1 Pedro 4:7 - Tshwa Bible

⁷ Kanilezi a kugumelwa ka zontlhe ku tshinele; hikwalaho ngha mu hi ni kupima ku nene, mu ti khoma lezaku mu zi kota ku khongela. Mat. 26:41; Rom. 13:12

1 Pedro 4:7 Mawu Ofanana

Genesisi 19:35

Va lo mu nwisa vinya raru wabye wusiku lego; i lo sukawu loyi wa nzisana a ya etlela naye; i wa nga tivangi nchumu laha a nga etlela ni laha a nga vuka.

Genesisi 6:13

Jehova aku ngalo ka Noa: Nzi ta lovisa a nyama yontlhe, hakuva a misava yi tele hi tihanyi ta vanhu, languta, nzi ta va lovisa zinwe ni misava.

Mutshawuteli 7:2

I chukwana kuya ndlwini ya xirilo ku hunza a kuya ndlwini ya mubuzo; hakuva lawo hi wona magumo ya vontlhe vanhu; ni munhu loyi a hanyako i fanele ku ehleketa ha kona.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Ezekieli 7:6

A kugumelwa ku chikele, a kugumelwa ku chikele; ku tela wena, languta, ka hata.

Mateu 24:42

Hikwalaho rinzelani, hakuva a mu gi tivi a siku legi yi ta ngata ha gona a Hosi ya nwina. Mar. 13:33; Lu. 21:36

Mateu 25:13

Hikwalaho rinzelani, hakuva a mu gi tivi siku ni xikhati. Lu. 21:36; 1 Tes. 5:6; Kuv. 16:15

Luka 21:34

Kanilezi ti woneleni, kasi a timbilu ta nwina ti nga binziwi hi limito ni kuphophiwa, ni kukaratekela ka loku kuhanya, a siku lego gi nga dzuka gi mu chikelela hi xitshuketi kota wugungu. Rom. 13:13; 1 Tes. 5:6; 1 Ped. 4:7

Luka 21:36

Rinzelani zikhati zontlhe, na mu kombela lezaku muva ni ntamu ku pona zontlhe lezi zi ta nga maheka, ni ku yima mahlweni ka Nʼwana wa munhu. Mat. 24:42; Xip. 18:1; Tis. 1:5

Luka 22:46

aku ngalo kabye: Hiyini mu etlelako ke? Vukani mu khongela, kasi mu nga engheni kuringweni.

Va le Roma 12:12

Tsakani kutsumbeni ka nwina, mu timisela kukaratekeni, mu simamisa mu tiyile kukhongeleni. Maheb. 3:6; 10:36

1 Va le Korinte 15:24

Zonake ku chikela magumo, laha a ta nga tlhelisela a mufumo ka Nungungulu Dadani; anzhako ka kuva na a hetisile a kufuma kontlhe, ni wuhosi gontlhe ni mintamu. Dan. 7:14; Joh. 17:2; Efe. 5:27

1 Va le Korinte 7:29

Kanilezi nza mu byela vamakabye a xikhati xi komile, kusukela lezi ngha lava va nga ni vasati va hanyisa ku khwatsi a va navo; 1 Ped. 4:7

Va le Efesusi 6:18

Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4

Va le Filipi 4:5

Ngha na wunene ga nwina gi tibyiwa hi vanhu vontlhe. A Hosi yi le kusuhi. Maheb. 10:25; Jak. 5:8, 9; 1 Ped. 4:7; 2 Ped. 3:8

Va le Kolosi 4:2

Pangamelani kukhongeleni, mu simamisa ka kona hi kubonga. Lu. 18:1; Rom. 12:12; Efe. 6:18

2 Timote 4:5

Kanilezi wena ti tsitsirite timhakeni tontlhe, u timisela zikaratweni, u tira a ntiro wa muvangeli, u hetisa a ntiro wa wena. Miti. 21:6

Titusi 2:12

ti hi gonzisa ku tsika lezi zi nga lulamangiko ni kunavela ka misava, hi hanya ka nguva leyi hi kutikhoma ni kululama hi chava Nungungulu; Lu. 1:75

Maheberu 10:25

na hi nga tsiki a tinkhozo ta hina khwatsi hi mukhuwo wa vanwani, kanilezi hi khongotelana; nguvunguvu kota lezi mu wonako lezaku a Siku gi tshinela kusuhani. Miti. 2:42; Rom. 13:11; Juda 19

Maheberu 9:26

Loku zi wa hi lezo ngha a yimelwe hi ku xaniseka kambe ni kambe kusukela kuvangiweni ka misava; kanilezi makunu i wonekile kanwe kugumeseni ka tintanga, kasi ku fuvisa kuonha hi ku maha muphahlelo hi wutsumbu gakwe. Gal. 4:4; 1 Ped. 3:18

1 Pedro 1:13

Hikwalaho ti boheni a ziwunu za kupima ka nwina, mu ti khoma, muva ni kutsumba ku mbheleleko a tipswalweni leti mu ta nga hiwa tona kuwonekelisweni ka Jesu Kristu. Lu. 17:30; Efe. 6:14

1 Pedro 3:7

Hizalezo na nwina vanuna, tshamani ni vasati va nwina hi ku chela kota, na mu tiva lezaku a wasati xibya xa wukheta, mu va dzunza kota lezi va nga zigatshomba-kuloni ya tipswalo ta wutomi, kasi a mikhongelo ya nwina yi nga tsanzekiswi. Mat. 5:23

1 Pedro 5:8

Ti khomeni, mu rinzela; hakuva a nala wa nwina Satani wa fambafamba kota nghala leyi yi dzumako, a hlota loyi a ta nga mu khadamula. Joba 1:7; Lu. 21:34

Kuvululelwa 16:15

(Languta, nzata khwatsi hi khamba; i katekile loyi a rinzelako a hlayisa tinguwo takwe, lezaku a nga fambi a hi ximbyiri, va wona tingana takwe.) Mat. 24:43; 2 Kor. 5:3; Xip. 3:4, 18