1 Samueli 2:2 - Tshwa Bible

² Ku hava a basileko khwatsi hi Jehova; Hakuva a nga kona munwani ahandle ka wena; Ge hambu kuva kona ginwani ribye go fana ni Nungungulu wa hina.

1 Samueli 2:2 Mawu Ofanana

2 Samueli 22:3

Nungungulu wa mina, a ribye ga mina legi nzi chavelako ka gona, A xitlhangu xa mina, ni limhonzo la kuhanya ka mina, Ni khokhola ga mina gi tlakukileko, ni wuchavelo ga mina! Muhlanguti wa mina, u nzi hanyisako ka lava va nzi hlokisako. Lu. 1:69; Maheb. 2:13

2 Samueli 22:32

Himani Nungungulu, ahandle ka Jehova ke? Himani a nga ribye, ahandle ka Nungungulu wa hina ke?

2 Samueli 7:22

Hikwalaho u wa hombe, Jehova Nungungulu! Hakuva a nga kona munwani wa ku fanana na wena, a nga kona Nungungulu ahandle ka wena, kukotisa zontlhe hi zi zwileko hi tindleve ta hina. Deut. 3:24; Isa. 44:6; Mar. 12:29, 32

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

Tisimu 111:9

I rumele kutlatlheka ka vanhu vakwe, I yimisile a xivumelwano xakwe kala kupinzuka; A vito gakwe gi basile, ga chaveka.

Tisimu 18:2

Jehova hi ribye ga mina, ni khokhola ga mina, ni mutlhatlhisi wa mina; Nungungulu wa mina, ribye ga mina legi nzi chavelako ka gona; Xitlhangu xa mina, ni limhonzo la kuhanyiswa ka mina, ni khokhola ga mina. Lu. 1:69; Maheb. 2:13

Tisimu 18:31

Himani Nungungulu loku ku nga hi Jehova? Himani a nga ribye a handle ka Nungungulu wa hina? Deut. 4:35; Isa. 43:11

Tisimu 71:19

Nungungulu, a kululama ka wena ku tlakukile nguvu, U mahile zilo za hombe, Nungungulu, himani a ringanako na wena ke? Ekso. 15:11; 2 Sam. 7:22

Tisimu 71:3

Ngha uva ribye ga kuaka ka mina, Lomu nzi nga chavelako kona xontlhe xikhati. Wena u leletele akuva nzi hanyiswa, Hakuva u ribye ga mina ni khokhola ga mina.

Tisimu 73:25

Himani nzi nga naye le tilweni ahandle ka wena ke? Loku nzi hi na wena a nzi naveli nchumu misaveni.

Tisimu 86:8

Xikari ka vanungungulu a nga kona a fananako na wena, Hosi, A yi kona mitiro yi fananako ni ya wena. Ekso. 15:11; Deut. 3:24

Tisimu 89:6

Hakuva himani le tilweni a nga ecanyiswako na Jehova? Himani xikari ka vana va Nungungulu a fananako na Jehova?

Tisimu 89:8

Jehova, Nungungulu wa tiyimpi, Himani a nga ni ntamu wo fanana ni wa wena, Jehova; A kutsumbeka ka wena ku ku ranzele.

Tisimu 99:3

A va dumise a vito ga wena ga hombe gi chavisekako! I basile.

Tisimu 99:5

Kulisani Jehova, a Nungungulu wa hina, Khizamani xitsikelweni za mikonzo yakwe; I basile.

Tisimu 99:9

Kulisani Jehova, Nungungulu wa hina, Khozelani xitsungeni xakwe xo basa, Hakuva Jehova, Nungungulu wa hina i basile.

Eksodusi 15:11

Himani a fananako na wena Jehova, a xikari ka vanungungulu? Himani wo hatima, loyi a basileko kota wena, Loyi a faneleko ku chabyiwa ni ku dumiswa hi tisimu? U mahile zihlamaliso!

Isaya 40:18

Nungungulu mu ta mu fananisa na mani, Hi xihi xifananiso mu ta nga xi maha xo ringana naye?

Isaya 44:6

Jehova, a Hosi ya ka Israeli, Ni Mutiruli wakwe, Jehova wa tiyimpi, i ngalo: Nzi wo sangula, ni wo gumesa, Ahandle ka mina a ku na Nungungulu. Isa. 41:4; Kuv. 1:8, 17

Isaya 44:8

Mu nga chavi, ge hambu ku rurumela! A nzi ku byelangi kale, nzi zi tlhatlhambutela ke? Nwina mu vakustumunyu va mina. I kona munwani Nungungulu a handle ka mina ke? Ge, a gi kona ginwani ribye, a nzi gi tivi. Deut. 4:35; 1 Sam. 2:2; 1 Kor. 8:4

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 6:3

A ginwe gi lo kanyuluka ka ginwani, giku: Basa, basa, basa, yena Jehova wa tiyimpi; Yontlhe misava yi tele hi kungangamela kakwe!

Jeremia 10:6

A nga kona a fananako na wena, O Jehova; U wa hombe, a vito ge wena ga hombe hi ntamu.

Levi 11:44

Hakuva hi mina Jehova, Nungungulu wa nwina; hikwalaho mu ta ti basisa, muva lava va basileko, hakuva mina nzi basile. Mu nga ti nyenyezisi mimiri ya nwina hi ziharana lezi zi kokakokako laha misaveni. 1 Ped. 1:16

Levi 11:45

Hakuva hi mina Jehova loyi a mu humesileko tikweni ga le Gipite, kasi nzi fela maha Nungungulu wa nwina. Hikwalaho basani, hakuva mina nzi basile.

Levi 19:2

Byela a hlengeletano wontihe wa vanana va ka Israeli, uku ka vona; Basani, hakuva mina rizi basile, mina Jehova, Nungungulu wa nwina.

Va le Roma 15:4

Hakuva timhaka tontlhe ti nga tsaliwa kale ti tsalelwe a ku gonzisa hina, lezaku kasi hi fela kuva ni kutsumba hi kota ya kutiya ni kuchavelelwa loku ku nyikwako hi Mitsalo. 2 Tim. 3:16

Va le Roma 4:8

I katekile a munhu loyi a Hosi yi nga mu hlayeliko kuonha.

Deuteronome 3:24

Hosi Jehova, wena u sangule ku kombisa ka nanza ga wena a wukulu ga wena, ni ntamu wa canja ga wena, hakuva hi wihi nungungulu le tilweni ni laha misaveni a nga mahako mi-tiro yo kota ya wena ke?

Deuteronome 32:20

Aku: Mina nzi ta va fihlela a nghohe ya mina, Nza nga wona lezi zi to humelela, Hakuva lixaka la ku gombonyeka, I vanana va nga tsumbekiko.

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

Deuteronome 32:4

I Ribye, mitiro yakwe yi mbhelele; Hakuva tontlhe tindlela takwe ti lulamile; I Nungungulu wa kutsumbeka, loyi a nga hiko na kukanganyisa; I na ni wunene, i lulamile.

Deuteronome 4:35

Wena u kustumunyu wa lezi zilo, kasi wena u fela ku zi tiva lezaku Jehova i Nungungulu, a ku kona munwani ahandle kakwe.

Deuteronome 4:39

Zi tive nyamutlha, u zi alakanya mbilwini ya wena, lezaku Jehova i Nungungulu loyi a nga hehla tilweni ni lahasi misaveni; a ku na munwani,

1 Pedro 1:16

hakuva ku tsalilwe ku ngalo: Ngha mu basa, hakuva mina nzi basile. Levi 11:44; 19:2; 20:7