1 Pedro 5:5 - Tshwa Bible

⁵ Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

1 Pedro 5:5 Mawu Ofanana

2 Kronekele 6:41

Makunu Jehova Nungungulu, Suka uta laha wutshanwini ga wena ga kuhumula, wena ni arke ga ntamu wa wena! Jehova Nungungulu, ngha vapristi va wena va fenengetiwa hi kuhanyiswa, ni lava va ku ranzako ngha va tsakela a wunene ga wena. Mitse. 10:35; Tis. 132:8

Joba 22:29

Loku u tsongahatiwa, u taku: A nzi vuxiwe! I ta ponisa a munhu loyi a ti koramisako. Lu. 18:14

Joba 29:14

Nzi lo ambala kululama, a ku khwatsi tinguwo, A nongameto wa mina wu wa ku khwatsi i kumba ni xihuku. Isa. 59:17; Efe. 6:14

Tisimu 132:16

Nzi ta ambexa vapristi va gona hi kuhanyisa, Ni vakubasa va gona va ta kanyuluka hi litsako.

Tisimu 132:9

A vapristi va wena a va ambale kululama, Ni vobasa va wena va kanyuluka hi kutsaka.

Tisimu 138:6

Hambu lezi Jehova a tlakukileko, wa khatalela lava va koramileko; Wa tiva a vamatshanza na va hi kule. Lu. 1:48, 52; 14:11

Mavingu 25:7

Hakuva zi sasekile ka wena loku vaku: Tshinela leno, ku hunza ku tsongahatiwa mahlweni ka hosi eyi u yi wonako hi mahlo. Lu. 14:8

Mavingu 3:34

Hizinene wa tseketsela vatseketseli, anilezi wa nyika tipswalo ka lava va ti koramisako. Isa. 66:2; 1 Ped. 5:5; Jak. 4:10

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 61:10

Nzi ta tsaka nguvu ka Jehova, A muhefemulo wa mina wu ta tsakela Nungungulu wa mina, Hakuva i nzi ambexile a nguwo ya kuhanyisa, A nzi fenengeta hi nguwo ya kululama Khwatsi hi muyeni a ti bombisako hi xidlodlo, Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Ezekieli 26:16

Zonake a tihosana tontlhe ta bimbi ti ta chika hi le xitshanwini za tona za wuhosi. Ti veka tinguwo ta tona tlhelweni, Ti runzuwula a tinguwo ta tona ta mavalavala; Ti ta ambala kuchava, Ti tshama lahasi hi kururumela xikhati xontlhe, Ti rewukiswa hi wena.

Danieli 11:12

A xidlemo xi ta hlaselwa ku dawa mazana ya mazana; a mbilu ya hosi yi ta ti kukumukisa, kanilezi yena a nga ta hlula.

Levi 19:32

U ta suka u yima mahlweni ka lava va basileko wuvu, u nyika xichawo ka munhu wa hombe, u chava Nungungulu wa wena. Hi mina Jehova.

Luka 22:26

Kanilezi nwina mu nga tava nghaho; kanilezi loyi wa hombe xikari ka nwina, a mahe kota loye tsongwani; ni loyi wa kuranga, a mahe kota loyi a nga xitiri. Mat. 20:26; 1 Ped. 5:3; Xip. 9:48

Va le Roma 12:10

Ranzanani hi liranzo la wumakabye; loyi ni loyi a dzunza munwani ku hunza wutsumbu.

Va le Roma 13:14

Kanilezi ambalani a Hosi Jesu Kristu, mu nga alakanyeli a nyama, a kuva mu lanza a kunavela ka yona. Gal. 3:27; 5:16

Va le Efesusi 5:21

Ti koramiseni munwe ka munwani hi ku mu chava Kristu. Fil. 2:3

Va le Filipi 2:3

mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

1 Timote 5:1

U nga honokeli munhu wa kale, kanilezi mu khongotele khwatsi i dadani; a majaha ma khongotele khwatsi mbanakuloni; Levi 19:32

Maheberu 13:17

Ingisani a varangeli va nwina, mu ti koramisa ka vona; hakuva va rinzela a mihefemulo ya nwina, hakuva va ta ti hlamulela ha yona. Va ingiseni lezaku va fela ku tira hi kutsaka, na ku nga hi kuketa; hakuva lezi zi nga ta mu vuna nchumu. Ekso. 3:17; 1 Tim. 5:17

Jakobe 4:6

Kanilezi yena wa hi engetela tipswalo, hikwalaho a mutsalo wu ngalo: Nungungulu wa ala a vamatshanza, kanilezi a nyika tipswalo ka lava va ti koramisako. Mav. 3:34; 1 Ped. 5:5

1 Pedro 3:8

Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Rom. 12:10; Fil. 3:16; Kol. 3:12

1 Pedro 4:1

Kota lezi Kristu a nga xaniseka nyameni, hlomaniwo kualakanya kwaloko; hakuva loyi a xanisekileko nyameni i tsawukene ni kuonha; Gal. 5:24

1 Pedro 4:5

Kanilezi va ta ti hlamulela mahlweni ka loyi a longileko a ku lamula lava va hanyako ni vafileko. Miti. 17:31