1 Samueli 15:24 - Tshwa Bible

²⁴ Zonake Saule aku ka Samueli: Nzi onhile, hakuva nzi hambunyetile zileletelo za Jehova ni magezu ya wena, hi kota ya lezi nzi nga chava vanhu nzi ingisa timhaka tabye.

1 Samueli 15:24 Mawu Ofanana

Genesisi 3:12

Ni wanuna i te ngalo: Hi wasati loyi u nzi nyikileko akuva zinwe na mina, hi yena a nga nzi nyika sinya nziga.

Genesisi 3:17

Ni ka Adamu i te ngalo: Kota lezi u nga ingisa a gezu ga sati wa wena, uga a sinya leyi nzi nga ku layile ku ngalo: U nga yigi, yi rukatelwe misava hi kota ya wena; u taga mihanzu ya kona hi kubayiseka wontihe masiku ya kuhanya ka wena; Rom. 8:20

2 Samueli 12:13

Zonake Davida i te ngalo ka Natani: Nzi onhile ka Jehova. Kanilezi Natani i te ngalo ka Davida: Jehova i susile xionho xa wena; cima u nga tafa;

Joba 31:34

Nzi wa chava a xidlemo xa vanhu, Nzi dzukiswa hi xixanzo xa mingango, Lezaku nzi rutisa, nzi nga humi lahandle ke? Ekso. 23:2

Tisimu 51:4

Nzi onhile mahlweni ka wena wece, Nzi maha lezi zi bihileko mahlweni ka wena. Kasi u fela ku kumeka na u lulamile kuwulawuleni ka wena, Ni kuva ni nongameto laha u lamulako. Rom. 3:4

Eksodusi 10:16

Zonake Faro i lo hatlisa ku vitana Mosi na Aroni, aku ka vona: Nzi onhile ka Jehova, Nungungulu wa nwina, ni ka nwina.

Eksodusi 23:2

U nga lanzeli a ntlawa lowu wu mahako kubiha; u nga hlengeli ni xidlemo hubyeni, lexi xi hambukisako a nongameto.

Eksodusi 9:27

Zonake Faro i lo vitana Mosi na Aroni, aku ka vona: Makunu mina nzi onhile; Jehova i lulamile, mina ni vanhu va mina hi vaonhi.

Mavingu 29:25

A ku chava vanhu ku neha ziyo, anilezi loyi a tsumbako Jehova i ta pona. Mat. 10:28

Jeremia 38:5

Hosi Zedekia i lo hlamula, aku: Langutani, i le mandleni ya nwina, hakuva hosi a yi zi koti ku mu alela nchumu.

Mitsengo 22:34

Balaami i te ngalo ka ngelosi ya Jehova: Nzi onhile, hakuva a nzi zi tivangi lezaku u yimile mahlweni ka mina laha ndleleni. Makunu loku zi bihile mahlweni ka wena, nzi ta tlhela nzi famba kaya.

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Va le Galatia 1:10

Xana makunu nzi lava ku kholwisa vanhu kutani Nungungulu ke? Kutani nzi lava ku xalalisa vanhu ke? Loku nza ha ranza ku xalalisa vanhu nzi wa ta ngha nzi nga hi nanza ga Kristu. 1 Tes. 2:4; Jak. 4:4; 1 Joh. 3:19

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

1 Samueli 15:15

Saule i te ngalo: Va zi tekile ka vaAmaleki va zi neha seno, hakuva a vanhu va lo tsika a tiyivu ni tihomu leti to saseka, kasi ku ta maha ha tona muphahlelo wa Jehova Nungungulu wa wena, kanilezi zontlhe zinwani hi zi lovisile.

1 Samueli 15:30

Saule aku: Mina nzi onhile! Kanilezi nzi dzunze makunu mahlweni ka masingalakati ya vanhu va mina, ni mahlweni ka va ka Israeli, u tlhela na mina, kasi nza fela ku ya khizama mahlweni ka Jehova Nungungulu wa wena!

1 Samueli 15:9

Kanilezi Saule ni vanhu vakwe va lo tsika Agagi ni wulangelwa ga tiyivu, ni ga tihomu ti nonileko, ni ga zifuyo zinwani, ni tiyivana, ni zontlhe zo saseka, a nga lavangi ku zi lovisa. Kanilezi zontlhe lezi zi nga nyawuliko va lo zi lovisa.

1 Samueli 2:29

Hi kuyini mu kanzihelako a miphahlelo ya mina ni minyikelo ya mina, lezi nzi leleteleko a kuva zi nyikelwa lomu ndlwini ya mina ke? U dzunzile a vana va wena ku hunza mina, mu ti kulukisa hi milangelwa ya minyikelo yontlhe ya vanhu va mina va ka Israeli.

1 Samueli 26:21

Zonake Saule i te ngalo: Nzi onhile! Wuya nwananga, Davida! Hakuva nzi nga ta ku maha mhango, hakuva inyamutlha a wutomi ga mina gi wa hi malongo nguvu mahlweni ka wena. Languta, mina nzi mahile wupumbu, nzi hoxile nguvu.