1 Pedro 5:3 - Tshwa Bible

³ na ku nga hi ku khwatsi mu tihosi hehla ka zipanze lezi mu avelweko zona, kanilezi mu maha zikombiso ka ntlhambi. Mat. 20:25; Fil. 3:17

1 Pedro 5:3 Mawu Ofanana

Tisimu 33:12

Gi katekile a tikolegi Jehova a nga Nungungulu wa gona, Ni vanhu lava a va hlawulileko a kuva tshomba yakwe.

Tisimu 74:2

Alakanya a hlengeletano leyi u nga yi kuma kale, Leyi u nga yi tirula lezaku yiva a lixaka la tshomba ya wena; Alakanya a xitsunga xa Zioni, lexi u tshamileko ka xona.

Ezekieli 34:4

Leti to rereka a mu ti tiyisetangi, ge hambu a ku chuma leyi yi nga babya, kutani ku bohelela leyi yi tshobyilweko, ni ku wuyisa leyi yi nga wa pengisilwe, hambu ku lava leyi yi nga wa lahlekile; kanilezi mu lo ti fumela hi kutsimbeketa ni tihanyi.

Mika 7:14

Hisa a vanhu va wena hi nhonga ya wena, va nga tiyivu ta tshomba ya wena ti tshamileko toce khwatini ga le Karmeli. A ti gele Baxani ni Gileade khwatsi hi masikwini ya kale. Mitse. 23:9; Deut. 33:28

Mitsengo 18:7

Kanilezi wena ni vana va wena, mu ta tira a ntiro wa wupristi ga nwina ka zontlhe za alati, ni ka lezi zi nga lomu nzeni ka xisirelo; mu tira a ntiro wa nwina lomo. A wupristi i ntiro wu nga xinyikiwo xa nwina ntsena, kanilezi a mupfhumba loyi a tshinelako lomo i ta dawa.

Johani 13:15

Hakuva nzi mu nyikile xikombiso, kasi na nwinawu ma fela ku maha kota lezi nzi mahileko ka nwina. Fil. 2:5; 1 Ped. 2:21; 1 Joh. 2:6

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

1 Va le Korinte 11:11

Ahembalokoke, le Hosini a nga kona wasati hi lehandle ka wanuna, ni wanuna a nga kona hi lehandle ka wasati. Gal. 3:28

1 Va le Korinte 3:5

Hakuva himani Apolose? Na yena Paule himani? Malanza ntsena lawa mu kholilweko ha wona, khwatsi hi lezi munwe ni munwani a nyikilweko hi Hosi. Rom. 12:3

1 Va le Korinte 3:9

Hakuva hina hi zitiri-kulobye ni Nungungulu; nwina mu simu ga Nungungulu, mu wuako ga Nungungulu. Miti. 15:4; Efe. 2:20; Kol. 2:7

2 Va le Korinte 1:24

Na ku nga hi lezaku nzi ranza ku fumela a kukholwa ka nwina; kanilezi nza lava ku mu vuna a kuva mu tsaka, hakuva mu yimile khwatsi kukholweni. Rom. 11:20; 1 Kor. 15:1

2 Va le Korinte 4:5

Hakuva a hi ti kaneleli a wutsumbu ga hina, kanilezi hi kanela lezaku Kristu Jesu i Hosi, na hina hi malanza ya nwina hi kota ya Jesu. 1 Kor. 9:19

Deuteronome 32:9

Hakuva xiavelo xa Jehova hi vanhu vakwe; Jakobe xiavelo xa tshomba yakwe. Ekso. 19:5; 1 Ped. 2:9

Va le Filipi 3:17

Vamakabye, nzi ecanyiseni, mu cuwukisa lava va lanzako a xiwonelo lexi mu wonako ka hina. 1 Ped. 5:3

Va le Filipi 4:9

Zontlhe lezi mu nga zi gonza, ni ku amukela, mu zizwa ni ku wona ka mina, zi maheni; zonake a Nungungulu wa kurula i tava na nwina.

1 Va le Tesalonika 1:7

laha kakuva mu maha xiwonelo ka vontlhe lava va kholwako le Makedonia ni le Akaia.

2 Va le Tesalonika 3:9

Na ku nga hi lezaku hi wo vumala ntamu wa ku zi maha, kanilezi hi lo maha lezo lezaku hiva xiwonelo ka nwina, kasi ma fela ku hi pimanyisa. 1 Kor. 9:6; 1 Tes. 2:6

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

Titusi 2:7

Uva xiwonelo xa mitiro yontlhe yo saseka; a kugonziseni ka wena u kombisa a kubasa ni kudzunzeka, Efe. 6:24; 1 Ped. 3:1, 5; 5:3

1 Pedro 2:9

Kanilezi nwina mu lixaka li hlawulilweko, a vapristi va wuhosi, a tiko gi basileko, a vanhu va lumbako Nungungulu, kasi mu fela a kuba hungu hi mitiro yi rewukisako ya yena loyi a nga mu vitana mu huma munyameni, muta kuwonekeleni kakwe ku hlamalisako; Deut. 10:15; Joh. 17:19; Miti. 26:18