1 Samueli 10:5 - Tshwa Bible

⁵ Anzhako ka lezo u ta ya chikela Gibea-Elohim, laha ku nga ni yindlu ya varinzeli va vaFilistia. Makunu a xikhati U enghenako mutini, u ta tlhangana ni ntlawa wa vaprofeti na va relela hi le wutshanwini gi tlakukileko, na va hi ni timbila, ni ngoma, ni maxava, ni zitende, na va kari va profeta.

1 Samueli 10:5 Mawu Ofanana

1 Tihosi 18:29

Va lo simama va maha lezo kala ku hunza hlikanhi ku ya chikela xikhatini xa muphahlelo wa gambo; kanilezi cima a va zwangi gezu, ne ni ku kuma hlamulo, hambu ku wona nchumu. Ekso. 29:39; Mitse. 28:3

2 Tihosi 2:15

Laha a vapizani va vaprofeti, lava va nga wa hi le Jeriko, na va mu wonile, va te ngalo: A moya wa Elija wu le hehla ka Elixa. Va lo mu khinga va mu khizamela,

2 Tihosi 2:3

A vapizani va vaprofeti lava va nga wa hi le Beteli va lo huma vata ka Elixa va taku kakwe: Wa zi tiva lezaku inyamutlha Jehova i ta ku tekela a hosi ya wena yiya hehla ke? Yena aku: Nza zi tiva, miyelani!

2 Tihosi 2:5

A vapizani va vaprofeti lava va nga wa hi le Jeriko va lo tshinela ka Elixa, ya taku kakwe: Wa zi tiva lezaku inyamutlha Jehova i ta ku tekela a hosi ya wena yiya le hehla ke? Yena aku: Nza zi tiva, miyelani!

2 Tihosi 2:7

Zonake a 50 wa vanhu, va nga vapizani va vaprofeti, va lo ta yima mahlweni ka vona hi le kulanyana; vonawu hi wumbiri gabye va lo yima hi le mbhirini ya Jordani.

2 Tihosi 3:15

Kanilezi makunu nzi neheleni a munhu loyi a zi tivako a kuba a gubhu. Laha a mubi wa gubhu a nga waba, a canja ga Jehova gi lota hehla ka Elixa.

2 Tihosi 4:38

Makunu laha Elixa a nga wa tlhelele Gilgali, lomu tikweni ku wa hi ni ndlala. A vapizani va vaprofeti va wa tshamile mahlweni kakwe. Yena i te ngalo ka nanza gakwe: Xungeta a mbita ya hombe, u bhikela zakuga a vapizani va vaprofeti.

2 Tihosi 6:1

A vapizani va vaprofeti va te ngalo ka Elixa: A yindlu leyi hi tshamako ka yona mahlweni ka wena, a yi eneli.

1 Kronekele 11:16

Xikhatini lexo Davida i wa hi le khokholeni; a mabutho ya vaFilistia ma wa hi le Betlehema.

1 Kronekele 13:8

Davida ni vontlhe va ka Israeli va wa kari va kina mahlweni ka Nungungulu hi ntamu wabye wontihe, na va yimbelela hi zitende ni timbila, ni tingomana, ni makhombela, ni mipunzu.

1 Kronekele 16:42

Hemani na Jedutuni va wa hlayisa a mipunzu ni tingomana ta vayimbeleli ni timbila to yimbelela a tisimu ta Nungungulu; a vana va Jedutuni va wa hi vahlayisi va tinyangwa.

1 Kronekele 16:5

A wahombe wa kona ku wa hi Asafa; ku gamela Zakaria, zonake Jeieli, na Xemiramote, na Jehieli, na Mattitia, na Eliabe, na Benaia, na Obed-Edomi, na Jeieli, na va hi ni zitende ni timbila; Asafa yena i wa gidivela a xingomana.

Tisimu 49:4

Nzi ta koramisa a ndleve ya mina ka magezu ya wutlhari, Nzi tlhamusela a wutivi ga mina gi fihlilweko na nzi yimba xitende.

Tisimu 92:3

Hi xitende xa khume ga tingoti ni magubhu, Ni pfumawulo wa xitende.

1 Va le Korinte 14:1

Hlotani a liranzo, mu lavisisa a zinyikiwo za moya, nguvunguvu a kuva mu profeta. Levi 19:18; Mitse. 11:25; Mat. 22:39; Rom. 12:6; Xip. 12:31

1 Samueli 10:10

Laha va nga wa chikele le Gibea, a ntlawa wa vaprofeti wu lo tlhangana naye, zonake a Moya wa Nungungulu wu lo enghena kakwe hi ntamu, yena i lo profeta xikari kabye.

1 Samueli 10:4

Va ta ku losa, va ku nyika zibaba zimbiri; u ta zi amukela lomu canjeni gabye.

1 Samueli 13:2

Saule i lo ti hlawutela 3,000 wa vavanuna va ka Israeli; a 2,000 wabye va wa hi na Saule le Mikmaxe ni le xitsungeni xa Beteli, kanilezi lava va 1,000 va wa hi na Jonatani le Gibea ga ka Benjamini. Kasike vontlhe vanwani i lo va tlhelisa, loyi ni loyi a famba tendeni gakwe.

1 Samueli 13:3

Jonatani i lo hlasela a butho ga vaFilistia le Gibea, ni vaFilistia va lo zizwa. Saule i loba mpunzu lomu tikweni gontlhe, aku: A maHeberu a ma ingise!

1 Samueli 19:20

Saule i lo rumela a vanhu a ku ya khoma Davida; zonake vona va lo wona a ntlawa wa vaprofeti va nga wa profeta, na Samueli a hi xikari kabye a va rangela, zonake a Moya wa Nungungulu wu lota hehla ka mitsumi, vonawu va profeta.

1 Samueli 9:12

Va lo hlamula, vaku: I kona, hi gaya. Hatlisani zalezi, hakuva i tile nyamutlha laha mutini, a vanhu va mahako muphahlo le wutshanwini gi tlakukileko.