1 Samueli 15:8 - Tshwa Bible

⁸ I lo khoma Agagi na ha hanya, a hosi ya vaAmaleki, kanilezi vontlhe vanhu i lo va lovisa hi wutlha ga supado.

1 Samueli 15:8 Mawu Ofanana

2 Samueli 8:12

A za le matikweni ya le Siria ni tiko ga le Moabi, ni ka vanana va ka Ammoni, ni ka vaFilistia, ni ka vaAmaleki, ni muphango wa Hadadezera nʼwana Rehoba, a hosi ya le Zoba.

1 Tihosi 20:30

Lava va seleko va lo tsutsumela lomu mitini ya le Afeka, zonake a khokhola ga muti gi lo wela hehla ka vavanuna lava va nga wa sele va 27,000. Ben-Hadade i lo tsutsuma a ya enghena lomu mutini, a suka lomu ka kwarutu yinwe aya ka yinwani.

1 Kronekele 4:43

Va lo ta hlasela a vaAmaleki lava va nga wa sele, va aka lomo kala nyamutlha.

Estere 3:1

Anzhako ka lezo hosi Ahasuerusi i lo tlakusa Hamani nʼwana Hamedata a muAgage, a mu veka xitshanwini xa le hehla, a mu maha mufumeli wa tihosana leti a nga wa hi nato.

Levi 27:29

A munhu loyi a yilisilweko a nga ha tlhatlhiswi i ta dawa basi.

Mitsengo 24:7

Ni mati ma ta khulunga hi lomu ka mabhaketi yakwe, Ni mbewu yakwe yi ta tsakamiswa hi mati yo tala. Ni hosi yakwe yi ta va wa hombe ku hunza Agagi, Ni mufumo wakwe wu tava ni ntamu.

Joxua 10:39

Va lo mu khozisa zinwe ni hosi ya kona, ni yontlhe miti ya kona, va lo yi hlasela hi tlhari, va lovisa vontlhe lava va nga hanya lomo, a va siyangi ni munhu. Khwatsi hi lezi a mahileko ka Hebroni i lo maha ka Debira ni hosi ya kona; kota lezi a mahileko kambe le Libna ni hosi ya kona.

Joxua 11:12

Joxua i lo khozisa yontlhe miti ya tihosi leti, ni tihosi ta kona tontlhe i lo ti lovisa, a hihirita vanhu khwatsi hi lezi Mosi, a nanza ga Jehova, a nga wa leletele. Ekso. 23:32; Mitse. 33:52, 55

Joxua 8:23

Va lo khoma a hesi ya le Ai na yi kari yi hanya, va yi yisa ka Joxua.

1 Samueli 15:20

Saule i te ngalo ka Samueli: Mina nzi ingisile gezu ga Jehova, nzi fambile hi ndlela leyi Jehova a nzi rumileko yona, nzi nehile Agagi a hosi ya vaAmaleki; kanilezi zontlhe za vaAmaleki nzi zi lovisile.

1 Samueli 15:3

Makunu lezi famba u ya hlasela vaAmaleki, u lovisa zontlhe lezo va nga nazo; u nga va nyenyeleteli, kanilezi daya vontlhe vavanuna ni vavasati, ni vananani tisana ta ha anwako, ni tihomu, ni tiyivu, ni makameli, ni timbongola.

1 Samueli 22:19

Saule i lo hlasela Nobe a muti wa vapristi hi wutlha ga supado, a daya vavanuna ni vavasati, ni vanana ni Zihlangana, ni tihomu, ni timbongola, ni tiyivu, a lovisa zontlhe hi wutlha ga supado.

1 Samueli 30:1

Laha Davida ni vanhu vakwe na va chikele le Ziklagi hi siku ga wunharu, va lo kuma lezaku a vaAmaleki va wa hlasele le Dzongeni ni le Ziklagi. Va wa putsuketile Ziklagi va gi hisa hi nzilo.