1 Pedro 1:22 - Tshwa Bible

²² Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Pedro 1:22 Mawu Ofanana

Johani 15:17

Lezi nzi mu leletelako zona, hi lezaku mu ranzana.

Johani 15:3

Nwina mu sina mu hlazekile hi kota ya mhaka leyi nzi nga kanela ka nwina. Xip. 13:10; Efe. 5:26; 1 Ped. 1:22

Johani 17:17

Va basise zineneni; a mhaka ya wena zinene. 2 Sam. 7:28; Miti. 15:9; Efe. 5:26

Johani 17:19

Nza ti basisela vona, lezaku vonawu va basisiwa zineneni. 1 Kor. 1:2; 1 Tes. 4:7; Maheb. 10:10

Mitiro 15:9

A nga hambanyisangi nchumu xikari ka hina na vona, laha a nga basise timbilu tabye hi kukholwa. Rom. 10:11; 1 Kor. 1:2

Mitiro 6:7

A mhaka ya Nungungulu yi lo anza, ni ntsengo wa vapizani wu lo enzelekelana ha hombe le Jerusalema; ni vapristi vanyingi va lo kholwa. Kol. 1:6; 2 Tim. 3:1; Joh. 12:42

Va le Roma 1:5

loyi nzi nga amukela hi yena a tipswalo ni wupostoli, lezaku a vitweni gakwe nzi yisa a vanhu va matiko wontihe a kuingiseni ka kukholwa. Efe. 3:8; Miti. 9:15

Va le Roma 2:8

Kanilezi lava va kanetako va nga ingisi zinene, va ingisa kungalulami, va ta welwa hi zanga ni khulo. Isa. 3:11; 2 Tes. 2:12

Va le Roma 8:13

hakuva loku mu hanya hi ka nyama mu tafa; kanilezi loku mu daya a mitiro ya miri hi moya mu ta hanya. Gal. 6:8

2 Va le Korinte 6:6

ni le kubaseni, ni le kutiveni, hi lihlaza-mbilu, hi wunene, ni ka Moya wa ku Basa, ni liranzo li nga ti mahisiko,

Va le Galatia 3:1

Maphuphulu nzi nwina vaGalatia, mu kanganyisilwe hi mani, nwina lava Jesu Kristu a nga kombiswa ka nwina kubaseni kota loyi a belelweko? 1 Kor. 1:23; Xip. 5:7

Va le Galatia 5:5

Hakuva hina hi rinzela hi Moya hi ku kholwa, a kululama loku hi ku lavelelako. Rom. 8:24

Va le Galatia 5:7

Nwina mu wa kari mu tsutsuma khwatsi; himani a mu thindekisileko, lezaku mu nga ingisi zinene ke? 1 Kor. 9:24

Va le Efesusi 4:3

mu pinyamela a ku hlayisa a wunwe ga Moya hi xiboho xa kurula. Kol. 3:14

Va le Filipi 1:9

Nzi kombela lezaku a liranzo la nwina li fela ku anziswa nguvunguvu a kutiveni ni kupimeni kontlhe, File. 6

1 Va le Tesalonika 3:12

Ngha a Hosi yi mu enzelekisa mu anza liranzweni la kuranzana, ni ku ranza vanhu vontlhe, kota lezi hina hi mu ranzako;

2 Va le Tesalonika 1:3

Hi yimelwe hi ku mu bonga Nungungulu xontlhe xikhati ha nwina, vamakabye; zi fanele kakuva a kukholwa ka nwina ka kula nguvu, ni kuranzana ka nwina nwentlhe ka su enzeleka; Tis. 84:7; 1 Tes. 1:2, 3

2 Va le Tesalonika 2:13

Kanilezi hina hi yimelwe hi ku mu bonga Nungungulu xontlhe xikhati ha nwina, vamakabye va ranzekako va Hosi; hakuva Nungungulu i lo mu hlawula hi le kusanguleni a kuva mu hanyiswa hi kubasiswa hi Moya ni kukholwa ka zinene.

1 Timote 1:3

Laha nzi ngaya le Makedonia nzi lo ku khongotela ku sala le Efesusi, u luleka vanwani lezaku va nga gonzisi yinwani gonzo, Miti. 20:1, 3; Gal. 1:6, 7; Fil. 2:24

1 Timote 1:5

Kanilezi a xigelo xa kulaya ka hina, hi ku vuxa a liranzo li humako mbilwini yi hlazekileko ni livalweni li nene ni kukholweni ku nga xengeteliko. Rom. 13:8; Gal. 5:14; 2 Tim. 2:22

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

1 Timote 5:2

a vavasati va kale khwatsi mbamani, ni lava vaswa khwatsi mbamakwenu, hi kuhlazeka kontlhe.

2 Timote 1:14

A xilo xi nene lexi xi vekilweko ka wena, xi hlayise hi Moya wa ku Basa lowu wu tshamako ka hina.

Maheberu 11:8

Hi kukholwa Abrahama i lo ingisa laha a nga vitanwa, a suka aya tikweni lego a ta nga ya nyikwa gona giva tshomba yakwe: i lo rura na a nga ku tivi laha a yako kona. Gen. 12:1, 4

Maheberu 13:1

Ngha li simamisa a liranzo la nwina la wumakabye.

Maheberu 5:9

na a mbhelelisilwe i lo maha a muvangi wa kuhanyiswa ka pinzukelwa, ka vontlhe lava va mu ingisako;

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Jakobe 1:21

Hikwalaho hoxani a zivi zontlhe ni kubiha kontlhe, mu amukela hi kutikoramisa a mhaka leyi yi byalilweke ka nwina, leyi yi zi kotako ku hanyisa a mihefemulo ya nwina. Rom. 1:16; Kol. 3:8; 1 Ped. 1:9

Jakobe 4:8

Tshinelani ka Nungungulu, na yena i ta tshinela ka nwina. Hlambani mandla, nwina vaonhi; mu basisa timbilu ta nwina, nwina va timbilu timbiri. 2 Kro. 15:2; Isa. 1:16; 1 Ped. 1:22

1 Pedro 1:2

va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22

1 Pedro 2:17

Dzunzani vanhu vontlhe, mu ranza vamakabye; chavani Nungungulu, mu dzunza hosi ya tiko.

1 Pedro 3:1

Hizalezo na nwina vasati, ingisani vanuna va nwina; lezaku kasi hambu loku va hi kona lava va nga ingisiko mhaka, va fela ku kokiwa hi mahanyela ya vasati vabye hi handle ka mhaka; Mat. 18:15; 1 Kor. 7:16

1 Pedro 3:20

leyi a kale yi nga kala yi nga ingisi, laha Nungungulu a nga rinzela hi lihlaza-mbilu a masikwini ya Noa, na ka ha akiwa a taru, legi ku nga hanyiswa ha gona matini a ntlhanu wa vanhu ni vanharu ntsena, Gen. 6:3; 7:7; Maheb. 11:7

1 Pedro 3:8

Hi kugumesa, ngha nwina nwentlhe mu hi ni mbilu yinwe, mu zwelana, mu ranzana ni vamakabye, mu hi ni wuxinji, mu ti koramisa. Rom. 12:10; Fil. 3:16; Kol. 3:12

1 Pedro 4:17

Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31

1 Pedro 4:8

Nguvunguvu pinyameleni kuranzana, hakuva a liranzo li khubhunyeta zionho zinyingi. Kol. 3:14; Jak. 5:20

2 Pedro 1:7

ni kuchaveni ka nwina Nungungulu ngha mu ranza vamakabye, ni kuranzeni ka nwina vamakabye muva ni liranzo. Gal. 6:10

1 Johani 3:11

Hakuva a mhaka leyi mu yi zwileko hi le kusanguleni hi leyi, lezaku hi ranzana; Joh. 13:34

1 Johani 3:23

A kuleletela kakwe hi loku, lezaku hi kholwa vitweni ga Nʼwana wakwe Jesu Kristu, hi ranzana kota lezi yena a nga hi leletela. Joh. 6:29; 15:12; 17:3; 1 Ped. 4:8

1 Johani 4:12

A ku na munhu a wonileko Nungungulu ni siku ni ginwe. Loku hi ranzana, Nungungulu i tshamile ka hina, ni liranzo lakwe li mbhelelisilwe ka hina.

1 Johani 4:20

Loku munhu a wula aku: Nza mu ranza Nungungulu, na a venga makabye wakwe, wa hemba; hakuva loyi a nga ranziko makabye wakwe loyi a mu wonako, a nga zi koti ku ranza Nungungulu loyi a nga mu woniko. Xip. 2:4

1 Johani 4:7

Varanzekako, a hi ranzaneni, hakuva a liranzo lita hi ka Nungungulu; ni wihi loyi a nga ni liranzo i belekilwe hi Nungungulu, wa mu tiva Nungungulu.

Kuvululelwa 2:4

Kanilezi nzi na ni xisolo lexi ha wena, lezaku u tsikile a liranzo la wena lo sangula.