1 Pedro 1:19 - Tshwa Bible

¹⁹ na ku nga hi hi zilo zi bolako, a siliva kutani nzalama, kanilezi mu tirulwe hi nkhata lowu wa malongo, wo kota wa yivana yi nga hiko na khwanga ni bawa, wu nga wona nkhata wa Kristu. Ekso. 12:5; Joh. 1:29; Kuv. 5:9

1 Pedro 1:19 Mawu Ofanana

Eksodusi 12:5

Ni yivana a yive ya hamba leyi yi nga lamalangiko, na yi hi ni lembe ginwe; mu ta yi hlawula xikari ka tiyivu kutani xikari ka timbuti.

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Isaya 53:7

I lo hlokiswa, hambu lezi a nga ti tsongahata, Na a nga vululi nomu wakwe; Khwatsi hi yivana leyi yi gulelwako kutlhabyiweni, Ni yivu leyi yi miyelako mahlweni ka mukayi, Hizalezo a nga vululangi nomu wakwe. Mat. 23:63; Joh. 1:29; Miti. 8:32

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Levi 1:10

Loku a munyikelo wakwe wu hi wa xifuyo xa xitsongwani, ti nga tiyivu kutani timbuti na ti hi ta munyikelo wa kuhiswa, i ta nyikela ya matsune a nga hiko na bawa.

Levi 22:20

Mu nga nyikeli hi xihari xi nga ni bawa, hakuva mu nga ta amukeleka hi muphahlo wo maha lezo.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Mitsengo 7:27

ni nkuzana, ni hamba, ni hambana ya lembe ginwe a wukale, a kuva munyikelo wa kuhiswa,

Mitsengo 7:39

Ni nkuzana ni hamba, ni hambana ya lembe ginwe a wukale, a kuva munyikelo wa kuhiswa.

Mateu 20:28

kota lezi a Nʼwana wa munhu a nga telangiko ku ta tirelwa, kanilezi a ku ta tirela, ni ku nyikela kuhanya kakwe a kuva nzhiho wa ku tirula vanyingi. Isa. 53:10; Lu. 22:27; Joh. 13:4

Mateu 26:28

hakuva lexi hi nkhata wa mina wa xivumelwano xiswa, lowu wu halatelwako a vanyingi a kutsetselelweni ka zionho. Ekso. 24:8; Jer. 31:31; Rom. 5:15

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Johani 1:36

Laha a nga wona Jesu na a kari a famba, aku: Wonani Yivana ya Nungungulu!

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

Va le Roma 3:25

loyi Nungungulu a nga mu yimisa a kuva nzhiho hi nkhata wakwe, wu amukelwako hi kukholwa. Lezi zi kombisa a kululama ka Nungungulu, hakuva kuhuniseleni kakwe i wa tsikile a zionho zi nga mahiwa kale; Levi 18:15; 1 Joh. 4:10

Va le Efesusi 1:7

Hi kuma ha yena a kutirulwa ka hina hi kota ya nkhata wakwe, ku nga kutsetselelwa ka zihambuko za hina, hi ku ringana ni kutala ka tipswalo takwe, Rom. 3:24; Maheb. 9:12

Va le Kolosi 1:14

loyi hi nga ni kutirulwa ha yena, ku nga kutsetselelwa ka zionho za hina.

1 Pedro 1:2

va hlawulilweko hi ku va tiva kakwe Nungungulu Dadani hi mahlweni, hi kubasiswa hi Moya, kasi va ingisa Jesu Kristu ni ku nwatsekelwa hi nkhata wakwe, nziku: A tipswalo ni kurula a zi anziswe ka nwina. Rom. 8:29; 2 Tes. 2:13; Maheb. 10:22

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

1 Johani 1:7

Kanilezi loku hi famba kuwonekeleni, kota lezi yena a nga kuwonekeleni, hina hi hlengele munwe ni munwani, ni nkhata wa Jesu a Nʼwana wakwe wa hi hlaza zionho zontlhe. Maheb. 9:14; 1 Ped. 1:19; Kuv. 1:5

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 14:1

Zonake nzi lo cuwuka nzi wona Yivana na yi yimile xitsungeni xa Zioni, na yi hi ni 144,000 lava va tsalilweko a vito ga yona ni vito ga Dadani wa yona laha zimombyeni zabye. Xip. 7:3, 4; 5:6

Kuvululelwa 14:5

A ku kumiwangi mawunwa milonwini yabye; a va na nanzu. Tis. 32:2; Zef. 3:13

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29

Kuvululelwa 5:9

Ma lo yimbelela lisimu liswa, maku: Wena u fanele ku vulula bhuku, ni ku namula zifungo za gona; hakuva u wa tlhabyilwe, u xavele Nungungulu a vanhu va tixaka tontlhe hi nkhata wa wena, ni tirimi, ni mufumo, ni matiko, Tis. 40:3; Dan. 4:1; Rom. 3:24

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9