile mahlweni ka wena wece, Nzi maha lezi zi bihileko mahlweni ka wena. Kasi u fela ku kumeka na u lulamile kuwulawuleni ka wena, Ni kuva ni nongameto laha u lamulako. Rom. 3:4

Mavingu 13:1

A nʼwana a tlharihileko i ingisa ziluleko za raru wakwe; anilezi a mutseketseli a ngazwi kukawukwa.

Mavingu 15:10

A kukawukwa ka bayisa ka loyi a tsikako ndlela; i loyi a alako ziluleko i tafa.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Mutshawuteli 3:3

ku nani xikhati xa ku daya, ni xikhati xa ku chuma; a xikhati xa ku khungumula, ni xikhati xa ku aka;

Mitsengo 15:30

Kanilezi loku munhu a onha ha womu, kutani xisumbulwa kutani muluveli, a onha hi ku kanyisa Jehova; loye munhu i ta tsemiwa xikari ka va ka kabye.

Deuteronome 1:17

Mu nga lamuli hi ku cuwuka nghohe ya munhu; kanilezi nwina mu tazwa a timhaka ta ntsongwani kota timhaka ta wahombe; mu nga chavi xiyimo xa munhu, hakuva kulamula kuta hi ka Nungungulu. Loku yinwani mhaka yi mu tsanza, mu ta yi neha mahlweni ka mina nzi ta ta yizwa. Ekso. 18:26; 23:3; Jak. 2:9

Deuteronome 2:30

Kanilezi Sihoni a hosi ya Hexboni i lo ala a kuva hi tsemakanya kontlhe lomo, hakuva Jehova Nungungulu wa wena i nonohisile a mbilu yakwe, kasi a fela ku mu nyikela canjeni ga wena kota lezi zi mahekileko.

1 Timote 2:5

Hakuva ku kona Nungungulu munwe ntsena, kambe ni mutlhanganyisi munwe xikari ka Nungungulu ni vanhu, Kristu Jesu a nga munhu a wutsumbu gakwe. Gal. 3:20; Maheb. 9:15

Maheberu 10:26

Hakuva loku hi onha ha womu anzhako ka kuva na hi tivile zinene, a wa ha hi kona a muphahlo wa zionho; Mitse. 15:30; 2 Ped. 2:20

Maheberu 10:27

kanilezi ku sele ntsena a ku rinzela hi kuchava a kulamulwa, ni xikuhe xa nzilo lowu wu ta nga hetisa a valala. Ezek. 36:5; Zef. 3:8; 2 Tes. 1:8

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

Joxua 11:20

Hakuva zi wa mahiwa hi Jehova lezaku va nonohisa timbilu tabye a ku vukela Israeli, kasi Israeli a fela ku va lovisa, va nga va tsetsi, kanilezi va va lovisa khwatsi hi lezi Jehova a leleteleko Mosi.

1 Samueli 3:14

Hikwalaho nzi hlambanyele a yindlu ya ka Eli, lezaku a kuonha ka yindlu yakwe ku nga ta tsetselelwa hi kota ya miphahlelo ge hambu hi minyikelo kala kupinzuka. Levi 4:3