1 Samueli 10:3 - Tshwa Bible

³ Ku suka hi laho u taya mahlweni kala u chikela laha ka kuhlu wa le Tabori. Laho u ta tlhangana ni vanhu vanharu na va kanziha vaya Beteli ka Nungungulu; munwe na rwele zimbutana zinharu, a munwani na rwele zibaba zinharu, a wa wunharu na rwele a kwama wa vinya.

1 Samueli 10:3 Mawu Ofanana

Genesisi 28:19

I lo chula a vito ga lego wutshamu ku Beteli; kanilezi kusanguleni a vito ga lowo muti ku wa hi Luzi.

Genesisi 28:22

Legi ribye nzi gi yimisako laha akuva mhinga, gi ta kuva a yindlu ya Nungungulu; zonake ka zontlhe lezi u ta nga nzi nyika zona, nzi ta susa nzi nyikela za wukhume.

Genesisi 35:1

Nungungulu aku ka Jakobe: Rura u kanziha kuya Beteli, u ya tshama kona; u ta ya aka kwalaho a alati ga Nungungulu loyi a nga woneka ka wena xikhatini lexo u nga wa chava mahlweni ka nakuloni Esau.

Genesisi 35:3

Zonake hi ta suka hi kanziha hiya Beteli, nzi ta ya aka laho a alati ga Nungungulu loyi a nga nzi hlamula xikhatini xa kuxaniseka ka mina; i wa hi na mina ndleleni leyi nzi nga wa famba ka yona.

Tisimu 89:12

U lo yimisa Nwalungu ni Dzonga, Tabori na Hermoni va tsaka vitweni ga wena.

Jeremia 32:8

Zonake Hanameli, a raru tsongwani wa mina, i lota ka mina lomu hubyeni ga vanyakasani kota lezi Jehova a wulileko, aku ka mina: Xava a simu ga mina gi nga le Anatote, le tikweni ga Benjamini, hakuva u na ni fanelo yoga tshomba, ni yo gi tirula, ti xavele gona. Zonake nzi lo pima lezaku i gezu ga Jehova.

Levi 1:10

Loku a munyikelo wakwe wu hi wa xifuyo xa xitsongwani, ti nga tiyivu kutani timbuti na ti hi ta munyikelo wa kuhiswa, i ta nyikela ya matsune a nga hiko na bawa.

Levi 23:13

Mu ta engetela a muphahlo wa zakuga hi tipimo timbiri ta wukhume ta efa ga mapa yo saseka laya ma vuvilweko hi mafura; zi ta nyikelwa ku maha muphahlelo wa kuhiswa lowu wu nga ni masema yo nuhela ka Jehova; a munyikelo wa kunwa wu tava xipanze xa wumune xa hini ga vinya.

Levi 3:12

Loku a munyikelo wakwe wu hi wa mbuti, i ta wu nyikela mahlweni ka Jehova.

Levi 3:6

Loku a munhu a ranza ku nyikela munyikelo wa kurula ka Jehova hi zifuyo lezi zi tsongwani, a teke xihari xi nga hiko na bawa, xa matsune kutani kati.

Levi 7:13

I ta neha kambe a zibaba zi nga ni comelo, zinwe ni xifuyo xa muphahlo wa kurula muphahlweni wakwe wa ku khesa.

Joxua 19:12

Zonake wu suka le Saride wu kongoma Mutsuwuka-gambo hi le mbhinganweni wa Kisloti-Tabori, wu longoloka hi tlhelo ga Daberati, zonake wu kanziha le Jaha:

Joxua 19:22

a mbhingano wu famba kala wu chikela le Tabori, ni le Xahazima, ni le Betixemexe; zonake wu famba kala le Jordani: 16 wa miti ni zimitana za yona.

Valamuli 20:18

A va ka Israeli va lo suka va kanziha Beteli ku ya kombela wusungukati ka Nungungulu, vaku: Himani xikari ka hina a ta nga rangela mahlweni a ku yalwa ni va ka Benjamini? Jehova aku: Ku ta rangela Juda.

Valamuli 20:23

Va lo kanziha va ya rila mahlweni ka Jehova kala laha gambyeni, na va wutisa, vaku: Hi engeta hi yalwa ni nakulori Benjamini ke? Jehova aku: Kanzihani mu yalwa naye!

Valamuli 20:27

A va ka Israeli va lo wutisa ka Jehova, (hakuva a arke ga xivumelwano xa Nungungulu gi wa hi kona seyo ka lawo masiku,

Valamuli 4:12

Makunu Sisera i lo tiviswa lezaku Barake nʼwana Abinoame i kanzihile xitsungeni xa Tabora.

Valamuli 4:6

Debora i lo vitanisa Barake nʼwana Abinoame, wa le Kedexi-Naftali, aku kakwe: Ingisa. Jehova Nungungulu wa ka Israeli i leletele lezaku famba uya kanziha xitsungeni xa Tabora zinwe ni 10,000 wa vananuna va ka Naftali ni vanana va ka Zabuloni. Maheb. 11:32

Valamuli 8:18

Anzhako ka lezo i te ngalo ka Zeba na Zalmuna: Mbanhu va kuyini lava mu nga wa va hlasela le Tabora ke? Vona vaku: Va wa kota wena; munwe ni munwani i wa fanana ni nʼwana wa hosi.

1 Samueli 10:4

Va ta ku losa, va ku nyika zibaba zimbiri; u ta zi amukela lomu canjeni gabye.