1 Samueli 18:1 - Tshwa Bible

¹ Makunu laha Davida a nga gumesile ku wulawula na Saule, a mbilu ya Jonatani yi lo bohana ni mbilu ya Davida, a mu ranza nguvu khwatsi hi lezi a ranzisako zona wutsumbu gakwe.

1 Samueli 18:1 Mawu Ofanana

Genesisi 44:30

Makunu loku nzi tlhela ka nanza ga wena, a raru wa hina, na nzi nga hi na mufana loyi, loyi a wutomi ga raru wa hina gi bohilweko hi wutomi gakwe;

2 Samueli 1:26

Nza ku bayisekela wena nakulori, Jonata! U wa nzi xalalisa nguvu. A liranzo la wena li wa nzi tsakisa, Li wa hunza ni liranzo la vava sati.

1 Kronekele 12:17

Davida i lo huma a va khinga, a wulawula kabye, aku: Loku nwina muta ka mina hi kurula kasi ku ta nzi vunetela, nzi ta tlhangana na nwina hi mbilu ya mina; kanilezi loku ku hi ku ta nzi xengetela, mu nzi nyikela ka valala va mina na nzi onhangi nchumu, Nungungulu wa vararu va hina a zi wone, a lamula!

Tisimu 86:11

Jehova, nzi gonzise a ndlela ya wena, Nzi ta famba zineneni za wena; Maha mbilu ya mina yi chava vito ga wena.

Mavingu 18:24

Loyi a hlotako a vanghana vo tala i ti lavela khombo; Kanilezi ku na ni munghana loyi a tsumbekileko ku hunza makabye.

Deuteronome 13:6

Loku makabye wa wena, loyi a nga nʼwana wa mamani wa wena, kutani i nʼwana wa wena wa mufana, kutani i nhanyana wa wena, kutani i sati wa mbilu ya wena, kutani i nakuloni loyi u mu ranzako hi mbilu yontlhe ya wena, a ku kucetela hi le xihundleni, aku: A hi fambe hi ya khozela vanwani vanungungulu lava wena ni vararu va wena mu nga va tivangiko,

Va le Kolosi 2:2

lezaku a timbilu tabye ti fela a ku tangaliswa, vona na va te gwa liranzweni, va amukela a kutala ka kupimisisa ku tiyileko, lezaku va fela ku tiva a fihlakalo wa Nungungulu, wu nga yena Kristu, 2 Kor. 1:6; 2 Ped. 3:18

Valamuli 20:11

Zinghaho vontlhe vavanuna va ka Israeli va lo tsombana va bohana hi moya munwe, va vukela a muti lowo.

1 Samueli 14:45

Kanilezi a vanhu va te ngalo ka Saule: Xana Jonatani i tafa, yena loyi a tirileko a kuhanyisa ka hombe ka ku nghahi lomu ka Israeli ke? Za hava lezo! Hi hlambanya ha Jehova a hanyako, cima ku nga ta kuva kona ni munwe a sisi wa hloko yakwe wu ta ngawa lahasi, hakuva Jonatani i tirile na Nungungulu legi siku! Zinghaho a vanhu va lo tlhatlhisa Jonatani, a nga dawi.

1 Samueli 18:3

Zonake Jonatani i lo maha xivumelwano na Davida, hakuva i wa mu ranza kota wutsumbu gakwe.

1 Samueli 19:1

Saule i lo wulawula ni nʼwana wakwe Jonatani, ni malanza yakwe wontihe, aku: Mina nzi lava ku daya Davida! Kanilezi Jonatani nʼwana Saule i wa ranza nguvu Davida.

1 Samueli 19:2

Hikwalaho Jonatani i lo byela Davida, aku: Baba wa mina Saule i lava ku ku daya. Hikwalaho ti wonele ni mixo, u tshama xihundleni u fihlala.

1 Samueli 20:17

Jonatani i lo hlambanyisa Davida hi liranzo leli a nga wa mu ranza ha lona, hakuva i wa mu ranza ku khwatsi hi wutsumbu gakwe.

1 Samueli 20:8

U ta zwela wuxinji a nanza ga wena, kota lezi u mahileko a xivumelwano zinwe nago a vitweni ga Jehova, kasi loku ku hi kona a nanzu wo kari ka mina, nzi daye wena wutsumbu; hi kuyini u lava ku nzi heleketa ka raru wa wena?

1 Samueli 22:8

Lezi mu hlengelako ku nzi vukela, hakuva ku hava ni munhu a nga nzi byela lezaku a nʼwana wa mina i mahile xivumelwano ni nʼwana wa Jese, ni kambe ku hava ni munwe wa nwina wa ku nzi khatalela, a nzi byela lezaku a nʼwana wa mina i hlohlotela a nanza ga mina a ku nzi vukela ni ku nzi xiyelela khwatsi hi nyamutlha!

1 Samueli 23:18

Zonake va lo maha xivumelwano hi wumbiri gabye mahlweni ka Jehova. Davida i lo tshama lomu makhwatini, Jonatani yena a famba kaya kakwe.