1 Samueli 1:22 - Tshwa Bible

²² Kanilezi Hana a nga yangi, hakuva i te ka nuna wakwe: Mina nzi nga taya kala loku xihlangana xi lumukile, hi kona nzi to mu heleketa nzi ya mu hendleleta mahlweni ka Jehova, kasi a fela ku tshama lomo wontihe masiku.

1 Samueli 1:22 Mawu Ofanana

Tisimu 110:4

Jehova i hlambanyile, cima a nga ta hunzula: Wena u mupristi kala kupinzuka Hi tshamela ga Melkizedeki. Gen. 14:18; Maheb. 5:6, 10; 6:20

Tisimu 23:6

Hizinene, a kusaseka ni wuxinji ku ta nzi lanzisela A masiku wontihe ya kuhanya ka mina; Nzi ta tshama ndlwini ya Jehova kala kupinzuka.

Tisimu 27:4

Xilo xinwe nzi kombelako ka Jehova, nzi ta lava lexo: Hi lezaku nzi tshama ndlwini ya Jehova a masiku wontihe ya kuhanya ka mina, Kasi nza wona a kusaseka ka Jehova, nzi languta tempeli yakwe.

Eksodusi 21:6

zonake a nwinyi wa yona i ta yi neha mahlweni ka Nungungulu, a yi tshineta kusuhani ni livati laha ka mhanze ya laha nyangweni; zonake a nwinyi wa yona a yi bhoxa ndleve hi litlhawo. Zonake yi ta mu tirela wontihe masiku.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Levi 25:23

A masimu ma nga xaviselwi magumo, hakuva a misava nja mina; hakuva nwina mu valuveli ni vaenzi ka mina.

Luka 2:22

Laha ma nga hunzile a masiku ya kubasiswa kabye hi ka nayo wa Mosi, va lo mu yisa Jerusalema, ku ya mu nyiketa ka Hosi, Levi 12:2

Deuteronome 16:16

Wanuna munwe ni munwani i ta ya ti wonekelisa mahlweni ka Jehova Nungungulu wa wena zikhati zinharu hi lembe, laha ka wutshamu lego Jehova a ta nga gi hlawula; lezo hi lezaku mubuzo wa zibaba zi nga hiko na comelo, ni mubuzo wa maviki, ni mubuzo wa mixaxa, kanilezi va nga ti wonekelisi mahlweni ka Jehova na va nga welelangi nchumu;

Joxua 4:7

Zonake mu ta va byela ku ngalo: A mati ya Jordani ma wa lo avanyeka mahlweni ka nghaxa ya xivumelwano xa Jehova; laha yona yi nga tlhatuka Jordani a mati lawa ya Jordani ma lo avanyeka, ni lawa maribye xialakanyiso xikari ka vanana va ka Israeli kala kupinzuka.

1 Samueli 1:11

a hlambanya, aku: Jehova wa tiyimpi, loku u wa cuwuka a hlomulo wa nanza ga wena, u nzi alakanya, u nga rivali a nanza ga wena, u nyika a nanza ga wena a nwanana wa mufana, minawu nzi wa ta mu nyikela ka Jehova wontihe masiku ya kuhanya kakwe, ni likari cima li nga ta henya a hloko yakwe. Mitse. 6:5; Vala. 13:5

1 Samueli 1:28

Hikwalaho minawu nza mu nyikela ka Jehova. Wontihe masiku ya kuhanya kakwe i tava loyi a lumbako Jehova. Zonake va lo khizamela Jehova.

1 Samueli 13:13

Samueli aku ka Saule: U mahile wupumbu; a ku hlayisangi zileletelo za Jehova Nungungulu wa wena, lezi a nga ku leletele zona. Hakuva Jehova ngha a wa yimisile mufumo wa wena hehla ka va ka Israeli kala kupinzuka.

1 Samueli 2:11

Elkana i lo tlhelela kaya kakwe le Rama. A nwanana a sala a vunetela ntirweni wa Jehova mahlweni ka mupristi Eli.

1 Samueli 2:18

Kanilezi Samueli i wa khozela mahlweni ka Jehova na a ha hi nwanana, a ambala a efode ya wukene. Ekso. 28:4, 6

1 Samueli 28:2

Davida i te ngalo ka Akixi: Hakunene u ta zi wona khwatsi lezi zi ta nga mahiwa hi nanza ga wena. Akixi aku ka Davida: Hi zona, mina nzi ta ku yimisa a kuva muhlayisi wa hloko ya mina xontlhe xikhati.

1 Samueli 3:1

Mufana Samueli i lo khozela Jehova mahlweni ka Eli. Kanilezi a mhaka ya Jehova yi wa kala masikwini lawo, ni ziwoniso zi wa nga tali.