1 Pedro 1:17 - Tshwa Bible

¹⁷ Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

1 Pedro 1:17 Mawu Ofanana

Genesisi 47:9

Jakobe aku ka Faro: A malembe ya wutomi ga mina i 130, kanilezi a malembe ya wutomi ga mina ma komile, ma tlhela ma biha; cima a nzi chikelangi malembeni ya vadadani va mina, xikhatini xa kuhanya kabye.

1 Kronekele 29:15

Hakuva hina hi valuveli ni vaenzi mahlweni ka wena, kota vontlhe vadadani va hina; a masiku ya hina laha misaveni ma fanana ni nzhuti, a ku na kutsumba laha. Levi 25:23; Joba 8:9; Maheb. 11:13

2 Kronekele 19:7

Makunu ngha mu chava Jehova, mu ti wonela ka lezi mu ta nga zi maha hakuva ku hava kukanganyisa ka Jehova Nungungulu wa hina, hambu ku cuwuka xiyimo xa munhu, ge hambu ku rengelelwa. Miti. 10:34; Rom. 2:11; Efe. 6:9

Joba 34:19

Nungungulu a nga cuwuki xiyimo xa tihosana, A nga khataleli vafumileko ku hunza zisiwana; Hakuva vontlhe va hi ntiro wa mandla yakwe. Deut. 10:17; Miti. 10:34; Kol. 3:25

Tisimu 39:12

Jehova, zwana mukombelo wa mina, dembela ndleve kurileni ka mina, U nga miyeli loku nzi kari nzi rila mihloti; Hakuva nzi mupfhumba ka wena, Nzi muluveli khwatsi hi vadadani va mina vontlhe. Gen. 47:9; Maheb. 11:13; 1 Ped. 2:11

Tisimu 89:26

I ta nzi vitana, aku: Wena u dadani wa mina, Nungungulu wa mina, a ribye ga kuhanyiswa ka mina. 2 Sam. 7:14; 1 Kro. 17:13; Maheb. 1:5

Mavingu 14:16

Loyi a tlharihileko wa chava, a huma kubiheni; anilezi a xipumbu xi honisa xi ti tsumba.

Mavingu 28:14

I katekile a munhu loyi a nga ni livalo xontlhe xikhati; anilezi loyi a nonohisako a mbilu yakwe i ta wela khombyeni.

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Zefania 3:9

Hakuva a siku lego nzi ta nyika a matiko milomu yiswa leyi yi basileko, kasi wontlhe ma fela ku vitana a vito ga Jehova, ma mu tirela hi mbilu yinwe.

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Mateu 22:16

Va lo ruma ka yena a vapizani vabye zinwe ni va ka Herodi, va yaku: Mugonzisi, ha zi tiva lezaku wena u wa zinene, u gonzisa a ndlela ya Nungungulu hi zinene; a ku khatali hi munhu, hakuva a ku cuwuki a xiyimo xa vanhu.

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

2 Va le Korinte 1:2

A tipswalo a tive na nwina ni kurula ka le ka Nungungulu a Dadani wa hina, ni Hosi Jesu Kristu. Fil. 1:2

2 Va le Korinte 5:6

Hikwalaho hi tiyilehlana xontlhe xikhati, na hi tiva lezaku loku ha ha tshamile mirini lowu, hi le kule ni Hosi,

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

2 Va le Korinte 7:11

Langutani, lezi mu nga cheliwa a wusiwana ga lixaka leli a li ranzako Nungungulu; kupangama ka ku yini ku nga tira xikari ka nwina; ina, ni kutihlamulela ka ku yini; ina, i zanga ya ku yini; ina, kuchava ka ku yini; ina, kunavela ka ku yini; ina, kupinyama ka ku yini; ina, kutsayisa ka ku yini! Mu kombisile hi zontlhe lezaku a mu na nanzu mhakeni leyi.

Va le Galatia 2:6

Kanilezi lava va tibyiwako hi lezaku mbamani (kutani mba ku yini, a hi nchumu ka mina; Nungungulu a nga cuwuki xiyimo xa munhu), nzi ngalo: Vona lava va nga vahombe a va nzi engetelangi nchumu. Xip. 6:3; Miti. 10:34; Rom. 2:11; 2 Kor. 2:11

Va le Efesusi 1:17

Nzi kombela lezaku a Nungungulu wa Hosi ya hina Jesu Kristu, a Dadani wa kungangamela, a fela ku mu nyika a moya wa kutlhariha ni wa kuvululelwa lezaku mu mu tiva. Kol. 1:9

Va le Efesusi 3:14

Hi kota ya lezo nza khizama ka Dadani hi madzolo ya mina,

Va le Efesusi 6:9

Na nwina venyi, mahani zalezo ka malanza ya nwina, mu tsika a ku va dzukisa; na mu tiva lezaku loyi a nga Hosi ya vona ni ya nwina i le tilweni, ni lezaku ka yena a ku na kuhlawulwa munhu. Kol. 4:1; 1 Ped. 1:17

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

Va le Filipi 2:12

Hilezoke, varanzekako va mina, khwatsi hi lezi mu ingisileko xontlhe xikhati, na ku nga hi loku nzi hi kona ka nwina ntsena, kanilezi nguvunguvu makunu loku nzi ngha nzi hi hava, tirelani a kuhanyiswa ka nwina hi kuchava ni kururumela.

Va le Kolosi 3:25

Loyi a mahako kubiha i ta tlheliselwa hi kota ya kubiha loku a ku mahileko, hakuva a ku na kuhlawulwa munhu.

Maheberu 12:28

Hikwalaho kota lezi hi amukelako a mufumo lowu wu nga tsekatsekiswiko, ngha na hi hi ni kubonga, loku hi nga khozelako Nungungulu ha kona hi mu tsakisa, hiva ni xichawo xi basileko ni kururumela,

Maheberu 4:1

Kota lezi a xitsumbiso xa kuenghena kuhumuleni kakwe xa ha hi ku kona, a hi chaveni lezaku ku nga sali nzhako ni munwe wa nwina.

1 Pedro 2:11

Varanzekako, nza mu khongotela kota lezi mu nga valuveli ni vaenzi, lezaku mu tsika a kumbilukela ka nyama, loku ku lwako ni muhefemulo;

1 Pedro 3:15

Dzunzani Kristu kota Hosi timbilwini ta nwina; na mu longile ku hlamula hi kurula ni xichawo ni wihi munhu loyi a mu wutisako hi xigelo xa kutsumba ka nwina, Kol. 4:6