1 Samueli 12:9 - Tshwa Bible

⁹ Kanilezi laha va nga rivala Jehova, Nungungulu wabye, i lo va xavisa ka Sisera, a nduna ya yimpi ya Hazora ni ka vaFilistia, ni ka hosi ya vaMoabi, lava va va hlaseleko.

1 Samueli 12:9 Mawu Ofanana

2 Samueli 7:11

Kusukela siku lego nzi nga yimisa valamuli hehla ka vanhu va mina, va ka Israeli. Nzi ku nyikile kuhumula ka vontlhe valala va wena. Tlhatakumbiri Jehova i ku tivisa lezaku yena i ta ku mahela yindlu.

Tisimu 106:21

Va lo rivala Nungungulu, Muhanyisi wabye, Loyi a nga maha zilo za hombe le Gipite;

Isaya 63:10

Kanilezi vona va lo hluwuka, va bayisa Moya wakwe wa ku Basa, Hikwalaho i lo maha nala wabye, alwa navo.

Jeremia 2:32

Xana a nhwana a nga rivala a wubombi gakwe ke? Kutani a muswika ku rivala a nchalachala wakwe? Kasike a tiko ga mina gi nzi rivele hi kale.

Deuteronome 32:18

U tsikile a Ribye legi gi nga ku beleka, U rivele Nungungulu loyi a ku pswalileko.

Deuteronome 32:30

Xana munhu a nga hlongolisa kuyini a 1,000 wa vanhu ke? A vanhu vambiri va nga hlongola 10,000 wa vanhu ke? Loku a Ribye gabye gi nga va xavisangi, Ni loku Jehova a nga va nyikelangi ke?

Valamuli 10:7

A zanga ya Jehova yi lo vindlukela va ka Israeli, a va nyikela mandleni ya vaFilistia ni ya vanana va ka Amoni.

Valamuli 13:1

A vanana va ka Israeli va lo engeta kambe va maha kubiha mahlweni ka Jehova. Jehova i lo va nyikela mandleni ya vaFilistia 40 wa malembe.

Valamuli 2:14

A zanga ya Jehova yi lo vindlukela Israeli, a va nyikela canjeni ga vaphangi, lava va nga va phanga, a va nyikela mandleni ya valala vabye lava va va ranzeleko, laha kaku va tsanzeka ku yima mahlweni ka valala vabye. Tis. 44:12; Isa. 50:1

Valamuli 3:12

A vanana va ka Israeli va lo engeta va maha kubiha mahlweni ka Jehova. Jehova i lo nyika ntamu ka hosi Egloni a hosi ya Moabi kasi ku vukela va ka Israeli, hilezi va wa mahile kubiha mahlweni ka Jehova.

Valamuli 3:31

Anzhako ka Ehudi ku lo lanzela Xamgare nʼwana Anati, loyi a nga hihirita 600 wa vaFilistia hi mbhanya wa tikavi. Yenawu i lo hlanguta Israeli.

Valamuli 4:2

Jehova i lo va nyikela mandleni ya Jabina a hosi ya le Kanani, loyi a nga wa fumile le Hazora, a nduna ya yimpi yakwe a nga wa hi Sisera, loyi a nga wa akile le Haroxete wa vamatiko. Jox. 11:10; 1 Sam. 12:9

1 Samueli 12:15

Kanilezi loku mu nga ingisi a gezu ga Jehova, ni loku mu ala zileletelo zakwe, zonake a canja gakwe gi ta mu vukela, khwatsi hi lezi gi nga wa vukela vararu va nwina.