1 Pedro 1:3 - Tshwa Bible

³ A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18

1 Pedro 1:3 Mawu Ofanana

1 Tihosi 8:15

Yena i te ngalo: A ku dumiswe Jehova Nungungulu wa ka Israeli, loyi a tatisileko hi canja gakwe, lezi a nga zi wulawula hi nomu wakwe ka dadani Davida, aku:

1 Kronekele 29:20

Davida i te ngalo ka wontihe tlhangano: Dumisani Jehova Nungungulu wa nwina! Zonake wontihe tlhangano wu lo dumisa Jehova Nungungulu wa vadadani vabye, va khizama mahlweni ka Jehova ni ka hosi.

2 Kronekele 31:8

Hezekia ni tihosana va lota va ta wona tinhulu leto, va bonga Jehova ni vanhu vakwe, a va ka Israeli.

Tisimu 41:13

A bongiwe Jehova, a Nungungulu wa Israeli, Kusukela kupinzukeni kala kupinzuka! Amen, Amen!

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Eksodusi 34:6

Zonake Jehova i lo hunza mahlweni kakwe, na aku: Jehova, Jehova, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; Mitse. 14:18; Neh. 9:17; Joeli 2:13; Jona 4:2

Isaya 26:19

A vafileko va wena va ta tlhela va hanya, A zirumbi za vafi va mina a zi vuke! Vukani mu giya, nwina lava mu etleleko tshurini, Hakuva a nzhokati ya wena i nzhokati ya wuronga, Zonake a misava yi ta tlhela yi humesa a vafileko. Ezek. 37:3

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Johani 1:13

lava va nga pswaliwangiko hi nkhata, hambu hi kuranza ka nyama, hambu hi kuranza ka munhu, kanilezi va pswalilwe hi Nungungulu. 1 Ped. 1:23

Va le Roma 12:12

Tsakani kutsumbeni ka nwina, mu timisela kukaratekeni, mu simamisa mu tiyile kukhongeleni. Maheb. 3:6; 10:36

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

Va le Roma 4:25

loyi a nga nyikelwa hi kota ya zihambuko za hina, a vuxiwa, kasi hi fela ku hlayelwa kululama. Isa. 53:5; 1 Kor. 15:17; Maheb. 9:28

Va le Roma 5:10

Hakuva loku hi tlhanganyisilwe na Nungungulu hi kota ya kufa ka Nʼwana wakwe, na hi wa ha hi valala, nguvunguvu lezi makunu hi tlhanganyisilweko hi ta hanyiswa hi wutomi gakwe. Joh. 14:19; 2 Kor. 5:13

Va le Roma 8:11

Zonake loku a Moya wa loyi a nga vuxa Jesu hi ka vafileko wu tshama ka nwina, yena loyi a nga vuxa Kristu Jesu hi ka vafileko i ta hanyisa ni mimiri ya nwina ya kufa hi Moya wakwe lowu wu tshamako ka nwina. Xip. 6:4, 5; 1 Kor. 6:14; Efe. 2:5

Va le Roma 8:24

Hakuva hi hanyiswa hi kutsumba loku; kanilezi a kutsumba loku ku wonekako a ka ha hi kutsumba; hakuva himani a tsumbako loku ku nga hi yena loyi a tsumbako lezi zi nga woniwiko ke? Maheb. 11:1

1 Va le Korinte 13:13

Makunu zi te tsoma lezi zinharu, a kukholwa, ni kutsumba, ni liranzo; kanilezi a xa hombe nguvu ka zona hi liranzo. Mat. 22:38

1 Va le Korinte 15:20

Kanilezi futsi Kristu i vukile hi ka vafileko, hi yena matewula ya vona lava va etleleko. Miti. 26:23; 1 Ped. 1:3

2 Va le Korinte 1:3

A bongiwe Nungungulu tlhelo Dadani wa Hosi ya hina Jesu Kristu, a Dadani wa wuxinji ni Nungungulu wa kuchavelela kontlhe; Ekso. 34:6; Efe. 1:3

Va le Galatia 6:16

A kurula ni wuxinji a kuve ka vontlhe lava va ta nga famba hi nayo lowu, ni ka vaIsraeli va Nungungulu. Tis. 125:5

Va le Efesusi 1:17

Nzi kombela lezaku a Nungungulu wa Hosi ya hina Jesu Kristu, a Dadani wa kungangamela, a fela ku mu nyika a moya wa kutlhariha ni wa kuvululelwa lezaku mu mu tiva. Kol. 1:9

Va le Efesusi 1:3

A ku khesiwe Nungungulu tlhelo Dadani wa Hosi ya hina Jesu Kristu, loyi a hi katekisileko ka Kristu hi zikatekiso zontlhe za ka moya za le tilweni, Tis. 72:17

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Efesusi 2:4

Kanilezi Nungungulu loyi a teleko wuxinji, hi kota ya liranzo lakwe la hombe leli a hi ranzileko ha lona, Rom. 10:12

Va le Efesusi 3:20

Makunu ka yena loyi a zi kotako ku maha nguvunguvu ku hunza zontlhe lezi hi zi kombelako, kutani ku alakanya, hi ntamu lowu wu tirako ka hina,

Va le Kolosi 1:23

loku nwina mu simamisa kukholweni, na mu zimekilwe muku nde, mu nga tsiki ku tsumba a ivangeli leyi mu yi zwileko, leyi yi nga kanelwa ka zivangwa zontlhe lahasi ka tilo, leyi mina Paule nzi nga mahiwa nanza ga yona.

Va le Kolosi 1:27

Hakuva Nungungulu i lo ranza ku va tivisa lezaku ku talisile kuyini a kungangamela ka fihlakalo lowu xikari ka vamatiko, lowu wu nga lezaku Kristu i xikari ka nwina, loyi a nga kutsumba ka kungangamela.

1 Va le Tesalonika 1:3

Xontlhe xikhati hi alakanya a ntiro wa nwina wa kukholwa, ni kupinyama ka liranzo, ni kutiya ka nwina kutsumbeni ka Hosi ya hina Jesu Kristu, a mahlweni ka Nungungulu a Dadani wa hina. Joh. 6:29; Gal. 5:6; Xip. 3:6; 2 Tes. 1:11; Maheb. 6:10; Jak. 2:17

1 Va le Tesalonika 4:13

Vamakabye, a hi zi ranzi lezaku mu kohlwa xungetano ni lava va etlelako; mu nga xaniseki khwatsi hi vanwani lava va nga hiko na kutsumba.

2 Va le Tesalonika 2:16

A Hosi ya hina Jesu Kristu, ni Nungungulu a Dadani wa hina, loyi a hi ranzileko, ni ku hi nyika a kutangaliswa ka pinzukelwa, ni kutsumba ko saseka hi tipswalo takwe, Kuv. 1:5

1 Timote 1:14

A tipswalo ta Hosi ya hina ti lo tata a mbilu ya mina, zinwe ni kukholwa ni liranzo leli li nga ka Kristu Jesu. Lu. 7:47

Titusi 2:13

na hi cuwukela a kutsumba ka hina ku bongekako ku nga kuwoneka ka kungangamela ka Nungungulu wa hina wa hombe tlhelo Muhanyisi wa hina Kristu Jesu. Miti. 24:15

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13

1 Pedro 1:13

Hikwalaho ti boheni a ziwunu za kupima ka nwina, mu ti khoma, muva ni kutsumba ku mbheleleko a tipswalweni leti mu ta nga hiwa tona kuwonekelisweni ka Jesu Kristu. Lu. 17:30; Efe. 6:14

1 Pedro 1:21

Lava mu kholwako ka Nungungulu hi kota ya yena, loyi a nga mu vuxa hi ka vafileko, a mu nyika kungangamela, kasi a kukholwa ka nwina ni kutsumba ka nwina kuva ka Nungungulu. Miti. 2:24; Fil. 2:9

1 Pedro 1:23

Nwina mu belekilwe luswa hi mbewu yi nga boliko, na ku nga hi leyi yi bolako; mu belekilwe hi mhaka ya Nungungulu, leyi yi hanyako yiku tsoma. Joh. 8:5

1 Pedro 2:2

Lavani a masi ma nene ya moya, khwatsi hi zihlangana za ha belekiwako, kasi ma fela ku kula ha wona mu hanyiswa, Mat. 18:3; 1 Kor. 3:2

1 Pedro 3:15

Dzunzani Kristu kota Hosi timbilwini ta nwina; na mu longile ku hlamula hi kurula ni xichawo ni wihi munhu loyi a mu wutisako hi xigelo xa kutsumba ka nwina, Kol. 4:6

1 Pedro 3:21

a ku fanana ni mati lawa ma mu hanyisako makunu hi kubapatizwa, na ku nga hi ku susa a chaka ga miri, kanilezi hi ku kombela a livalo li nene ka Nungungulu, hi kuvuka ka Jesu Kristu; Rom. 10:10; Efe. 5:26

1 Pedro 3:5

Hakuva a kale a va bombisa lezo a vavasati va kubasa, lava va nga tsumba Nungungulu, va ingisa vanuna vabye.

1 Johani 2:29

Loku mu tiva lezaku yena i lulamile, zi tiveni lezaku ni wihi loyi a mahako lezi zi lulamileko i belekilwe hi yena. Miti. 22:14

1 Johani 3:3

Ni wihi loyi a nga ni kutsumba loku ha yena, wa ti basisa, kota lezi yena a basileko.

1 Johani 3:9

Kani hi wihi a belekilweko hi Nungungulu a nga onhi, hakuva a mbewu ya Nungungulu yi tshamile ka yena; a nga zi koti ku onha, hakuva i belekilwe hi Nungungulu. 1 Ped. 1:23

1 Johani 4:7

Varanzekako, a hi ranzaneni, hakuva a liranzo lita hi ka Nungungulu; ni wihi loyi a nga ni liranzo i belekilwe hi Nungungulu, wa mu tiva Nungungulu.

1 Johani 5:1

Kani hi wihi loyi a kholwako lezaku Jesu hi Kristu i belekilwe hi Nungungulu; ni loyi a ranzako Dadani wa ranza ni loyi a belekilweko hi yena. Joh. 1:12, 13; 15:23; Xip. 2:22

1 Johani 5:18

Hina ha zi tiva lezaku kani hi wihi a belekilweko hi Nungungulu a nga onhi; kanilezi loyi a nga belekiwa hi Nungungulu wa ti hlayisa, ni loyi wa kubiha a nga na ku mu henya. Jak. 1:27; 1 Ped. 1:23

1 Johani 5:4

Hakuva kani hi xihi lexi xi belekilweko hi Nungungulu xa hlula tiko; a kuhlula loku ku hlulileko tiko hi kukholwa ka hina. Joh. 16:33