1 Pedro 1:23 - Tshwa Bible

²³ Nwina mu belekilwe luswa hi mbewu yi nga boliko, na ku nga hi leyi yi bolako; mu belekilwe hi mhaka ya Nungungulu, leyi yi hanyako yiku tsoma. Joh. 8:5

1 Pedro 1:23 Mawu Ofanana

Jeremia 23:28

A muprofeti loyi a nga ni noro, a wu hlawute; kanilezi loyi a nga ni mhaka ya mina, ngha a kanela yona hi kutsumbeka. Hikuyini mu patsako a mungu ni mavele ke? ku wula Jehova.

Levi 11:37

Kasi loku ku wile a xirumbi xa xona le hehla ka mbewu leyi yi byalilweko, yi ta tshama yi hlazekile.

Malaki 2:3

Nzi ta goha a woko ga nwina, nzi xwanya koho tinghoheni ta nwina, wu nga koho wa miphahlo ya nwina, mu hoxiwa handle nawo.

Mateu 24:35

A tilo ni misava zi ta hunza, kanilezi a timhaka ta mina ti nga ta hunza. Isa. 51:6; Mar. 13:31

Luka 8:11

A mufananiso lowu wu wula lezi: A mbewu hi mhaka ya Nungungulu.

Johani 1:13

lava va nga pswaliwangiko hi nkhata, hambu hi kuranza ka nyama, hambu hi kuranza ka munhu, kanilezi va pswalilwe hi Nungungulu. 1 Ped. 1:23

Johani 1:3

Zilo zontlhe zi lo mahiwa hi yena; hi lahandle kakwe a ku mahiwangi nchumu xikari ka lezi zi mahilweko.

Johani 3:3

Jesu i lo hlamula aku ngalo kakwe: Hakunene loku munhu a nga belekiwi luswa, a nga na ku wona mufumo wa Nungungulu. Xip. 1:13; Gal. 6:15; Tit. 3:5

Johani 3:5

Jesu i lo hlamula, aku: Kunenenene nziku ka wena: Loku munhu a nga belekiwi hi mati ni Moya, a nga na ku enghena mufunweni wa Nungungulu. Mar. 16:16; Miti. 2:38

Johani 6:63

A moya hi wona wu hanyisako, a nyama a yi vuni nchumu. A timhaka leti nzi mu byelileko tona, hi moya ni wutomi. 2 Kor. 3:6

Va le Roma 1:23

Va lo hunzulusa a wukosi ga Nungungulu loyi a nga fiko, gi fanana ni xifananiso xa munhu a fako, ni xa zinyanyani, ni zihari za mune wa milenge, ni zikokakoka. Levi 18:22; Tis. 81:12; Miti. 7:42; 1 Kor. 6:18

Maheberu 4:12

Hakuva a mhaka ya Nungungulu ya hanya, yi na ni ntamu, ya kariha ku hunza supado ya wutlha gimbiri, yi tlhava yi kala yi hambanyisa a muhefemulo ni moya, ni mahlakala ni mongo; yi hlola a maalakanyo ni mixuvo ya mbilu. Isa. 49:2; Efe. 6:17; Kuv. 1:16

Jakobe 1:18

Hi kuranza kakwe i hi belekile hi mhaka ya zinene, kasi hi tava a mihanzu yo rangula ya zivangwa zakwe. Kuv. 14:4; Jer. 2:3; Joh. 1:13

1 Pedro 1:25

Kanilezi a mhaka ya Hosi yi simamisa kala kupinzuka. Legi hi gezu ga mahungu yo saseka lawa ma nga kanelwa ka nwina.

1 Pedro 1:3

A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18

1 Johani 3:9

Kani hi wihi a belekilweko hi Nungungulu a nga onhi, hakuva a mbewu ya Nungungulu yi tshamile ka yena; a nga zi koti ku onha, hakuva i belekilwe hi Nungungulu. 1 Ped. 1:23

1 Johani 5:18

Hina ha zi tiva lezaku kani hi wihi a belekilweko hi Nungungulu a nga onhi; kanilezi loyi a nga belekiwa hi Nungungulu wa ti hlayisa, ni loyi wa kubiha a nga na ku mu henya. Jak. 1:27; 1 Ped. 1:23