1 Samueli 12:13 - Tshwa Bible

¹³ Makunu a hosi leyi mu nga yi hlawula, leyi mu yi kombelileko, hi leyi; Jehova i yi yimisile hehla ka nwina.

1 Samueli 12:13 Mawu Ofanana

Hosea 13:11

Nzi ku nyikile a hosi zangeni ya mina, nzi ta yi susa hi khulo ga mina.

Mitiro 13:21

Anzhako ka lezo va lo kombela a hosi. Nungungulu i lo va nyika Saule nʼwana Kixi, wa lixaka la ka Benjamini, loyi a nga fuma 40 wa malembe.

1 Samueli 10:24

Samueli aku ka vontlhe vanhu: Cuwukani loyi Jehova a mu hlawulileko! A ku na munhu lomu tikweni gontlhe wo fanana naye. A vanhu vontlhe va lo hlalela hi kutsaka, vaku: A yi hanye hosi!

1 Samueli 11:15

Zonake a vanhu vontlhe va loya le Gilgali; va lo ya yimisa Saule a ku maha hosi mahlweni ka Jehova le Gilgali. Va lo nyikela miphahlelo ya kurula mahlweni ka Jehova. Zonake Saule ni vontlhe va ka Israeli va lo tsaka nguvu.

1 Samueli 12:17

A hi gona siku ga ku hula mavele nyamutlha ke? Mina nzi ta kanyuluka ka Jehova lezaku yena a rumela a kudzinza, ni ku nisa a vula, kasi nwina mu ta zi tiva ni ku wona a wukulu ga xionho xa nwina mahlweni ka Jehova, hi lezi mu nga kombela hosi.

1 Samueli 12:19

Makunu vontlhe vanhu va te ngalo ka Samueli: Kombelela malanza ya wena ka Jehova Nungungulu wa wena, kasi hi ngafi, hakuva hi engetele kuonha ka hina hi lezi hi nga ti kombelela hosi.

1 Samueli 8:5

Wena u khosahele; a vana va wena a va fambi hi tindlela ta wena. Makunu hi yimisele hosi, leyi yi ta nga hi lamula khwatsi hi wontihe matiko. Deut. 17:14; Hos. 13:10; Miti. 13:21

1 Samueli 9:20

Kasike loku ti hi timbongola leto ti lahlekileko masiku manharu hi legi ga nyamutlha, u nga karateki ha tona, hakuva ti kumilwe. Ni kambe zontlhe lezi zi xubyiwako hi va ka Israeli za mani ke? A hi za wena ni yindlu ya raru wa wena ke?