1 Samueli 11:7 - Tshwa Bible

⁷ Zonake i lo tlhava a patswa wa tinkavi, a ti maha zitlubyana a zi rumela tikweni gontlhe ga ka Israeli hi canja ga mitsukano, aku: Kani himani a to kala ku huma a lanza Saule na Samueli, a tihomu takwe ti ta mahiwa kota lezi. A xichabyo xa ka Jehova xi lota hehla kabye, a vanhu va huma na va bohene hi moya munwe. Vala. 20:1

1 Samueli 11:7 Mawu Ofanana

Genesisi 35:5

Va lo andlamuka. A xichavo xa Nungungulu xi wa hi ka miti leyo yi nga wa va ranzele, hikwalaho vona a va va lanzangi a vana va Jakobe.

2 Kronekele 14:14

Va lo hlasela a miti yontlhe leyi yi nga wa hi kusuhani ni Gerare, hakuva va wa tatisilwe hi wutoya ga ku chava Jehova; va lo phanga yontlhe miti hakuva yi wa hi ni tshomba yo tala nguvu.

2 Kronekele 17:10

Matiko wontihe ma wa tele hi xichawo xo chava Jehova, a matiko lawa ma ranzelekeleko va ka Juda; wona a ma hlomangi yimpi va vukela Jehoxafate.

2 Kronekele 19:7

Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

Isaya 8:13

Hi Jehova wa tiyimpi mu ta nga mu chava kota loyi a basileko, ngha yena ave hlenekera ya nwina.

Valamuli 19:29

Loku a chikele kaya, i lo teka mukwana a khoma a mundlukulu wakwe a mu phaphulela 12 wa zipanze, a zi rumela tikweni gontlhe ga ka Israeli.

Valamuli 20:1

Zonake vontlhe a vanana va ka Israeli va lo huma, kusukela le Dani kala le Berexeba, le tikweni ga le Gileade, va tsombana khwatsi munhu munwe le Mizpa mahlweni ka Jehova.