1 Pedro 2:6 - Tshwa Bible

⁶ Hakuva a mutsalo wu ngalo: Langutani, nza veka le Zioni a ribye ga magumo, legi gi hlawulilweko, gi dzunzekako; Loyi a kholwako ka gona a nga ta wiswa tingana, Isa. 28:16

1 Pedro 2:6 Mawu Ofanana

Genesisi 49:24

Kanilezi a wura gakwe gi tshamile gi tiyile; Mawoko ni mandla yakwe zi tiyisilwe Hi mandla ya Nyamintamu wa Jakobe, Loyi a nga Murisi tlhelo Ribye ga Israeli.

Tisimu 40:14

Ngha va chelwa tingana ni ku kanganyiseka Vontlhe lava va hlotako wutomi ga mina kasi ku gi lovisa; A va tlheliselwa nzhako vaku koyo tingana Lava va tsakako hi kulamatwa ka mina.

Tisimu 89:19

A kale u wulawulile hi muwoniso ka vakubasa va wena, Uku: Nzi vekile kuvuna mandleni ya nhenha, Nzi kulisile a jaha gi hlawulilweko xikari ka vanhu. 2 Sam. 7:4; 1 Kro. 17:4

Isaya 28:16

Hikwalaho Hosi Jehova i ngalo: Langutani, nza veka a ribye giva xiseketelo le Zioni, A ribye gi ringilweko, a ribye ga magumo, ga lisima, a xiseketelo xi tiyileko; Loyi a gi tsumbako a nga ta tsutsuma. Tis. 118:22; Mat. 21:42; Rom. 9:33

Isaya 41:11

Languta, vontlhe lava va ku zangareleko va tawa tingana, va hakaseka; Lava va holovako na wena va nga ta kuva nchumu, va ta lobyiswa.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 50:7

Hakuva Hosi Jehova i ta nzi vunetela, Hikwalaho nzi wa nga wiswangi tingana; Nzi lo maha nghohe ya mina yi fanana ni ribye, Nza zi tiva lezaku nzi nga tawa tingana.

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Danieli 10:21

Kanilezi nzi ta ku byela lezi zi tsalilweko bhukwini ga zinene. A nga kona a nzi vunako kulwa ni lavaya, ahandle ka Mikaeli a hosana ya nwina.

Zakaria 10:4

Hi ka yena ku ta huma a ribye ga magumo, ku ta huma hi ka yena a phanze, hi ka yena ku ta huma a wura ga yimpi, hi ka yena ku ta huma a vafumeli vontlhe khatiginwe.

Mateu 12:18

Hi gona a nanza ga mina legi nzi gi hlawulileko; Xiranzwa xa mina lexi muhefemulo wa mina wu xaleleko khwatsi ha xona. Nzi ta veka Moya wa mina hehla kakwe, i taba hungu hi kulamula a ka vamatiko.

Marku 12:10

A mu se ku gonza a mutsalo lowu wu nge ngalo: A ribye legi gi nga aliwa hi vaaki, Gi mahile a hloko ya magumo; Tis. 118:22

Luka 20:17

Kanilezi i lo va cuwuka, aku: Kasi zi wula yini lezi zi tsalilweko, ku ngalo: A ribye legi gi nga aliwa hi vaaki, Gi mahile a hloko ya magumo? Tis. 118:22; Mat. 21:42

Luka 23:35

A vanhu va wa yimile va cuwuka; ni tihosi ti lo mu tseketsela, tiku: I hanyisile vanwani, a ti hanyise loku a hi Kristu wa Nungungulu, a hlawulilweko wakwe. Tis. 22:17; Zak. 12:10; Mat. 27:39

Johani 7:38

Loyi a kholwako ka mina, hi lomo xifuveni kakwe ku ta khulunga a micongo ya mati ya wutomi, kota lezi yi wulako mitsalo. Deut. 18:15

Mitiro 1:16

Vamakabye, zi wa lavekile lezaku a Mutsalo wu tatiseka, lowu Moya wa ku Basa wu nga profeta hi kale hi nomu wa Davida ha Judasi, loyi a nga wa hi murangeli wa vona lava va nga khoma Jesu. Tis. 41:9; Joh. 18:3

Va le Roma 10:11

Hakuva a mutsalo wu ngalo: Kani hi wihi a kholwako kakwe a nga tawa tingana. Isa. 28:16; Jer. 17:7

Va le Efesusi 1:4

kota lezi a nga hi hlawula ka yena na ku nga se ku seketelwa misava, lezaku hi tava va kubasa, hi nga hiko na bawa mahlweni ka yena. Lu. 1:75; 1 Ped. 1:2, 20

Va le Efesusi 2:20

Mu akilwe xiseketelweni xa vapostoli ni xa vaprofeti, Jesu Kristu wutsumbu hi ribye ga magumo. Tis. 118:20; Mat. 16:18; 1 Kor. 12:28; Kuv. 21:14

2 Timote 3:16

Yontlhelele mitsalo yi pimisilweko vanhu hi Nungungulu ya vuna kugonziseni, ni kukawukeni, ni kululekeni, ni kulayeni hi za kululama; Lu. 1:70; 2 Ped. 1:20

1 Pedro 2:4

Tanani ka yena loyi a nga ribye gi hanyako, legi gi alilweko hi vanhu, kanilezi ka Nungungulu gi hlawuleka, gi dzunzeka, Tis. 118:22

1 Pedro 2:8

Kambe: A ribye ga xikhunguvanyiso, ni ribye legi gi ta nga va wisa. Va khunguvanyeka ha gona hakuva a mhaka a va yi ingisi; hakuva va wa yimiselwe lezo. Isa. 8:14; Rom. 9:22

2 Pedro 1:20

A kuranga tivani lezi, lezaku a ku na kuprofeta lomu mitsalweni loku munhu a nga ku tlhamuseleko hi ntamu wakwe. Rom. 12:6

2 Pedro 3:16

i maha lezo mapapilweni yakwe wontihe, loku a wulawula hi timhaka leti. A xikari ka wona ti kona timhaka tinwani leti ti tsanzako ku pimiwa, leti lava va nga gonzangiko ni va nga tiyangiko va ti hunzuluselako va lahleka, kota lezi va mahako hi yinwani mitsalo. Rom. 8:19; 1 Tes. 4:15