1 Samueli 12:19 - Tshwa Bible

¹⁹ Makunu vontlhe vanhu va te ngalo ka Samueli: Kombelela malanza ya wena ka Jehova Nungungulu wa wena, kasi hi ngafi, hakuva hi engetele kuonha ka hina hi lezi hi nga ti kombelela hosi.

1 Samueli 12:19 Mawu Ofanana

Genesisi 20:7

Hikwalaho tlhelisa a sati wa vambe, hakuva a nuna wakwe muprofeti, i ta ku kombelela u hanya, kanilezi loku u nga mu tlhelisi, zi tive lezaku wena u tafa futsi ni zontlhe lezi zi nga za wena.

Joba 37:13

Wa gi maha gita kota tsayiso hehla ka misava yakwe, Kutani ku neha zikatekiso zakwe ha gona.

Joba 42:8

Hikwalaho humesani a ntlhanu ni timbiri tikuzi, ni ntlhanu ni timbiri a tihamba, muya ka nanza ga mina Jeba, mu ya ti mahela a munyikelo wa kuhiswa; ni nanza ga mina Joba i ta mu khongelela. Hakuva yena nzi ta mu amukela, kasi nzi nga mahi ka nwina kota wupumbu ga nwina, hakuva a mu wulawulangi kusaseka ha mina kukotisa a nanza ga mina Joba.

Eksodusi 10:17

Makunu lezi ngha u nzi tsetselela a kuonha ka mina a khati legi basi, mu kombela ka Jehova, Nungungulu wa nwina, kasi a fela ku susa a ntungu lowu ntsena ka mina.

Eksodusi 32:30

Hi manziko wa kona, Mosi aku ka vanhu: Mu onhile a xionho xa hombe. Kanilezi nzi ta kanziha ka Jehova, kutani nzi taya maha a nzhiho wa xionho xa nwina.

Eksodusi 9:28

Kombelani ka Jehova lezaku ku nga dzinzi hambu kuna vula ya maralala hakuva za tshisa nguvu, mina nzi ta mu tlhatlha mu famba, cima mu nga ta valelwa ha nchumu.

Isaya 26:16

Jehova, va ku langutele kukaratekeni kabye, Laha u nga va tsayisa va lo rilela ka wena.

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Jeremia 27:18

Loku va hi vaprofeti, ni loku a mhaka ya Jehova yi hi zinwe navo, a va khongele Jehova wa tiyimpi, lezaku a zibya lezi za ha seleko a ndlwini ya Jehova, ni lomu ndlwini ya hosi ya ka Juda, ni le Jerusalema, zi nga ha yisiwi Babuloni.

Jeremia 37:3

Hosi Zedekia i, lo ruma Jehukali nʼwana Xelemia, na Zefania nʼwana Maaseya a mupristi, a ka Jeremia, aku: Hi kombelele makunu ka Jehova a Nungungulu wa hina.

Jeremia 42:2

va loya ka muprofeti Jeremia, va yaku kakwe: Ha ku kombela lezaku u amukela a xikombelo xa hina, xa kuva u hi kombelela ka Jehova a Nungungulu wa wena, hina hontlhe hi seleko; hakuva hi vatsongwani hi seleko khwatsi hilezi u zi wonako hi mahlo ya wena;

Malaki 1:9

Makunu khongelani mahlweni ka Nungungulu, kasi a fela ku hi zwela wuxinji. Xana a ngava ni tipswalo ha nwina lezi mu mahileko a zakunghahi ke? ku wula Jehova wa tiyimpi.

Mitsengo 21:7

A vanhu va lota ka Mosi, va ta ku ngalo: Hi onhile hakuva hi solile Jehova na wena; hikwalaho hi kombelele ka Jehova kasi a fela ku hlongola tinyoka xikari ka hina. Mosi i lo kombelela vanhu.

Mitiro 8:24

Simoni i lo hlamula, aku: Nzi khongeleleni ka Hosi, kasi nzi nga humelwi hi nchumu xa lezi mu zi wulawulileko.

Jakobe 5:15

A kukhongela ka kukholwa ku ta hanyisa loyi a babyako, a Hosi yi ta mu vuxa; ni loku yena a ngha a onhile, i ta tsetselelwa. Isa. 33:24; Mat. 9:2

1 Johani 5:16

Loku munhu a wona makabye wakwe na a kari a maha a xionho lexi xi nga yisiko kufeni, ngha a mu kombelela, na Nungungulu i ta mu nyika kuhanya, loku a xionho xi hi lexi xi nga yisiko kufeni. Xi kona a xionho xi yisako kufeni, a nzi wuli lezaku ku kombelelwa xona. Joba 42:8; Jer. 7:16; Mar. 3:29

1 Samueli 12:13

Makunu a hosi leyi mu nga yi hlawula, leyi mu yi kombelileko, hi leyi; Jehova i yi yimisile hehla ka nwina.

1 Samueli 12:17

A hi gona siku ga ku hula mavele nyamutlha ke? Mina nzi ta kanyuluka ka Jehova lezaku yena a rumela a kudzinza, ni ku nisa a vula, kasi nwina mu ta zi tiva ni ku wona a wukulu ga xionho xa nwina mahlweni ka Jehova, hi lezi mu nga kombela hosi.

1 Samueli 12:20

Samueli i te ngalo ka vanhu: Mu nga chavi. Hakunene mu mahile kubiha, ntsena lezaku mu nga tsiki ku lanzela Jehova, kanilezi khozelani Jehova hi timbilu ta nwina tontlhe.

1 Samueli 12:23

Kasike loku ku hi mina, a zive kule na mina ku gohela Jehova, hi ku tsika ku mu khongelela, kanilezi nzi ta mu gonzisa a ndlela yi nene ni ya nongameto.

1 Samueli 7:5

Samueli i te ngalo: Tsombanyisani vontlhe va ka Israeli le Mizpa, zonake nzi ta mu kombelela ka Jehova.

1 Samueli 7:8

A va ka Israeli vaku ka Samueli: U nga gumesi ku hi kombelela ka Jehova Nungungulu wa hina, kasi a fela ku hi ponisa mandleni ya vaFilistia.

1 Samueli 8:6

A mhaka leyo yi wa bihile mahlweni ka Samueli, leʼyaku: Hi yimisele hosi leyi yi ta nga hi lamula. Samueli i lo kombela ka Jehova.