1 Pedro 3:4 - Tshwa Bible

⁴ kanilezi ngha mu bombisa a munhu loyi a fihlilweko wa mbilu, hi tinguwo leti ti nga boliko ta moya wa kurula ni kuolova, lowu wu nga ni tsengo wa hombe mahlweni ka Nungungulu. Tis. 45:13; Rom. 2:29; 7:22

1 Pedro 3:4 Mawu Ofanana

Tisimu 131:2

Futsi nzi rulisile muhefemulo wa mina, nzi wu miyeta; Khwatsi hi nwanana a lumulilweko ka mamani wakwe, A muhefemulo wa mina wu fanana ni nwanana a lumulilweko.

Tisimu 147:6

Jehova wa lonzowota lava va koramileko, A vakubiha va hoxiwa lahasi. Lu. 1:52

Tisimu 149:4

Hakuva Jehova i xalele hi vanhu vakwe, I bombisa a vakurula hi kuhanyisa kakwe.

Tisimu 25:9

Wa rangela kululameni lava va koramileko, A va gonzisa ndlela yakwe.

Tisimu 45:13

A nhwana wa hosi wa ngangamela hi wukosi lomu ndlwini, A tinguwo takwe ti lukilwe hi nzalama.

Tisimu 51:6

Wena wa ranza zinene lomu mbilwini; Nzi gonzise a kutlhariha lomu nzeni ka mina.

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Jeremia 51:59

A mhaka leyi muprofeti Jeremia a nga yi leletela ka Seraia a nʼwana Neria wa Maaseya, a xikhati lexi a nga famba na Zedekia a hosi ya ka Juda le Babuloni, hi lembe ga wumune ga kufuma kakwe. Seraia i wa hi nduna ya varinzeli va wugovelo.

Mateu 11:29

Rwalani a pingu wa mina, mu gonza ka mina; hakuva nzi rulile, nzi hi ni mbilu yi koramileko; mu ta kuma kuhumula mihefemulweni ya nwina. Joh. 13:15; Fil. 2:5; 1 Ped. 2:21

Mateu 21:5

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Mateu 23:26

Xikhumu-nzi-wena muFarisi! kuranga hlaza lomu nzeni ka gombe ni ngelo, kasi lahandle ka zona ku fela ku basawu.

Mateu 5:5

Va katekile lava va kurula, hakuva va taga tshomba ya misava. Tis. 37:11; Rom. 4:13

Luka 11:40

Zipumbu nzi nwina, loyi a nga maha za lahandle, a nga mahangi za lomo nzeni ke?

Luka 16:15

Yena aku ngalo kabye: Hi nwina mu ti mahako lava va lulamileko a mahlweni ka vanhu; kanilezi Nungungulu wa tiva a timbilu ta nwina; hakuva lezi zi tlakukileko xikari ka vanhu, zinyenyeko mahlweni ka Nungungulu. 1 Sam. 16:7; Tis. 7:9; Xip. 10:29

Va le Roma 1:23

Va lo hunzulusa a wukosi ga Nungungulu loyi a nga fiko, gi fanana ni xifananiso xa munhu a fako, ni xa zinyanyani, ni zihari za mune wa milenge, ni zikokakoka. Levi 18:22; Tis. 81:12; Miti. 7:42; 1 Kor. 6:18

Va le Roma 2:29

Kanilezi a muJuda wa zinene, hi loyi a nga yena lomu mbilwini; a wutshiva hi legi gi nga ga mbilu, legi gi mahiwako moyeni, na ku nga hi kota ya kutsala; yena a nga khesiwi hi vanhu, kanilezi hi Nungungulu. 2 Kor. 3:6; Kol. 2:11; Joh. 1:47; Xip. 7:6; Fil. 3:3; 1 Ped. 3:4

Va le Roma 6:6

na hi tiva lezaku a munhu wa hina wa kale i belelwe zinwe naye, kasi a miri wa kuonha wu fela ku hetiswa, lezaku hi nga havi tikhumbi ta kuonha, Gal. 2:20; Kol. 2:11

Va le Roma 7:22

Hakuva nza tsakela a nayo wa Nungungulu hi munhu loyi a nga xikari ka mina. Tis. 1:2; 2 Kor. 4:16

2 Va le Korinte 10:1

Mina Paule wutsumbu nza mu khongotela hi wunene ni kurula ka Kristu, mina loyi nzi ti koramisako loku nzi hi xikari ka nwina, kanilezi loku nzi hi hava nzi maha wurena ka nwina. Rom. 12:1

2 Va le Korinte 4:16

Hikwalaho a hi rereki; hambu loku a munhu wa hina wa lahandle a hlakala, a munhu wa hina wa lomu nzeni i mahiwa muswa masiku ni masiku.

Va le Galatia 5:23

ni kuolova, hi kutikhoma; a wu kona nayo wu alako a zakunghahi.

Va le Efesusi 4:2

muva ni kutikoramisa kontlhe, ni lihlaza-mbilu, mu timiselana hi liranzo, Gal. 5:22

Va le Kolosi 3:12

Hikwalaho, kota lezi mu nga vahlawulilweko va Nungungulu, mu basile ni ku ranzeka, ambalani a mbilu yo zwela wusiwana, ni wunene, ni kutikoramisa, ni kurula, ni lihlaza-mbilu. Gal. 5:22; Fil. 2:1; 1 Ped. 1:2

Va le Kolosi 3:3

Hakuva mu file, ni kuhanya ka nwina ku fihlilwe zinwe na Kristu ka Nungungulu. 2 Kor. 5:7; Gal. 2:20

1 Va le Tesalonika 4:11

ni lezaku mu pinyamela ku hanya hi kurula, mu tira mitiro ya nwina, ni ku tira hi mandla ya nwina, kota lezi hi nga mu laya,

2 Va le Tesalonika 3:12

Makunu a va kunghaho ha va laya, hi va khongotela hi Hosi Jesu Kristu, lezaku va tira hi kurula, vaga kuga kabye. Rom. 12:11

1 Timote 2:2

zi mahelwa tihosi ni vafumeli vontlhe, lezaku hi hanya khwatsi ni ku tshameka hi xichawo xa Nungungulu ni fanelo. Ezra 6:10; Rom. 13:1

2 Timote 2:25

I fanele ku luleka hi kurula lava va kanetako, na a tsumba lezaku Nungungulu i ta va nyika kuhunzuluka va kala va tiva zinene,

Titusi 3:2

va nga lumbeti munhu, va nga holovi, va hi va nene, va kombisa kuolova ka vanhu vontlhe. Ekso. 20:16; Efe. 4:31

Jakobe 1:21

Hikwalaho hoxani a zivi zontlhe ni kubiha kontlhe, mu amukela hi kutikoramisa a mhaka leyi yi byalilweke ka nwina, leyi yi zi kotako ku hanyisa a mihefemulo ya nwina. Rom. 1:16; Kol. 3:8; 1 Ped. 1:9

1 Pedro 1:23

Nwina mu belekilwe luswa hi mbewu yi nga boliko, na ku nga hi leyi yi bolako; mu belekilwe hi mhaka ya Nungungulu, leyi yi hanyako yiku tsoma. Joh. 8:5

1 Pedro 3:15

Dzunzani Kristu kota Hosi timbilwini ta nwina; na mu longile ku hlamula hi kurula ni xichawo ni wihi munhu loyi a mu wutisako hi xigelo xa kutsumba ka nwina, Kol. 4:6

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34