1 Samueli 12:3 - Tshwa Bible

³ Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33

1 Samueli 12:3 Mawu Ofanana

2 Samueli 22:22

Hakuva mina nzi hlayisile tindlela ta Jehova, A nzi hambunyetangi ka Nungungulu wa mina.

Nehemia 5:11

Mahani wuxinji mu tlhelisa nyamutlha lezi, a masimu yabye, a zivina zabye, ni mioliva yabye, ni tiyindlu tabye, ni xipanze xa zana xa mali, ni mavele, ni vinya, ni mafura, lezi mu nga zi bhinzula kabye.

Tisimu 15:5

Loyi a nga pembisiko mali yakwe kasi ku bhinzula, Ge hambu ku rengelelwa kasi ku kumisa nanzu munhu a nga hiko na nanzu. Loyi a mahako lezo cima a nga ta tsekatsekiswa. Ekso. 22:25; Levi 25:36; Deut. 16:19

Eksodusi 20:17

U nga naveli a yindlu ya wakelane wa wena. U nga naveli sati wa wakelane wa wena, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xinwanyani xilo xa wakelane wa wena. Rom. 7:7; 13:9

Eksodusi 22:4

Loku a zilo lezi zi yibyilweko zi kumiwa mandleni yakwe na za ha hanya, hambu loku yi hi homu, kutani mbongola, kutani yivu, i ta riha hi ku wuyeta kambiri.

Eksodusi 23:8

U nga amukeli a zinyikiwo, hakuva zi vala a mahlo ya lava va wonako, kambe zi byeketa a timhaka ta lava va lulamileko le hubyeni.

Mavingu 15:27

Loyi, a navelako a bhinzu i karata yindlu yakwe; anilezi loyi a alako ku rengelelwa i ta hanya.

Levi 6:4

loku a onhile kota lezo, ava ni nanzu, i yimelwe hi ku tlhelisa a zilo lezi a nga wa zi wutlile kutani ku yiva, kutani a zilo lezi zi nga wa vekilwe kakwe, hambu ni zilo lezi zi nga wa lahlekile a zi thumba;

Levi 6:5

hambu ni zihi lezi a nga khohlisa a hlambanya mawunwa ha zona; i ta zi tlhelisa zontlhe, a engetela hi za wuntlhanu za kona, a zi nyikela ka nwinyi wa zona hi siku lego a ta nga maha muphahlo wakwe wa nzhiho.

Mitsengo 16:15

Zonake Mosi i lo zangara nguvu, aku ka Jehova: U nga amukeli munyikelo wabye! Mina a nzi tekangi ni mbongola yinwe ka vona; ge ni ku kalavela ni munwe wabye. Gen. 4:5; 1 Sam. 12:3

Mateu 22:21

Vaku ka yena: Za Kesari. Zonake i te ngalo kabye: Tlhelisani ka Kesari lezi zi nga za Kesari, ni ka Nungungulu lezi zi nga za Nungungulu. Xip. 17:25; Rom. 13:7

Luka 19:8

Kanilezi Zakeu i lo yima, aku ngalo ka Hosi: Languta, Hosi, nzi pambulela zisiwana a khihlanya ga zilo za mina, ni loku nzi ngha nzi mu kalavele xilo munhu, nzi ta xi tlhelisela na xi engetelwe ka mune. Ekso. 22:1; 1 Sam. 12:3; Xip. 3:14

Mitiro 20:33

A nzi navelangi mali ya siliva, kutani ya nzalama, hambu ni tinguwo ta munhu. 1 Sam. 12:3; 1 Kor. 9:12; 2 Kor. 7:2

2 Va le Korinte 12:14

Langutani, lexi xikhati xa wunharu na nzi longile a ku mu enzela. Nzi nga ta mu binzela, hakuva a nzi lavi za nwina, nzi lava nwina. A vanana a va faneli ku vekela vapswali, kanilezi a vapswali hi vona va vekelako vanana. Miti. 20:33; 1 Kor. 4:14; Xip. 13:1

Deuteronome 16:19

U nga hambanyisi a nongameto; u nga cuwuki a nghohe ya munhu, u nga amukeli zinyikiwo, hakuva a zinyikiwo za tsopetisa a mahlo ya titlhari, ni ku onha timhaka ta lava vo lulama.

1 Va le Tesalonika 2:10

Nwina mu vakustumunyu va hina, ni Nungungulu kambe, lezaku hi tshamisile kuyini hi kubasa ni kululama ni kungasoleki ka nwina lava mu kholwako.

1 Va le Tesalonika 2:5

Nwina ma zi tiva lezaku cima a hi kanelangi a magezu ya ku dzumeleta, hambu a mano ya ku ti fumisa; Nungungulu hi kustumunyu wa hina.

1 Pedro 5:2

Risani a ntlhambi wa Nungungulu lowu mu nga nawo, mu nga wu hlayisi hi kukurumetwa kanilezi hi ku zi ranza; na ku nga hi ku tirela bhinzu, kanilezi hi matsenya; Joh. 21:15-17; 1 Kor. 9:17

1 Samueli 10:1

Zonake Samueli i lo teka a xikudzana xa mafura a xi chulula laha hlokweni ka Saule, a mu pswopswa, aku: Hakunene Jehova i ku totile hi mafura lezaku u maha hosi hehla ka tshomba yakwe!

1 Samueli 12:4

Vona va te ngalo: A ku gangi nchumu xa hina, a ku hi tsimbeketangi ni kambe a ku tekangi nchumu hambu ka munhu munwe.

1 Samueli 12:5

Yena aku kabye: Jehova hi mboni ya ku mu vukela, zinwe ni a totilweko wa yena r mboni legi siku ya lezaku a mu kumangi nchumu lomu canjeni ga mina. Vona vaku ngalo: A zive tano.

1 Samueli 2:35

Mina nzi ta ti yimisela a mupristi a tsumbekileko, loyi a ta nga maha zontlhe za kuranza ka mbilu ya mina ni muhefemulo wa mina; nzi ta mu akela a yindlu yi tiyileko, zonake i ta famba mahlweni ka a totilweko wa mina kala kupinzuka.

1 Samueli 24:11

Tlhatakumbiri, dada, hi nga wona a nguwo ya wena mandleni ya mina, nzi yi tsemileko laha ka nguwo ya wena; cima a nzi ku dayangi. Cuwukake u zi tiva lezaku ku hava wulala ni kubiha canjeni ga mina, ni lezaku mina a nzi ku gohelangi nchumu. Kanilezi wena wa hlota wutomi ga mina.

1 Samueli 24:6

Zonake i te ngalo ka vanhu vakwe: Cima nzi nga ta maha nchumu ka hosi ya mina, loyi a nga a totilweko wa Jehova, a kuva nzi tlakusa a canja ga mina hehla kakwe; hakuva hi a totilweko wa Jehova.

1 Samueli 24:7

Zinghaho Davida i lo beletela a vanhu vakwe hi magezu lawo, a nga va vumeli ku vukela Saule. Zonake Saule i lo suka a huma lomu muhumeni a khoma ndlela yakwe a famba.

1 Samueli 26:11

Jehova a a nzi beletele a ku tlakusa a canja ga mina hehla ka a totilweko wa Jehova! Kanilezi teka a tlhari lego gi nga le hlokweni yakwe, ni nghotso ya mati hi famba!

1 Samueli 26:9

Davida i te ngalo ka Abixai: U nga mu dayi, hakuva himani a ta nga tlakusa a canja gakwe hehla ka a totilweko wa Jehova a nga kumi nanzu ke?