1 Samueli 1:24 - Tshwa Bible

²⁴ A nzhako na a mu lumulile, i lo mu teka a famba naye, ni tikuzi tinharu, ni efa ya mapa, ni botori ga vinya, a mu heleketa ndlwini ya Jehova le Xilo. Kanilezi a mufana i wa ha hi tsongwani.

1 Samueli 1:24 Mawu Ofanana

Genesisi 21:8

A nwanana i lo kula, i lo lumulwa; Abrahama i lo maha mubuzo wa hombe a siku lego a nga lumulwa Isaka.

1 Tihosi 11:20

A makabye loye wa Tahpenesi i lo mu belekela nisanyana Genubate loyi Tahpenesi a nga mu lumulela ndlwini ya Faro; Genubate i lo wundliwa ka Faro xikari ka vanana va Faro.

Mateu 13:33

I lo kanela munwani mufananiso kabye, aku: A mufumo wa tilo wu fanana ni comelo, lexi a nga xi teka wasati, a xi chela lomo ka zipimo zinharu za mapa, ma kala ma vita wontihe. Lu. 13:20

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 16:16

Wanuna munwe ni munwani i ta ya ti wonekelisa mahlweni ka Jehova Nungungulu wa wena zikhati zinharu hi lembe, laha ka wutshamu lego Jehova a ta nga gi hlawula; lezo hi lezaku mubuzo wa zibaba zi nga hiko na comelo, ni mubuzo wa maviki, ni mubuzo wa mixaxa, kanilezi va nga ti wonekelisi mahlweni ka Jehova na va nga welelangi nchumu;

Joxua 18:1

Ni wontihe tlhangano wa vanana va ka Israeli wu lo tlhangana le Xilo; zonake va lo yimisa a tenda ga mutlhangano, hakuva va wa khozisile tiko. Jer. 7:12