1 Pedro 2:17 - Tshwa Bible

¹⁷ Dzunzani vanhu vontlhe, mu ranza vamakabye; chavani Nungungulu, mu dzunza hosi ya tiko.

1 Pedro 2:17 Mawu Ofanana

Genesisi 20:11

Abrahama aku ngalo: Hakuva nzi waku ku hava kuchava Nungungulu ka legi wutshamu; nziku kutani va nga nzi daya hi ku fela a sati wa mina.

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

1 Kronekele 29:20

Davida i te ngalo ka wontihe tlhangano: Dumisani Jehova Nungungulu wa nwina! Zonake wontihe tlhangano wu lo dumisa Jehova Nungungulu wa vadadani vabye, va khizama mahlweni ka Jehova ni ka hosi.

Tisimu 111:10

A kuchava Jehova hi masangulo ya wutlhari, Vontlhe va ku gongako va na ni kupimisisa kunene. A kudumisiwa kakwe ku simamisa kala kupinzuka. Joba 28:28; 1 Tim. 4:8

Eksodusi 20:12

Chava raru wa wena ni nyine wa wena, kasi a masiku ya wena ma ta engetelwa tikweni legi u nyikilweko hi Jehova, Nungungulu wa wena. Mat. 15:4; Mar. 7:10; Efe. 6:2

Mavingu 1:7

A ku chava Jehova hi masangulo ya wutivi: anilezi a zipumbu zi kanyisa wutlhari ni gonziselelo. Joba 28:28

Mavingu 23:17

U nga vumeli a mbilu ya wena yi va ni makangwa hi za vaonhi; anilezi chava Jehova gontlhe siku.

Mavingu 24:21

Nwananga, chava Jehova ni hosi; nga ti tlhanganyisi ni lava va ranzako ku hluwuka. 1 Ped. 2:17

Mutshawuteli 8:2

Nziku: Hlayisa a zileletelo za hosi, Hi kota ya xifungo xa wena ka Nungungulu. Mat. 22:21; 1 Ped. 2:17

Levi 19:32

U ta suka u yima mahlweni ka lava va basileko wuvu, u nyika xichawo ka munhu wa hombe, u chava Nungungulu wa wena. Hi mina Jehova.

Zakaria 11:14

Zonake nzi lo tshova leʼyinwani nhonga yi vitwako Kuzwanana, kasi ku tsema a wunakulobye gi nga xikari ka Juda na Israeli.

Mateu 22:21

Vaku ka yena: Za Kesari. Zonake i te ngalo kabye: Tlhelisani ka Kesari lezi zi nga za Kesari, ni ka Nungungulu lezi zi nga za Nungungulu. Xip. 17:25; Rom. 13:7

Johani 13:35

Loku mu ranzana, a vanhu vontlhe va ta zi tiva lezaku mu vapizani va mina. 1 Joh. 2:5; 4:20

Va le Roma 12:10

Ranzanani hi liranzo la wumakabye; loyi ni loyi a dzunza munwani ku hunza wutsumbu.

Va le Roma 13:7

Nyikani ka vontlhe lezi zi va faneleko: a khupo ka loyi a faneleko ku khupelwa; a nzhuvo ka loyi a faneleko ku lubyiwa; mu chava loyi a faneleko ku chabyiwa, mu dzunza loyi a faneleko ku dzunziwa. Levi 19:3; Lu. 20:25

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

Va le Efesusi 5:21

Ti koramiseni munwe ka munwani hi ku mu chava Kristu. Fil. 2:3

Va le Filipi 2:3

mu nga mahi nchumu hi mubango ni kutikukumukisa, kanilezi ngha munwe ni munwani a ti koramisa a wula munwani aku i chukwana ku hunza yena. Jak. 3:14; 1 Ped. 5:5

1 Timote 6:1

Vontlhe lava va nga tikhumbi lahasi ka gota a va dzunze a venyi vabye, kasi a vito ga Nungungulu ni gonzo yakwe zi nga soliwi. Isa. 52:5; Tit. 2:9

Maheberu 13:1

Ngha li simamisa a liranzo la nwina la wumakabye.

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Pedro 2:13

Ingisani milayo yontlhe ya vanhu hi kota ya Hosi; hambu ku hi Kesari, loyi a nga hosi ya hombe, Mat. 22:21; Rom. 13:1

1 Pedro 5:5

Hizalezo na nwinawu vaswa, ingisani a masingalakati. Ina, nwentlhe ti boheni hi kutikoramisa, mu tirelana; hakuva Nungungulu wa ala a vamatshanza, kanilezi i nyika tipswalo ka lava va ti koramisako.

1 Samueli 15:30

Saule aku: Mina nzi onhile! Kanilezi nzi dzunze makunu mahlweni ka masingalakati ya vanhu va mina, ni mahlweni ka va ka Israeli, u tlhela na mina, kasi nza fela ku ya khizama mahlweni ka Jehova Nungungulu wa wena!