1 Samueli 13:13 - Tshwa Bible

¹³ Samueli aku ka Saule: U mahile wupumbu; a ku hlayisangi zileletelo za Jehova Nungungulu wa wena, lezi a nga ku leletele zona. Hakuva Jehova ngha a wa yimisile mufumo wa wena hehla ka va ka Israeli kala kupinzuka.

1 Samueli 13:13 Mawu Ofanana

Genesisi 31:28

A ku nzi nyikangi ni xikhati xa kuva nzi pswopswa a vana va mina va xinuna ni va xisati; u lo zi maha hi wupumbu.

2 Samueli 24:10

Laha Davida a nga hlayile vanhu i lo biwa hi livalo lakwe. Zonake aku ka Jehova: Nzi onhile nguvu hi lezi nzi mahileko lezi zilo! Makunu Jehova, susa kuonha ka nanza ga wena, hakuva hakunene nzi mahile wupumbu.

1 Tihosi 18:18

Yena aku: Mina a nzi xanisangi va ka Israeli, kanilezi hi wena ni yindlu ya raru wa wena, lezi mu tsikileko a milayo ya Jehova, mu lanzela Baali.

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

1 Kronekele 10:13

Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10

2 Kronekele 16:9

Hakuva a mahlo ya Jehova ma languta misaveni yontlhe a ku tiyisa lava va nga vakwe hi timbilu tabye tontlhe. U mahile wupumbu mhakeni leyi, hakuva kusukela lezi u tava ni tiyimpi. Jer. 16:17; 32:19; Zak. 4:10

2 Kronekele 19:2

Jehu nʼwana wa muprofeti Hanani i lo suka ku mu khinga; i te ngalo ka hosi Jehoxafate: A wa kubiha i fanele ku vunetelwa ke? U ranza lava va vengako Jehova ke? Hi kota ya lezo Jehova i ku zangarele.

Joba 34:18

Himani a wulako ka hosi aku: U bihile! Ni ka tihosana: Nwina mu vaonhi ke?

Mavingu 12:8

A munhu i ta dzunziwa maringano ni wutlhari gakwe; anilezi loyi wa mbilu yi bihileko i ta nyenyiwa.

Mavingu 19:3

A wupumbu ga munhu ga goha mahanyela yakwe; i mbilu yakwe yi vukela Jehova.

Isaya 39:5

Zonake Isaya aku ka Hezekia: Zwana a gezu ga Jehova wa tiyimpi:

Jeremia 18:10

kanilezi loku tiko legi gi maha kubiha mahlweni ka mina, gi nga ingisi a gezu ga mina, zonake nzi ta tsika a kusasa loku nzi nga xuvile a ku va mahela kona.

1 Samueli 1:22

Kanilezi Hana a nga yangi, hakuva i te ka nuna wakwe: Mina nzi nga taya kala loku xihlangana xi lumukile, hi kona nzi to mu heleketa nzi ya mu hendleleta mahlweni ka Jehova, kasi a fela ku tshama lomo wontihe masiku.

1 Samueli 13:12

Hikwalaho nzi wona lezaku a vaFilistia va ta relela va talwa na mina leno Gilgali, na nzi nga se ku kombela ka Jehova. Hikwalaho nzi lo ti kurumeta nzi nyikela a munyikelo wa kuhiswa.

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6

1 Samueli 15:22

Samueli a ku ngalo: Xana Jehova wa tsakiswa hi minyikelo ya kuhiswa ni miphahlelo, ku hunza ku ingisa gezu gakwe ke? Zwisisa! a kuingisa ku chukwana ku hunza miphahlelo, ni ku hlayisa gezu ga Jehova ku hunza mafura ya tiyivu. Hos. 6:6; Mat. 9:13; 12:7

1 Samueli 15:28

Samueli i te ngalo kakwe: Inyamutlha Jehova i hanzule a mufumo wa ka Israeli hehla ka wena, a wu nyikela ka muakelane wa wena, loyi a nga chukwana ku hunza wena.

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22

1 Samueli 26:21

Zonake Saule i te ngalo: Nzi onhile! Wuya nwananga, Davida! Hakuva nzi nga ta ku maha mhango, hakuva inyamutlha a wutomi ga mina gi wa hi malongo nguvu mahlweni ka wena. Languta, mina nzi mahile wupumbu, nzi hoxile nguvu.