1 Pedro 4:3 - Tshwa Bible

³ Hakuva xi enele a xikhati lexi mu nga maha a kuranza ka vamatiko, laha mu nga famba wubhayini, ni le kunaveleni, ni le kupopiweni, ni le maguweni, ni le mabyaleni, ni le manyaleni ya ku khozela zifananiso. Efe. 2:2

1 Pedro 4:3 Mawu Ofanana

2 Samueli 13:28

Absalome i lo leletela malanza yakwe, aku: Xiyisisani khwatsi, a xikhati lexi a mbilu ya Amnoni yi tangeleko hi vinya, ni loku nziku ka nwina: Dayani Amnoni! Dayani futsi. Mu nga mu chavi! Ma zizwa lezo ke? Tiyani, muva vavanuna va tinhenha!

1 Tihosi 21:26

Yena i mahile zo biha ku hunzeleta ku lanzeleni ka zifananiso za vanungungulu, ni ku maha zontlhe lezi zi nga wa mahiwa hi vaAmori, lava Jehova a nga wa va hlongolile mahlweni ka vanana va ka Israeli.

2 Kronekele 15:8

Laha Asa a ngazwa a timhaka leti ti nga hlawutelwa hi muprofeti Odedi, i lo tiya hlana, a susa wontihe manyalataniso ya tiko gontlhe ga ka Juda ni ga ka Benjamini, ni lomu mitini leyi a nga wa yi tekile le xitsungeni xa ka Efraime; i lo sasisa a alati ga Jehova legi gi nga hi mahlweni ka nyangwa ya ka Jehova.

Isaya 28:7

Kanilezi laha kambe a vanhu va dedereka hi kota ya vinya, Va khunguvanyeka hi byala; A vapristi ni vaprofeti va dedereka hi byala, Va popilwe hi vinya, va dedereka hi byala; Va khuvatana loku va profeta ni ku maha wuwoyiwoyi kulamuleni.

Isaya 5:11

Khombo ka vona lavo va vinzukako ni mixo, va tsutsumela byala, Ni lava va hungatekako laha wusikwini, va hiswa hi vinya,

Isaya 65:4

Va tshama lomu zilahleni, Va heta wusiku lomu timhakweni; Vaga a nyama ya khumba, Ni mingelo yabye yi tele hi za kuga zo nyenyeza;

Jeremia 16:11

Zonake u taku kabye: A vararu va nwina va nzi tsikile, ku wula Jehova, va lanzela a vanwani vanungungulu, va va tirela ni ku va khozela; va nzi tsikile, a va gongangi a nayo wa mina.

Jeremia 16:18

Hi kuranga nzi ta va tlhelisela kambiri a kugoha kabye ni zionho zabye; hakuva va nyenyezisile a tiko ga mina hi zirumbi za manyala yabye, na va tatisile a tshomba ya mina hi manyalataniso yabye.

Ezekieli 44:6

U ta wula ka vahluwukwa, va nga va yindlu ya ka Israeli lezaku Hosi Jehova i ngalo: Nwina yindlu ya ka Israeli, mu nga ha engeti a manyalataniso wontihe ya nwina, Ekso. 18:3, 7

Ezekieli 45:9

Hosi Jehova i ngalo; Nwina tihosana ta ka Israeli, zi ringene! Tsikani tihanyi ni kuphanga, mu maha nongameto ni kululama, mu nga ha hlongoli vanhu va mina tindlwini tabye, ku wula Hosi Jehova. Levi 19:35

Marku 7:22

a kunavela, ni kubiha, ni kukhohlisa, ni wutsele, ni tihlo go biha, ni kurukatela, ni kutikukumukisa, ni wupumbu;

Mitiro 17:30

Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

Va le Roma 13:13

A hi fambeni hi fanelo, khwatsi hi laha hlikanhini; na ku nga hi wudakwa ni kupopiwa, ni wuoswi, ni manyala, ni kuholovisana, ni wukhuxu. Fil. 4:8; Jak. 3:14

1 Va le Korinte 12:2

Nwina ma zi tiva lezaku laha na ma ha hi vamatiko mu wa kokelwa zifananisweni lezi za timbeveve, hi laha mu nga kokwa ha kona. Efe. 2:11

1 Va le Korinte 6:11

A vanwani va nwina va wa hi vakunghaho; kanilezi mu lo hlaziwa, mu basiswa, mu hlayelwa kululama a vitweni ga Hosi Jesu Kristu, ni le Moyeni wa Nungungulu wa hina. Maheb. 10:22

2 Va le Korinte 12:21

Ku nga taku loku nzi chikele ka nwina, a Nungungulu wa mina i ta nzi bohlisa mahlweni ka nwina, zonake nzi rilela vanyingi lava va onhileko kale, va nga hunzulukangiko a kunyenyezeni ni wubhayini ni wurembini legi va gi mahileko. 1 Kor. 5:1; Xip. 2:1, 4; Fil. 3:18

Va le Galatia 5:19

Makunu a mitiro ya nyama yi la su dlunya, yi nga leyi: a kubhaya, a kungahlazeki, a wurembi, 1 Kor. 3:3; Efe. 5:3; Jak. 3:14

Va le Galatia 5:21

a timbilu, a kupopiwa, a wudakwa, ni zilo za kunghahi; nza mu luleka ha zona kota lezi nzi nga mu luleka kuranga, lezaku lava va mahako a zakunghaho va nga taga a tshomba ya mufumo wa Nungungulu. Kuv. 22:15

Va le Efesusi 5:18

Mu nga popiwi hi vinya, legi gi vangako wudakwa, kanilezi tatani hi Moya,

1 Va le Tesalonika 4:5

na ku nga hi wuxokori ga kunavela, khwatsi hi vamatiko lava va nga tiviko Nungungulu; Efe. 2:12

Titusi 3:3

Hakuva kale na hinawu hi wa hi zipumbu, hi nga ingisi, na hi pengile, hi hi tikhumbi ta kunavela ko biha ni kutitsakisa kunyingi; hi lo hanya hi matshoho ni makangwa, hi nyenyiwa, hi vengana.

1 Pedro 1:14

Ngha mu maha vanana va kuingisa; lezaku mu nga lanzeli a kunavela ka nwina ka kale, laha mu nga kala mu nga se tiva nchumu.

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22