1 Pedro 5:10 - Tshwa Bible

¹⁰ A Nungungulu wa tipswalo tontlhe, loyi a nga mu vitanela a kungangameleni kakwe ka pinzukelwa ka Kristu, i ta mu mbhelelisa a mu tiyisa, ni ku mu nyika ntamu, anzhako ka kuva mu xanisekile a xikhatanyana. 1 Kor. 1:9; 2 Kor. 4:17; Maheb. 13:21

1 Pedro 5:10 Mawu Ofanana

Tisimu 119:28

A muhefemulo wa mina wa rila hi hlomulo, Nzi tiyise kukotisa a mhaka ya wena.

Tisimu 138:7

Hambu nzi famba xikari ka zikarato, wena wa nzi hanyisa; U nawuluta canja ga wena u nzi vikela ka zanga ya valala va mina, A canja ga wena ga xinene ga nzi ponisa.

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Zakaria 10:12

Nzi ta va tiyiseta a ka Jehova, va ta fambafamba vitweni gakwe, ku wula Jehova.

Zakaria 10:6

Nzi ta tiyiseta a yindlu ya ka Juda, nzi ponisa a yindlu ya ka Josefa, nzi ta va tlhelisa hakuva nzi va hawukela; va ta ku khwatsi nzi wa nga va hoxangi. Hakuva hi mina Jehova a Nungungulu wabye, nzi ta va ingisa.

Luka 22:32

kanilezi mina nzi ku kombelele, lezaku a kukholwa ka wena ku nga hluleki. Wena loku u hunzulukile, tiyisa a vanakuloni. Tis. 51:13; Joh. 17:9; 21:15-17

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

Va le Roma 15:5

Makunu ngha Nungungulu wa kutiya ni kuchavelela a mu nyika a kuva ni mbilu yinwe ka Kristu Jesu, 1 Kor. 1:10

Va le Roma 16:25

A ka yena loyi a zi kotako a ku mu tiyisa ka ivangeli leyi nzi yi kanelako, ni kugonziseni ka Jesu Kristu, ni kuvululwa ka fihlakalo lowu wu nga thumbetilwe xikhatini xa kaleloko, Xip. 2:16; 1 Kor. 2:7; Efe. 3:3, 5; Kol. 1:27

Va le Roma 9:11

hakuva a vanana na va nga se ku belekiwa, hambu ni ku maha zo saseka kutani za kubiha, lezaku a khungo ga Nungungulu hi tlhelo ga kuhlawula gi fela ku simama, hi kota ya yena loyi a vitanako, na ku nga hi kota ya mitiro, Efe. 1:4

Va le Roma 9:24

Nzi wula hina lava a nga hi vitana, na ku nga hi ka vaJuda voce, kanilezi ni ka vamatiko kambe.

1 Va le Korinte 1:10

Makunu nza mu khongotela, vamakabye, hi vito ga Hosi ya hina Jesu Kristu, lezaku mu wulawula xilo xinwe, kasi ku ngavi kona kuhambana xikari ka nwina, kanilezi mu zwanana hi kualakanya ni kupima.

1 Va le Korinte 1:9

Nungungulu i tsumbekile, loyi a mu vitanileko a ku ta hlengela ni Nʼwana wakwe Jesu Kristu a Hosi ya hina. Isa. 49:7; Joh. 15:4; Maheb. 10:23; 1 Joh. 4:13

2 Va le Korinte 13:11

Hi kugumesa vamakabye, tsakani mu mbheleliswa, ni ku tangalisana. Ngha mu hi ni kupima kunwe, mu tshama hi kurula; Nungungulu wa liranzo ni wa kurula i tava na nwina. Rom. 12:16; 1 Kor. 1:10; 1 Ped. 3:8

2 Va le Korinte 4:17

Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Va le Kolosi 2:7

mu zima mitsu ka yena, ni ku akiwa ka yena, mu tiyiswa kukholweni, kota lezi mu nga gonziswa, mu tala hi ku bonga Nungungulu.

1 Va le Tesalonika 2:12

Kasi ma famba hi kufaneleko Nungungulu, loyi a mu vitaneleko mufunweni wakwe ni kungangameleni kakwe. Kol. 1:10; 1 Ped. 1:15

2 Va le Tesalonika 2:14

Hizalezo a mu vitaneleko zona hi ivangeli ya hina, kasi ma hlengela a kungangamela ka Hosi ya hina Jesu Kristu.

2 Va le Tesalonika 2:17

a tangalise timbilu ta nwina, a mu tiyisa mitirweni yontlhe yo saseka ni kuwulawula ku lulamileko.

2 Va le Tesalonika 3:3

Kanilezi a Hosi yi tsumbekile, yi ta mu tiyisa, yi mu hlayisa ka loyi wa kubiha. Joh. 17:15

1 Timote 6:12

Lwana a kulwa ko saseka ka kukholwa, u khomisisa a wutomi ga pinzukelwa, legi u vitanelweko gona, laha u nga vumela a kuvumela ko saseka mahlweni ka vakustumunyu vanyingi. Fil. 3:12; 2 Tim. 4:7; Maheb. 13:23

2 Timote 1:9

loyi a nga hi hanyisa, ni ku hi vitana hi kuvitanwa ko basa, na ku nga hi kota ya mitiro ya hina, kanilezi hi kuxuva kakwe, ni tipswalo leti hi nyikilweko tona ka Kristu Jesu hi kaleloko ka matiko, Rom. 8:28; Efe. 1:4; 1 Tes. 4:7; Tit. 3:5

2 Timote 2:10

Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8

Maheberu 9:15

Hi kota ya lezo yena mutlhanganyisi wa vanhu ni Nungungulu xivumelwaneni xiswa, kasi vona lava va vitanilweko va fela ku kuma a tshomba ya pinzukelwa leyi va tsumbisilweko yona, kota lezi ku humeleko a kufa loku ku va tirulako ka zihambuko lezi zi nga mahiwa lahasi ka xivumelwano xo ranga. Rom. 3:25; 1 Tim. 2:5

1 Pedro 1:15

Kanilezi kota lezi a basileko loyi a nga mu vitana, ngha nwinawu mu basa matshamelweni wontihe ya kuhanya ka nwina; 2 Kor. 7:1

1 Pedro 4:10

Ngha munwe ni munwani a amukeleko a xinyikiwo xo kari, a tirela vanwani ha xona, kota tinekwa ti nene ta tipswalo ti tsalangeneko ta Nungungulu. Mat. 24:45; 1 Kor. 4:7

1 Pedro 4:11

Loku munhu a kanela, i fanele ku kanela khwatsi hi loyi a humesako timhaka ta Nungungulu; loku munhu a tira bandleni, a tire hi kuringana ni ntamu lowu Nungungulu a mu nyikako wona; lezaku Nungungulu a fela ku dufhiswa ka zontlhe ha Jesu Kristu, loyi a nga ni wudzunzo ni kufuma kala kupinzuka ni kupinzuka. Amen. Jer. 23:22; 1 Kor. 3:10; Efe. 5:20

2 Pedro 1:3

A ntamu wakwe wa wuNungungulu wu hi nyikile zontlhe zi nga za wutomi ni za xichawo xa wuNungungulu, hi ku mu tiva loyi a hi vitanileko hi kungangamela ni ntamu wakwe. Joh. 17:3; 2 Tim. 1:9; 1 Ped. 2:9

1 Johani 2:25

A xitsumbiso lexi a nga hi tsumbisa xona hi lexi, a wutomi ga pinzukelwa. Joh. 17:3

Juda 1:24

Makunu loyi a nga ni ntamu wo mu hlayisa kasi mu nga khunguvanyeki, a mu yimisa na mu nga hi na nanzu mahlweni ka kungangamela kakwe na mu kari mu tsaka, Efe. 3:20; Kol. 1:22